Lukàrzɛ̀ 8:48 - Mokpwe: Bakwery (New Testament)

⁴⁸ Yerzù, rzìi a mò òhweyà nanù ema, “È ŋmanà wà amì wà mòlanà kòkò, lìlòkɛ̀ lì aŋgɔ̀ ndi lì ò wɔ̀wìrzɛ̀. O ɛ̀ndɛ na ɛ̀yɔ̀lɛ̀.”

Lukàrzɛ̀ 8:48 Referans Kwoze

Lukàrzɛ̀ 7:50

Yerzù rzìi à òhweyà òŋgò mòlanà nanù ema, “Lìlòkɛ̀ lì aŋgɔ̀, lì ò òŋgirzɛyi. O ɛ̀ndɛ nà ɛ̀yɔ̀lɛ̀.”

Matiyò 9:22

Yerzù rzìi a ayèŋgòwɛ̀ à mò ɛnɛ̀, rzìi à mò òhweyà nanù ema, “È ŋmanà wà amì wà mòlanà kòkò, lìlòkɛ̀ la aŋgɔ̀ ndi lì ò wɔ̀wìrzɛ̀yi.” Lìwòkìmɛ̀nɛ̀ òŋgò mòlanà à mà wɔ̀wɔ̀.

Hibrù 4:2

Ŋmɛ̀ndì mò gbamù mò ama Lohwɛ̀ hvɛ ema mò jò òhwahwɛlɛyi, ì mà mò hweyà ŋgana hvɔ̀kɔ nà oma wɔ̀ hvɛ hwa mà mò hwèye. Ndi moŋgo ŋmɛ̀ndì mò gbamù ema hwa mà hwèye, mò rzi ohve tɔ̀ màanda nà wɔ̀, èhwanja wɔ̀ hwa rzi lòkɛ̀ mamɛ ema hwa mà hwèye.

Hwègbèèlì 14:9

A ma hwɛ lì òkànèyà na òma Pàwolò à mà hwɛ lì òhwa ŋmɛ̀ndì mò gbamù. Pàwolò a mò rzòke mìirzɔ̀, rzìi a ɛnɛ nanù ema òŋgò mòtò a hwɛnì lìlòkɛ̀ nanù ema a ò wɔ̀wìrzɛ̀hwɛ.

Lukàrzɛ̀ 17:19

Yerzù rzìi a mò òhweyà nanù ema, “Tɛmɛ ò ɛ̀ndɛ̀. Lìlòkɛ̀ lì aŋgɔ̀ lì ò tùnìrzɛ̀yi.”

Makòrzì 5:34

Yerzù, rzìi a mò òhweyà nanù ema, “È ŋmanà wà amì wà mòlanà kòkò, lìlòkɛ̀ lì aŋgɔ̀ ndi lì ò wɔ̀wìrzɛ̀. O ɛ̀ndɛ na ɛ̀yɔ̀lɛ̀, ò kàrzò ò mètàkà me aŋgɔ̀ me arzɛ.”

2 Kɔ̀rintìyà 6:18

Imba na o ò hwɛ e Tatɛ̀ hwa anyu, inyɔ hvɛ e o hwɛ hwàànà hwa ami. Imba Lòohwà ema lì karzami, imba ndi na ohwa nanù.”

Lukàrzɛ̀ 18:42

Yerzù rzìi a mò òhweyà nanù ema, “Ɛnɛ̀ nàŋgɛ! Lìlòkɛ̀ la aŋgɔ̀, lì ò wɔ̀wìrzɛ̀yi.”

Matiyò 8:13

Yerzù rzìi à òhweyà òŋgò ŋmanèlì wà njùma nanù ema, “Ɛndɛ! Yò ò gbèyɛnɛ̀ nà òma ò lòkɛ̀ nanù.” Ò lìŋgi lìrzàkò mɛnɛ, è mògbèèlì wà ama òŋgò mòkànèlì à mà wɔ̀hweyà.

Matiyò 12:20

A rza ò kakòhwa ɛ̀kɔ̀kɔ̀ ema e ma hwɛndeya, ndèŋgànà a rza ò lìmìrzɛ̀ ètùlù ema e arza lì lìmà. A ò gbeyà nanù natɛ̀ɛ hwɛ̀ɛ̀mɛ̀ hwe gbamù hwe ò hvuŋgana.

Matiyò 9:2

Nà òmà à mà uke ò mbòwà ya eni, lòŋgò la hwatò hwa ma mò jàneyà mòtò mɔ̀kɔ ò lìkɔ̀kɔ̀ ema à mà ɔ̀kìrzɛ̀ e nyàmbɛ ya njɛmbu. Nà òma Yerzù à mà ɛnɛ lìlòkɛ̀ la awu, rzìi à òhweyà òŋgò mòòkèlì nanù ema, “È ŋmanà wa munyanà wa ami kòkò, ò rza òka wɔ̀ŋgɔ̀, na mà ò làkìrzɛ̀ wòhwe wò aŋgɔ̀.”

Lukàrzɛ̀ 8:47

Nà òmà òŋgò mòlanà a mà ayèmbɛ nanù ema à ò wùlùwahwà, à mà ònda nà mòkambiya, a kpa ò màtàŋgà ma ama Yerzù. O màrzò ma hwatò hwa arzɛ rzìi a òhweyà Yerzù lìtìŋgà ema lì mò gbèyi a mò tɔ̀ti. Nà nɛ hvɛ ema mɔ̀ à wɔ̀hwèlì, ò wòtɛmɛ̀tɛmɛ̀.