Lukàrzɛ̀ 5:33 - Mokpwe: Bakwery (New Testament)

³³ Ihvàlìrzàyì ì mà òhwàna Yerzù nanù ema, “Hwà-òkòwèlì hwà mà Yòwanìrzɛ̀ wɔ̀ hwa lìyà mòkìyà njàwò ò màkanɛ̀ hvònda tɛ. Hwà-òkòwèlì hwa Hvàlìrzàyì wɔ̀ hvɛ hwa gbeyà nanù mɛnɛ. Ndi mamɛ ndeŋgàtɛ è hwa aŋgɔ̀ wɔ̀ hwa hwèlì ndi ò lì làa la mòlelì, nà ò lì nyɔ la mimba e?”

Lukàrzɛ̀ 5:33 Referans Kwoze

Lukàrzɛ̀ 20:47

Hwanù hwatò hwa hvùmà èrzàŋgò ya mekurze. Hwa lìŋgàni hvɛ lì lukɛlɛ hwatò na màkanɛ̀ ema mà wawi. Iŋgi nyayi ja hwatò, hwa ò lùwà kɔ̀kìrzɛ̀ ndɛnɛ̀ nà Lohwɛ̀.”

Lukàrzɛ̀ 18:12

Nà lìya mòkìyà njàwò ŋgèlì ihwàkɛ ò menya lìrzàmba. Ndèŋgàna, nà ò ŋgbà lòŋgò lɔ̀kɔ la tɔ̀ ima lìyòmɛ̀ ema na lu.’

Hwègbèèlì 9:11

Rzàŋgò rzìi à mò òhweyà nanù ema, “Wòŋgirzɛnɛ ò ɛ̀ndɛ̀ ò ndawò yà ama Jùdàrzì ema è hwèlì ò ekì ema è hwɛ̀lɛ̀hwɛ̀ è Njìya ema ye Ènyòhwɛ̀nɛ̀. Ò uki tɛ aŋga, ò ìjòlɛ̀lɛ̀ mòtò mɔ̀kɔ ema à uwɛ̀lɛ̀lɛ̀yì ò mbòwà yà Tàrzɔ̀rzì ema à hwɛ̀lɛ̀hwɛ̀ Rzàwòlò. À hwèlì ò màkanɛ̀ naŋgɛ,

Yòwanìrzɛ̀ 3:25

O èŋge hvònda mɛnɛ ò ma wurza hvenda lì teŋgɛ̀nɛ̀ lòŋgò la Hwà-òkòwèlì hwa ama Yòwanìrzɛ̀ na mòtò mɔ̀kɔ hwa wònyà Yudà lì hvòmɛ̀nɛ̀ lìrzàŋgìrzɛ̀ la nyɔ nàa ɛ̀ɛ̀mɛ̀ ya wònyà Yudà.

Yòwanìrzɛ̀ 1:35

Ènɛyi eka yà èlèlè hvɛ, Yòwanìrzɛ̀ à mà tɛ̀mɛ̀ hvɛ nà hwà-òkòwèlì hwa eni hwahwàkɛ.

Lukàrzɛ̀ 11:1

Wùnyà wɔ̀kɔ, Yerzù à mà hwɛ èki ò lì kanɛ̀. Nà òmà a mà kulɛ lìŋgi lì kanɛ̀, rzìi mòòkòwèlì wà èni mɔ̀kɔ a mò òhweyà nanù ema, “Rzàŋgò e, ò jò òkòlɛ̀ nɛ ì hwɛnì lì kanɛ̀, nà òmà Yòwanìrzɛ̀ mɔ̀ hvɛ a mà òkòlɛ̀ hwà-òkòwèlì wa eni.”

Makòrzì 12:40

Hwa lùùmbana hvɛ mekurze erzàŋgò ya awu. Hwa lìŋgàni hvɛ lì ɔ̀jɔ̀nɔ̀ hwatò na màkanɛ̀ ma wahwi. Wɔ̀ hwa lùwa kɔ̀kìrzɛ̀ ya màwɔ̀ŋgɔ̀.”

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Lukàrzɛ̀ 2:37

À mà lìya mòkurze natɛ̀ɛ à mà uka mènì wàmbì me meya nà menì. A rzi hwɛ̀mɛ̀ è Ndawò yà Lohwà, nà màkanɛ̀, nà lì lìya njàwò ò màkanɛ̀ nà lì gbèeyà Lohwɛ̀ ŋmerze nà wu.

Lukàrzɛ̀ 5:32

Nà rza jɛ̀lɛ̀lɛ̀ ndi lì hwɛlɛ hwaŋga hwatò ema hwa tɛmi ehve-ehve na Lohwɛ̀, ndi nà jèlì ndi ò lì hwɛlɛ è wɔ̀ hwa wòhwe, ò lì tìkòwà.”

Lukàrzɛ̀ 5:34

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀ ò ndèma yà lìhwa hwà tànɛyi lì lìya mòkìyà njàwò, wɔ̀ hwa hwèlì tɛ na e mòhwɛnɛ wa mɔ̀ɔ̀mbì e?