Lukàrzɛ̀ 9:29 - Mokpwe: Bakwery (New Testament)

²⁹ Nà òmà a mà hwɛ lì kanɛ̀, wòrzò wa eni wò mà ayèŋgòwɛ̀. Mòŋgòmbè mò eni hvɛ mò mà ayèŋgòwɛ̀ mbɔmi yà ŋmàye mò rzɛ̀ŋgɛ-rzɛ̀ŋgɛ.

Lukàrzɛ̀ 9:29 Referans Kwoze

Matiyò 17:2

Aŋga rzɔ ndi Yerzù à mà atikòwɛ ò wòrzò wò awu, wòrzò wa eni wò ma hvànya ndi nàa igbèyi, lìhwatù la eni hvɛ lì ma ayèŋgòwɛ̀ mbɔmi yà ŋmàye mò rzɛŋgɛ-rzɛŋgɛ.

Hwèwulùwèlì 20:11

Nà ma ɛnɛ kònda ndɛnɛ̀ yà lìkànèyà ema e tanà, na e mòtò ema à mà e lìya o ŋmanyu. Aŋga ndi e rze ya mɔ̀nyɛ̀ na lìwòhwɛ la ŋmanyu hwe ma nyɔ̀ŋge o worzò wo eni, ndèŋgànɛ̀lɛ̀ hwe rzi ɛnɛhwɛ hvɛ.

Hwègbèèlì 6:15

Hwatò hwa arzɛ ema hwà mà hwɛ ò wòŋgò wòlìya hwà mà rzòkɛ Rzìtehvànɛ mìirzɔ̀ rzìi hwa ɛnɛ nanù ema wòrzò wò eni wò ma hvànya ndi nàa wòrzò wò aŋgèlì.

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Makòrzì 16:12

O mburzà yà eŋge hvònda, Yerzù rzìi a awuŋmɛ̀lɛ̀ mɔ̀ ŋmìti hvɛ hwahvɛhvɛ hwatò hwahwàkɛ na hwehvɛhvɛ hwɛnèlì, nà òmà wɔ̀ hwà mà hwɛ lì anjiya ò mbòwà.

Lukàrzɛ̀ 3:21

Nà òmà Yòwanìrzɛ̀ à mà lùhwìrzɛ̀ hwatò hwa arzɛ, Yerzù mɔ̀ hvɛ, à mà jà ema a mò lùhwìrzɛ̀. Nà òmà Yerzù a mà lùhwìrzɛ̀hwɛ̀, rzìi a kanɛ̀. Nà òmà a mà hwɛ ò lì kanɛ̀, è ŋmanyu è mà lìhvòweya.

Lukàrzɛ̀ 5:16

Ndi e hvònda e ma ùke, Yerzù à mà ɛ̀ndɛ ò tòŋgòŋgò ya èki ya ŋmɛ̀ɛ ò lì kanɛ̀.

Lukàrzɛ̀ 6:12

O wùnyà wɔ̀kɔ wò mèŋge mèènyà Yerzù à mà ɛ̀ndɛ lì kanɛ̀ ò ŋmanyu yà mòòlì mɔ̀kɔ, à mà akɛlɛ wuwu wò arzɛ ò lì kanɛ̀ Lohwɛ̀.

Lukàrzɛ̀ 9:18

Wùnyà wɔ̀kɔ nà òmà Yerzù a mà hwɛ lì kanɛ̀ ŋmìti, rzìi Hwà-òkòwèlì hwa eni hwa jà ò lì mò ùŋma. Rzìi à hwa ijòwa nanù ema, “Njɛnɛ hwatò hwa òhwa ema nà hwèlì e?”

Lukàrzɛ̀ 9:30

Lìwòkìmɛnɛ wùnyànà hwàhwàkɛ̀ rzìi hwa mò wurzeyà hwa wòteya ò lì kòwa nà mɔ̀. Hwàŋga wùnyànà hwa mà hwɛ ndi Mòrzè nà Èlàyijà.