Lukàrzɛ̀ 5:26 - Mokpwe: Bakwery (New Testament)

²⁶ Tɔ̀ ima mòtò à ma hwɛ aŋga à mà ònda nà hwètàmìrzèlì. Ò èŋgànɛ̀lɛ̀ hwa mà èka Lohwɛ̀ nà lì òndà nà wɔ̀ŋgɔ̀ rzìi hwà òhwa nanù ema, “Jà ɛnì hweyà hwe mànyakà yàwònò.”

Lukàrzɛ̀ 5:26 Referans Kwoze

Matiyò 9:8

Nà òma è ŋgìndì è mà ɛnɛ nanù, hwa mà tùmeyà nà mòkambiya. Rzìi hwa wòteya lì eka Lohwɛ̀, èhwanja mɔ̀ à ŋgbelì hwatò ène tumba wònjà.

Lukàrzɛ̀ 7:16

Wɔ̀ hwa arzɛ hwa mà lɛ̀mbeya mòkambiya rzìi hwa eka Lohwɛ̀ nanù ema, “Mòòhwèlì wà èlìŋgɛ̀ à jò wurzelì ò ìtììtènì jà arzu,” rzìi hwa òhwa hvɛ nanù ema, “Lohwɛ̀ à ma jà ò lì rzùŋgà hwatò hwa eni.”

Hwègbèèlì 4:21

Hwelìyelì hwe hwàkàyìrzèlì hwe ma timba lì hwa kòkòwɛ̀lɛ̀ na ŋginyà rzi hwa hwà hwɛmɛ ema hwa ɛndɛ. Hwa rzi tànɛyi lì hwa kɔ̀kìrzɛ̀ èhwanja hwatò hwa arzɛ hwà mà hwɛ lì eka Lohwɛ̀ lì hvòmɛ̀nɛ̀ mamɛ ema e ma gbèyɛ̀nɛ.

Lukàrzɛ̀ 8:37

Hwatò hwa arzɛ hwa erzòòkà ya Gɛ̀ràrzɛ̀nì rzìi hwa òhweyà Yerzù nanù ema, a ànjìyè ò erzòòkà ya awu èhwanja wɔ̀ɔŋgɔ̀ wò mà hwa aka. Yerzù rzìi a kpèeyà ò wɔ̀lɔ̀, a tìmba è ya eni.

Lukàrzɛ̀ 5:8

Nà òmà Rzìmɔ̀nì Pètrò a mà ɛ̀nɛ mamɛ e ma gbèyɛnɛ, a rzùmeya Yerzù màwɔ̀ŋgɔ̀ŋgɔ̀, rzìi a mò òhweyà nanù ema, “Yerzù kòkò, ò nò ànjiiya anù, nà rza kanɛ̀ lì ò kòmbɛ̀nɛ̀, nà hwèlì ndi mòtò wa wòhwe!”

Makòrzì 2:12

À mà tɛ̀mɛ̀ rzìi à wòwà lìkɔ̀kɔ̀ lì eni à anjiya ò èŋge ndawò ò hwɛ̀ɛ̀nèlì hwe hwaŋga hwatò hwa arzɛ. Ène eyà è mà tàmìrzɛ̀ hwatò hwa arzɛ rzìi hwa eka Lohwɛ̀ hwa òhwa nanù ema, “Ì rzi ɛni ène nyàyi yà eyà!”

Matiyò 28:8

Hwàŋga hwalanà rzìi hwa anjiyana lì ahwèŋgɛ̀ ò rzɔ̀ŋgɔ̀ na wɔ̀ŋgɔ̀ ndi hwà mà ònda na màlìŋgò. Hwa hwaŋga ò lì ɛndɛ lì òhweyà Hwà-òkòwèlì hwa ama Yerzù mamɛ ya arzɛ ema e ma gbèyɛ̀nɛ.

Matiyò 12:23

Ene eyà ema Yerzù à mà gbèèye e ma tàmìrzɛ̀ e ŋgìndì ya hwatò ya arzɛ. Rzìi hwa wòteyà lì ayijòwanɛ mɔ̀kɔ na ɔ̀nɛyi nanù ema, “Aŋgàmɛnɛ ònò mòtò ndi à hwèlì è Ŋmanà wà e nyɔ̀ŋgɔ̀nì ya ama Dàhwitì ema a ambɛlɛhwɛyi e?”

Gàletìyà 1:24

Eyà ema Lohwɛ̀ à mà no gbèeyà e ma hwa gbeyà o lì eka Lohwɛ̀.

Lukàrzɛ̀ 1:65

È wɔ̀ ema hwà mà ɛ̀nɛ enè eyà, hwa mà lɛ̀mbeya mòkambiya. Rzìi hwa wòteya lì ɛ̀ndɛnɛ è njambɛ̀ ò màmbòwà ma arzɛ ma meyòlì ma èkòmè ya Jùdeyà.