Lukàrzɛ̀ 7:34 - Mokpwe: Bakwery (New Testament)

³⁴ È Ŋmanà wà e Mòtò wà Hwènàmà, à jelì, à làa mòlelì, à nyɔ mììmba, inyɔ ema, ‘È mò ɔ̀ŋgɔ aŋga, à òndì njɔ̀ŋgu. À òndi mbòma, à hwèlì hvɛ ndi è mbunda yà hwàrzàŋgèlì hwa njàŋge ya lìkànèyà, nà hwatò hwa wòhwe.’

Lukàrzɛ̀ 7:34 Referans Kwoze

Lukàrzɛ̀ 15:2

Ihvàlìrzàyì nà hwà-òkòlèlì wa mbenda hwa mà wòteya lì àyiŋgòwɛ̀ nanù ema, “È ɔŋgɔ̀ tɛ, ònò mòtò à ɛndɛ̀ nà hwatò hwa wòhwe natɛ̀ɛ nà lì làalɛnɛ̀ nà wɔ̀.”

Yòwanìrzɛ̀ 12:2

Hwà mà mò wòŋgìrzɛ̀nɛ̀ jùùmɛ̀ ja lì làa, ema iyɛ Mata à mà òŋgòwànè lì hwa hvùrzùhweyà. Làrzàrɔ̀rzì mɔ̀hvɛ à mà hwɛ mɔ̀kɔ wà awu ema à mà hwɛ èki ya hwèlèelì na Yerzù.

Lukàrzɛ̀ 19:7

Hwatò hwa àrzɛ hwa mà ɛ̀nɛ nanù, rzìi hwa wòteya lì arzàrzòhwɛ̀ nanù ema, “Yerzù à ɛ̀ndi ndi lì kpèeyà ò ndawò yà àma è mòtò wà wòhwɛ.”

Lukàrzɛ̀ 14:1

Wùnya wɔ̀kɔ wò lì Arzìyòlɛ̀, Yerzù à mà ɛ̀ndɛ lì leeya ò ndawò yà Hvàlìrzàyì mɔ̀kɔ wà wòlìtò. È hvònda ema a mà ùke aŋga, hwatò hwa mà hwɛ lì mò ɔŋgɔ̀ lòŋgòlòŋgò.

Lukàrzɛ̀ 7:36

Mòtò mɔ̀kɔ wà Hvàlìrzàyì à mà yòwɛ Yerzù ò ndawò yà eni, ò lì làa nà mɔ̀. Yerzù à mà ɛ̀ndɛ ò ndawò yà ama òŋgò mòtò, rzìi a lìya ò hwèleèlì.

Lukàrzɛ̀ 5:29

Lɛ̀hvì rzìi a rzèkeyà Yerzù ndèma ndɛnɛ̀ ò ndawò yà èni. Rzayì-rzayì ja hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa mà ùkeya aŋga.

Matiyò 9:11

Nà òma lòŋgò la Ìhvalìrzàyì i ma ɛnɛ na òma Yerzù à mà lìya na iŋgi nyayi ja hwatò, rzìi hwa ijòwa hwà-òkòwèlì hwa ama Yerzù nanù ema, “O mamɛ ndeŋgatɛ è Mòòkòlèlì wa anyu, a làlɛ̀nɛ̀ nà hwàrzàŋgèlì hwa e njàŋge yà lìkànèyà nà hwatò hwa wòhwe e?”

Yòwanìrzɛ̀ 2:2

Yerzù nà hwà-òkòwèlì hwa enì, wɔ̀ hvɛ hwa mà yòwɛ̀hwɛ ò lìŋgi lìhwa.

Lukàrzɛ̀ 11:37

È hvònda ema Yerzù a mà hwɛ lì òhwà rzì hvàlìrzàyì hvɔ̀kɔ e mò yòhwɛ ema a jèe a lee ò ndawò yà èni.

Matiyò 5:46

O lìŋgàni tɛ ndi hwaŋga hwatò mɛnɛ ema hwa ò lìŋgàni, eŋge eyà è rza ò jànèyà tɔ̀ mɔ̀rzɛ̀ŋgì. Tɔ hwàrzàŋgèlì hwa è njàŋge yà lìkànèyà wɔ̀ hvɛ hwa gbèya ndi nanù mɛnɛ

Matiyò 11:19

È Ŋmanà wà è Mòtò wà Hwènàmà à mà jèe, mɔ̀ à mà làa mòlelì, a nyɔ hvɛ mììmba, e òhwa nanù ema, ‘È mò ɔ̀ŋgɔ aŋga a lìŋgàni mòlelì rzayi-rzayi. A hwèlì hvɛ ndì mòtò wa mbòma, a hwèlì hvɛ ndì e mbunda ya hwarzàŋgelì hwa e njàŋge ya lìkànèyà na hwatò hwa wòhwe.’ Ndi ò lìrzukù hweyà ema hwe ò gbèyɛ̀nɛ hwe ò uŋmɛ̀lɛ̀ nanù ema lìhwiyè la ama Lohwɛ̀ lì hvòmɛ̀nɛ̀yi.”

Lukàrzɛ̀ 7:33

Yòwanìrzɛ̀ è Mòlùhwìrzèlì a mà jèe, a rzi hwɛ lì làa mòlelì ì hvònda ja arzɛ, nà lì nyɔ hvɛ tɔ̀ mimba. Hwa mà wòteya lì òhwa nanù ema, ‘À òhvì èlìŋgɛ̀ ya wòhwe!’

Lukàrzɛ̀ 7:35

Ndi ò lìrzukù tɔ̀ ima mòtò ema à hwɛnì lìhwiyè, a òhwa nanù ema e njiya ya ama Lohwɛ̀ è hvòmɛ̀nɛ̀yi.”