Lukàrzɛ̀ 5:8 - Mokpwe: Bakwery (New Testament)

⁸ Nà òmà Rzìmɔ̀nì Pètrò a mà ɛ̀nɛ mamɛ e ma gbèyɛnɛ, a rzùmeya Yerzù màwɔ̀ŋgɔ̀ŋgɔ̀, rzìi a mò òhweyà nanù ema, “Yerzù kòkò, ò nò ànjiiya anù, nà rza kanɛ̀ lì ò kòmbɛ̀nɛ̀, nà hwèlì ndi mòtò wa wòhwe!”

Lukàrzɛ̀ 5:8 Referans Kwoze

Hwèwulùwèlì 1:17

Nà oma nà mà mo ɛnɛ, nà mà kpa o matàŋgà mà eni rzìi na hwɛ ndi nàa mòtò ema à mà ŋwɛɛ. Rzìi à no hwàkɛ lìya la eni la mome rzìi a ohwa nanù ema, “O rza oka wɔ̀ŋgɔ̀, imba ndi na hwèlì e Mòtò wa Hwèwòteli ndèŋgànɛ̀lɛ̀ na hwèlì e Mòto wa Lìrzukù.

Matiyò 17:6

Nà òma Hwà-òkòwèlì hwa eni hwà mà hweye lìŋgi lìlò, hwà mà lɛmbeya mòkambiya, rzìi hwa rzuma màwɔ̀ŋgɔ̀ŋgɔ ma awu nà marzò ma awu ò rze.

Yòwanìrzɛ̀ 11:32

Nà òma Màlìyɛ̀ à mà ùke aŋga òma à mà ɛnɛ Yerzù rzìi Màlìyɛ̀ a mò kpèeyà ò matàŋga rzìi a òhwa nanù ema, “Rzàŋgò ò ma hwɛ tɛ anù òma ndòmɛ̀ wa ami a rzi ŋwe.”

Matiyò 8:8

Oŋgò mɔ̀ɔ̀ŋgèlì wà hwàànà njùma rzìi à alàhwɛ̀ Yerzù nanù ema, “Ìi Rzàŋgò nà rza uki tɔ̀ mòtò ema nà tànɛyi lì ò arzàŋgànɛ̀lɛ̀ nàa ŋmɛ̀nì ò ndawò yà ami, ndi òhwa mbɔrzi hvɔ̀kɔ òma è mògbèèlì wà amì à mà wɔ̀wɔ̀.

Matiyò 2:11

Nà òma hwa mà kpèeyà ò ndawò, hwa mà ɛnɛ mòŋgò ŋmɛ̀ɛ̀ŋgɛ̀ mò ŋmanà nà nyàŋgɛ Màlìyɛ̀. Hwa mà rzùma màwɔ̀ŋgɔ̀ŋgɔ̀ ò rze, rzi hwa ŋgba è ŋmanà èluhwe. Hwa mà wùrzìrzɛ̀ màhwèyà ema hwa mà jàneyà è ŋmanà. Manù màhwèyà ma mà hwɛ ndi Gòòlò, lìyɔ̀ki ema lì òhvi erzunju yà hvɛ̀ɛ̀hvɛ̀ɛ̀ ema lì hwɛ̀lɛ̀hwɛ̀ hvìlàŋgìrzɛ̀nì nà màyi.

1 Kɔ̀rintìyà 13:12

Mamɛ ema jɛ̀ɛ̀ ɛnɛ̀ naŋgɛ̀ e hwèlì ndi nàa lìmbaki ndi o mburzà hvonda ja o ɛnɛ Lohwɛ̀ wòrzo na wòrzo. Tɔ̀ naŋgɛ nanù, imba na rza rzɔ̀ŋgìtɛ̀nɛ̀ Lohwɛ̀ kɔ̀yi-kɔ̀yi, Ndi o e hvonda ema e o jɛ̀ɛ̀, na o mo rzɔ̀ŋgìtɛ̀nɛ̀ na oma mɔhvɛ a no rzɔ̀ŋgìtɛ̀nɛ̀ kɔ̀yi-kɔ̀yi.

Lukàrzɛ̀ 5:7

Àŋga ndi hwà à tɛ nà lì hvɛ̀tɛlɛ ì mbunda jà awu, ema hwà mà hwɛ wònɛ̀yi wɔ̀lɔ̀, nanù ema hwa jè hwa wò òŋgòwànè. Nà òmà hwa mà jèe, rzìi hwa òndìrzɛ̀ mɔɔlɔ̀ ma ahwàkɛ nà nyàmà, natɛ̀ɛ maŋga mɔɔlɔ̀ ma wòteya lì indà.

Lukàrzɛ̀ 5:9

Ènè èlɛ̀mbelì ya nyàmà, e mà tàmirzɛ Rzìmɔ̀nì Pètrò nà hwanɛ̀yi hwatò hwa mèrzòmbò hwa arzɛ.