Lukàrzɛ̀ 6:38 - Mokpwe: Bakwery (New Testament)

³⁸ È a ŋgbà hwatò, aŋga nanù Lohwɛ̀ mɔ̀ hvɛ à è ŋgbà, inyɔ hvɛ. Lìmɛ̀nì ema è lùwa, lì rzɛ̀ɛ̀hwɛ̀, lì òndà natɛ̀ɛ lì hvùhvà, rzìi lì è ŋgbààhwà ò lì hwànɛ. Èhwanja lìmɛ̀nì ema e gbeyànì, lɔ mɛnɛ ndi Lohwɛ̀ mɔ̀ hvɛ a ò gbeyànɛ̀.”

Lukàrzɛ̀ 6:38 Referans Kwoze

Makòrzì 4:24

Yerzù rzìi a ɛ̀ndɛ hvɛ ò wòrzò lì òhwa nanù ema, “È lùtèyà kɔ̀yi-kɔ̀yi mamɛ ema e hweyà! Limɛnì ema e gbeyàna nà hwanɛ̀yi hwatò, lìŋgi lìmɛnì mɛnɛ ndi Lohwɛ̀ mɔ̀ hvɛ à ò gbeyà nà ò lì è mɛneya. Li aka tɔ̀ mamɛ ema e gbeyànì ò lì mɛneya hwanɛ̀yi hwatò.

Matiyò 7:2

Nà òma è kàyìrzɛ̀ mòtò, nanù mɛnɛ hvɛ ndi Lohwɛ̀ à è kàyìrzɛ̀. Ndèŋgana, lìmɛni ema è gbeyànà ò lì kàyìrzɛ̀ hwahvɛhvɛ hwatò, lɔ̀hvɛ mɛnɛ ndi Lohwɛ̀ à gbeyànà lì è kàyìrzɛ̀.

Matiyò 10:42

Ò jɔ̀kɛ̀, nà è òhweyà nanù ema, tɔ̀ ima mòtò ema à ŋgbelì tɔ̀ mòtò tɔ̀ mɔ̀kɔ wà hwaŋga ema hwa nò oŋgama tɔ̀ malìhwa mà lì nyɔ, tɔ̀ òŋgò mòtò à rzi hwɛ wòlìtò, òŋgò ema à ŋgbelì, à hwɛni lì lùwa etaŋgi jà ama Lohwɛ̀.”

Lukàrzɛ̀ 6:30

Tɔ̀ imà mòtò ema à ò ɔ̀mbì yòmà ò mò ŋgbè è yɔ. Mòtò à ò lùmbànì hvɛ tɛ hwèèmà hwe aŋgɔ̀, ò rzì kèka lì mò àrzana è yɔ hvɛ.

Jèmìrzì 2:13

Èhwànja Lohwɛ̀ a rza o uŋmɛ̀lɛ̀ ììlì ja eni e hwèlì tɛ nanù ema mɔ̀ à o kàyìrzɛ e mòtò ema mɔ̀ à rza uŋmɛ̀lɛ̀ ohvɛhvɛ ììlì. Ndi e mòtò ema a hwɛnelì hwahvɛhvɛ hwatò ììlì, mɔ̀ à rza o òka wɔ̀ŋgɔ̀ o wùnyà ema Lohwɛ̀ a o mo kàyìrzɛ.