Lukàrzɛ̀ 6:29 - Mokpwe: Bakwery (New Testament)

²⁹ Mòtò à ò rzamì tɛ lùùmbɛ̀ ò lìyamà lɔ̀kɔ, ò mò eŋgòweyà hvɛ lìnɛ̀yi lìyàmà. Mòtò à ò hvɔ̀ɔ̀tɔ̀nì tɛ lòòkì lì aŋgɔ̀ ò mò hwɛ̀mɛ a wòwè hvɛ è rzɔ̀tì yà aŋgɔ̀.

Lukàrzɛ̀ 6:29 Referans Kwoze

Hibrù 10:34

Inyɔ e ma hwɛnɛ mèèmà me ììlì o hwatò ema hwà mà hwɛ o hwèwòwà. Tɔ̀ nɛ hwà mà e lumbane erzàŋgo ya anyu, e ma hwɛni mɔ̀nyɛ̀ŋgì nanù mɛnɛ èhwanja inyɔ e ma hwiya nanù ema e hwɛni erzàŋgo ema e akayi eŋge erzàŋgo ema e o hwɛ̀ɛ natɛ̀ɛ na o gbìndèyà.

2 Kɔ̀rintìyà 11:20

Tɔ̀ e hwɛ nanù ema mòtò a e timbirzɛ tɛ ndi nàa mòkòme, tɔ̀ e hwɛ ndi ema a e laanà, tɔ̀ e hwɛ ndi ema a e ɔnjɔ, tɔ̀ e hwɛ ndi ema a e ndinda, tɔ̀ e hwɛ ndi nanù ema a e rzamì lùumbɛ̀ o worzo, e mo emeyà.

1 Kɔ̀rintìyà 6:7

È ɛnelì ndi nanù ema è àwòhvànɛ rzɔ̀mɔ̀nì inyɔ nà inyɔ, ene è uŋmɛ̀lɛ̀ ndi nanù ema è tòni rzayì-rzayì. O lɔ̀wu ema ŋmànyàŋgò wà aŋgɔ a o arzarzɛ, lì aka ema ò mò ɛ̀ndɛnɛ o hwèkàyìrzèlì. Mamɛ ndeŋgatɛ è rza hwɛ̀mi ema hwanù hwatò hwa è ɔnje e?

Yòwanìrzɛ̀ 18:22

È hvònda ema Yerzù à mà òhwe ene eyà, mògbèèlì mɔ̀kɔ a mò rzama luùmbɛ rzìi a òhwa nanù ema, “Mamɛ ndèŋgàtɛ̀ ò òhwirzɛnɛ e Pìlìrzì ema e karzami nanù e?”

Matiyò 26:67

Lòŋgò la hwatò rzìi hwa wòteyà lì mò rzɔ̀yeya hweyɔlì ò wòrzò wò eni, na lì mò tiyà. Lòŋgò hvɛ hwà mà hwɛ lì mò rzama màwumbɛ,

1 Kɔ̀rintìyà 4:11

O lìni lìrzako irzɔ i ɛ̀ndɛnɛ ndi na e njàwò na e nyìrzɛ̀ ya malìhwa, i rza ohvi hvɛ tɔ̀ màatù ema mà jo kànɛ̀yi. Hwatò hwa jo anana hvɛ ndi i hvonda ja arzɛ. I rza hwɛnì hvɛ tɔ̀ èki ya lì lìya.

Lukàrzɛ̀ 22:64

Hwa mà mò kaka mìirzɔ̀, rzìi hwa mò ijòwa nanù ema, “O jò òhweyà njɛnɛ à ò hvahvi e?”

Hwègbèèlì 23:2

Ànàniyarzì e pìlìrzì ema e kàrzàmi rzìi a àka hwaŋga hwatò ema hwà mà tɛ̀mɛ̀ ò lì kòmbɛnɛ Pàwolò nanù ema, hwa mò hvahve e wàna.

Lukàrzɛ̀ 6:30

Tɔ̀ imà mòtò ema à ò ɔ̀mbì yòmà ò mò ŋgbè è yɔ. Mòtò à ò lùmbànì hvɛ tɛ hwèèmà hwe aŋgɔ̀, ò rzì kèka lì mò àrzana è yɔ hvɛ.