Lukàrzɛ̀ 4:42 - Mokpwe: Bakwery (New Testament)

⁴² O hwèyawèlì hwe wùnyà, Yerzù à mà anjiya ò èŋge mbòwà, rzìi a ɛ̀ndɛ èki ya njuka. Hwatò hwa mà wòteya ò lì mò àrzà. Nà òma hwà mà mò ɛnɛ, hwa rzìi mò ŋgbe tɔ̀ ehvòlò ya lì ɛ̀ndɛ tɔ̀ èki.

Lukàrzɛ̀ 4:42 Referans Kwoze

Lukàrzɛ̀ 6:12

O wùnyà wɔ̀kɔ wò mèŋge mèènyà Yerzù à mà ɛ̀ndɛ lì kanɛ̀ ò ŋmanyu yà mòòlì mɔ̀kɔ, à mà akɛlɛ wuwu wò arzɛ ò lì kanɛ̀ Lohwɛ̀.

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Yòwanìrzɛ̀ 6:24

Nà òma e ŋgìndì ya hwatò e ma ayèmbɛ nanù ema Yerzù na hwà-òkòwèlì hwa eni hwa rzi hwɛ aŋga, hwà mà kpèeyà ò maŋga mɔ̀lɔ̀ rzìi hwa aka ɔ̀nɛyi lì ɛndɛ ò Kàpɛ̀nàwɔ̀mì ò lì arza Yerzù.

Yòwanìrzɛ̀ 4:40

Ène ŋgàna è mà gbeyà ema nà òma hwatò hwa Rzàmàrìyà hwa mà mò jèeyà, hwa mò rzòrzòmeyà nanù ema, à jè ò mbòwa yà awu. Ò èŋgànɛ̀lɛ̀ mɔ̀ à mà lìya nà wɔ̀ hweyu hwehwakɛ.

Lukàrzɛ̀ 24:29

Ndi hwa mà mò rzòrzòmeyà rzìi hwa òhwa nanù ema, “Ja anù ò lìyà nà irzɔ, èhwanja ò mà hwɛ ndi è ŋgòmbe yà lohwà ò hwèkɔ̀ɔ̀yèlì hwe wùnyà.” Aŋgà ndi à ɛ̀ndɛ ò ndawò nà wɔ̀.

Makòrzì 1:45

Ndi ònò mòtò à mà ɛ̀ndɛ ò èki yà arzɛ ò lì òhwèyà hwatò mamɛ ema Yerzù à mà mò gbèeyà. O èŋgànɛ̀lɛ̀ è ŋgànèlì yà ama Yerzù è mà ɛ̀ndɛ ò èki yà arzɛ, ema Yerzù à rzi tanɛ̀ hvɛ lì kpèeyà e mbòwà ò mòte. Ndi Yerzù à mà hwɛ ndi lì lìya ò hwèki ema hwe rzi hwɛ̀ɛ hwatò rzayì-rzayì. Ndi tɔ̀ nanù hwatò hwa mà uhweyà hwèki hwe arzɛ ò lì jà lì mò ùŋma.