Lukàrzɛ̀ 9:43 - Mokpwe: Bakwery (New Testament)

⁴³ Hwatò hwa arzɛ hwa mà tàmà, ò lì ɛnɛ̀ mànyàkà mà amà Lohwɛ̀ a mà gbèye. Tɔ̀ nɛ hwa mà hwɛ ò hwètàmirzelì lì hvòmɛ̀nɛ̀ mamɛ ema Yerzù a mà gbèye, Yerzù à mà òhweyà Hwà-òkòwèlì hwa eni nanù ema,

Lukàrzɛ̀ 9:43 Referans Kwoze

Matiyò 17:22

Nà òma Yerzù nà Hwà-òkòwèlì hwa mà arzàŋganɛ ò erzòòkà yà Galìlì, Yerzù rzìi a hwa òhweyà nanù ema, “È Ŋmanà wà è Mòtò wà Hwènàmà à ò ŋgbààhwà ò màà mà hwatò,

2 Pètrò 1:16

Rzeketɛ màyìtò ema hwatò hwà mà wòndɛ̀yi ndi i ma hwɛ lì e ohweyà, e hvonda ema i ma hwɛ lì ohwa nanù ema e Rzàŋgo ya arzu Yerzù Krirztò e jà hvɛ na ŋginyà. Irzɔ hwitɛ-hwitɛ je ɛnɛ ŋmàye mo eni na mìirzɔ ma arzu.

Lukàrzɛ̀ 8:25

Yerzù rzìi a ijòwa hwà-òkòwèlì hwa eni nanù ema, “O èŋgànɛ̀lɛ̀ e rza nò lòkɛ̀ e?” Hwa mà ònda nà wɔ̀ŋgɔ̀ nà hwètàmìrzèlì, rzìi hwa wòteya ò lì àyìjòwànɛ̀ mɔ̀kɔ nà ɔ̀nɛ̀yi nanù ema, “Ima nyayi yà mòtò ònò e? Èma à kànèyà è mbɛ̀hvɛ̀nì nà hwèmùnɛ̀ hwe malìhwa, rzìi hwe mò hweyànà e?”

Lukàrzɛ̀ 5:26

Tɔ̀ ima mòtò à ma hwɛ aŋga à mà ònda nà hwètàmìrzèlì. Ò èŋgànɛ̀lɛ̀ hwa mà èka Lohwɛ̀ nà lì òndà nà wɔ̀ŋgɔ̀ rzìi hwà òhwa nanù ema, “Jà ɛnì hweyà hwe mànyakà yàwònò.”

Lukàrzɛ̀ 4:36

Hwatò hwa arzɛ hwa mà jeja, rzìi hwa àyijòwànɛ̀ mɔ̀kɔ nà ɔ̀nɛ̀yi nanù ema, “Ima lìtumba la mbɔrzi lìni e? Nɛ mòtò a tànɛyi lì kànèyà hwèlìŋgɛ̀ hwe wòhwe nà ŋginyà, rzìi hwe wurzà e?”

Lukàrzɛ̀ 5:9

Ènè èlɛ̀mbelì ya nyàmà, e mà tàmirzɛ Rzìmɔ̀nì Pètrò nà hwanɛ̀yi hwatò hwa mèrzòmbò hwa arzɛ.

Makòrzì 6:51

Nà òmà à mà kpèeyà ò tenì ya wɔ̀lɔ̀ lì hwa ùŋmanɛlɛ rzìi muulì mò wɔ̀tɔ̀meya. Hwà-òkòwèlì hwa arzɛ̀ hwà mà ònda na hwètàmirzelì.

Lukàrzɛ̀ 9:42

Nà òmà òŋgò ŋmanà a mà hwɛ lì ɛ̀ndɛ ò lì ùŋma Yerzù, rzìi èŋge èlìŋgɛ̀ ya wòhwe e wòteya lì mò tàkirzɛ rzìi e mò kpirzɛ̀, rzì a hvòkòwa. Yerzù rzìi a lòmeya èŋge èlìŋgɛ̀ ya wòhwe, rzìi à wɔ̀wìrzɛ̀ òŋgò ŋmanà, rzìi a mò tìmbirzɛlɛlɛ è rzàŋgò yà èni.

Lukàrzɛ̀ 18:43

Lìwòkìmɛ̀nɛ̀, òŋgò mòtò rzìi a wòteyà lì ɛnɛ̀. Rzìi à òŋgama Yerzù. A ŋgbà hvɛ Lohwɛ̀ jèka. Nà òmà è ŋgìndì yà àrzɛ e mà ɛnɛ nanù, è mà ŋgbà Lohwɛ̀ jeka.