Lukàrzɛ̀ 6:6 - Mokpwe: Bakwery (New Testament)

⁶ O wòhvɛhvɛ Wùnyà wò lì Arzìyòlɛ̀ Yerzù à mà kpèeyà ò tenì yà è ndawò yà màkanɛ̀ yà wònyà Yudà rzìi a wòteyà lì òkòlɛ̀. O mà hwɛ mòtò aŋga ema mɔ̀ɔ̀ mò eni mò mòmɛ̀ mò ma ŋwa njɛmbu.

Lukàrzɛ̀ 6:6 Referans Kwoze

Yòwanìrzɛ̀ 5:3

Ŋgindi ndɛnɛ ja hwà-òkèlì i ma hwɛ ò maŋga marzɛrzɛ ma atanɛ. I ndima, i mbòkò, na e wɔ̀ hwa e nyàmbɛ ya njɛmbu, hwà mà hwɛ aŋga.

Lukàrzɛ̀ 4:31

Yerzù à mà ɛ̀ndɛ ò Kàpɛ̀nàwɔ̀mì, ò erzòòkà yà Galìlì, rzìi a wòteyà lì òkòlɛ̀ hwatò ò Wùnyà wò lì Arzìyòlɛ̀.

Lukàrzɛ̀ 4:16

Yerzù à mà ɛ̀ndɛ ò mbòwà yà èni yà Nàrzàrɛ̀tì e ma a mà kòkeya, rzìi a kpèeyà ò ndawò yà màkanɛ̀ ò Wùnyà wò lì Arzìyòlɛ̀ nà òma a ma nyàmɛ̀lɛ ò lì gbeyà. Rzìi à tɛ̀mɛ̀, ò lì laŋgà e mbɔrzi.

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Yòwanìrzɛ̀ 9:16

Lòŋgò la Ihvàlìrzàyì rzìi hwa wòteya lì òhwa nanù ema, “È mòtò ema a gbèyi ene eyà a rza tànɛyi lì uwɛ̀lɛ̀lɛ̀yi òma Lohwà, èhwanja a rza ika e mbenda ya Wùnyà wò lì Arzìyòlɛ̀.” Rzìi hwanɛ̀yi hwa wòteya lì òhwa nanù ema, “Nɛ mòtò ema a hwèlì mòtò wa wòhwe a tànɛyi lì gbeyà ini nyayi ja mànyakà ma eyà e?” Hwà mà akahwanɛ̀ wɔ̀ na wɔ̀.

Lukàrzɛ̀ 14:3

Yerzù rzìi a ijòwa hwà-òkòlèlì hwa mbenda nà Ihvàlìrzàyì ema hwà mà hwɛ aŋga nanù ema, “È hvòmɛ̀nɛ̀ ò lì wɔ̀wìrzɛ̀ mòtò ò Wùnya wò lì Arzìyòlɛ̀ ŋgà ò rzà hvòmɛ̀nɛ̀ e?”

Lukàrzɛ̀ 13:10

Wùnyà wɔ̀kɔ wò lì arzìyòlɛ̀, Yerzù à mà hwɛ lì òkòlɛ̀ ò ndawò ya màkanɛ̀.

Lukàrzɛ̀ 6:1

O wùnyà wɔ̀kɔ wò lì Arzìyòlɛ̀, Yerzù nà Hwà-òkòwèlì hwa eni hwa mà hwɛ lì akeyà mòònda mò mbàrzì. Hwà-òkòwèlì hwa eni rzìi hwa wòteya lì hvatà ì mbàrzi. Hwa nyùŋguhwa iŋgi hvɔ̀ŋgɔ̀ rzìi hwa wòteya lì ji làa.

Lukàrzɛ̀ 6:5

Yerzù rzìi a hwa òhweyà hvɛ nanù ema, “È Ŋmanà wà e Mòtò wà Hwènàmà à hwɛnì hvɛ wònjà yà lì kàneya ò Wùnyà wò lì Arzìyòlɛ̀.”