Lukàrzɛ̀ 24:30 - Mokpwe: Bakwery (New Testament)

³⁰ Nà òmà hwa mà lìya ò lì làa, à mà wòwa èhvòòtò, rzìi à è nàmìrzɛ̀, à mà kanda èhvòòtò, rzìi a hwa ŋgbà e yɔ.

Lukàrzɛ̀ 24:30 Referans Kwoze

Matiyò 14:19

Nà òma hwà-òkòwèlì hwa eni hwa mà hwe jànè, rzìi Yerzù à òhweyà hwaŋga hwatò ama hwa lìya ò mòkòòkò rzìi à wòwà hwèŋge hwèhvòòtò hwe atanɛ̀ nà iŋgi nyàmà jà malìhwa jà ahwakɛ, à ɔ̀ŋgɔ ò ŋmanyu yà lohwà, à ŋgba Lohwɛ̀ jeka rzìi à kɛrzɛ hweŋge hwèhvòòtò nà màà mà eni. Nà òma à mà hwe kɛ̀rzɛ, à ŋgba hwà-òkòwèlì hwa eni ò lì hwe kahweyà eŋge ŋgindi.

Lukàrzɛ̀ 24:35

Hwàŋga hwaahwàkɛ hwa mà hwa òhweyà mamɛ e ma gbèyɛnɛ ò njìya yà Ɛ̀màyɔ̀rzì, nà òmà hwa mà èmbe Yerzù lìrzàkò ema a mà hwa kandeya èhvòòtò.

Lukàrzɛ̀ 9:16

Yerzù rzìi à wòwà hwèŋge hwèhvòòtò hwe atànɛ nà iŋgi nyàmà jà malìhwa jà awàkɛ, à ɔ̀ŋgɔ ò ŋmanyu yà Lohwà, à eka Lohwɛ̀, à kàhwa hwehvòòtò nà ìnyàmà jà malìhwa. À tɛ̀tìrzɛ̀ Hwà-òkòwèlì hwa eni ema hwa hwe kahweyà è ŋgìndì.

Matiyò 15:36

Rzìi à wòwa lìŋgi lìrzàmbà la hwèhvòòtò na iŋgi nyàmà, a ŋgba Lohwɛ̀ jeka, a ji kɛrzɛ, rzìi a ji ŋgba Hwà-òkòwèlì hwa eni Hwà-òkòwèlì hwa eni rzìi hwa ji kahweyà hwatò.

Hwègbèèlì 27:35

Nà òma Pàwolò à mà kulɛ lì òhwa nanù, rzi a wòwa èhvòòtò, a ŋgbàà Lohwɛ̀ jeka ò wòrzò wò wɔ̀ hwa arzɛ, à mà e kanda, rzi a wòteyà lì laa.

Yòwanìrzɛ̀ 6:11

Yerzù rzìi à wòwà hwèŋge hwèhvòòtò, à ŋgbà Lohwɛ̀ jèka, rzìi à ŋgba hwà-òkòwèlì hwa eni rzìi hwa kahweyà hwatò. Ò mburzà yà nanù à mà gbeyà hvɛ nanù nà iŋgi nyàmà. Tɔ̀ ima mòtò à mà làa nà òma à mà arze.

Lukàrzɛ̀ 22:19

Rzìi à wòwa èhvòòtò, a ŋgbà Lohwɛ̀ jekà, à è kàhwà. Rzìi à è ŋgba hwà-òkòwèlì hwa eni, a òhwa nanù ema, “È nyò ya amì ene ema, yè è ŋgbààhwì. È gbèyè nanù ò lì nò ɔ̀ŋgɛlɛ.”

Makòrzì 14:22

Nà òmà Yerzù na hwà-òkòwèlì hwa eni hwà mà hwɛ lì làa Yerzù rzìi a wòwà ehvòòtò, a ŋgba Lohwɛ̀ jeka, à è kahwa à è ŋgba hwà-òkòwèlì hwa eni rzìi a òhwa nanù ema, “È wòwè e nyò ya ami ene.”

Makòrzì 8:6

À òhweyà è ŋgìndì nanù ema, hwa lìya ò rze a wòwa lìŋgi lìrzàmbà la hwèhvòòtò, rzìi a ŋgba Lohwɛ̀ jeka. A hwe kɛrzɛ, rzìi a ŋgba hwà-òkòwèlì hwa eni ò lì kahweyà hwatò, rzìi hwa gbeyà nanù.

Makòrzì 6:41

Yerzù rzìi à wòwà hwèŋge hwèhvòòtò hwe atanɛ̀ nà iŋgi nyàmà jà malìhwa jà ahwakɛ rzìi à ɔ̀ŋgɔ ò ŋmanyu yà lohwà, à ŋgba Lohwɛ̀ jeka, rzìi à kahwa hwèŋge hwèhvòòtò, à hwe ŋgba Hwà-òkòwèlì hwa eni ema hwa kàhweyà èŋge ŋgìndì. À mà wòwa hvɛ inyàmà ja ahwàkɛ ja malìhwà rzìi a kahweyà hwaŋga hwatò hwa arzɛ.

Matiyò 26:26

Nà òmà Yerzù na hwà-òkòwèlì hwa eni hwà mà hwɛ lì làa Yerzù rzìi a wòwà ehvòòtò, a ŋgba Lohwɛ̀ jeka, à è kahwa à è ŋgba hwà-òkòwèlì hwa eni rzìi a òhwa nanù ema, “È wòwè e lèè e nyò ya ami ene.”

Lukàrzɛ̀ 24:29

Ndi hwa mà mò rzòrzòmeyà rzìi hwa òhwa nanù ema, “Ja anù ò lìyà nà irzɔ, èhwanja ò mà hwɛ ndi è ŋgòmbe yà lohwà ò hwèkɔ̀ɔ̀yèlì hwe wùnyà.” Aŋgà ndi à ɛ̀ndɛ ò ndawò nà wɔ̀.

Hwègbèèlì 2:42

Hwàlòkèlì hwà mà ika mèèmà me awu ò lì òkòwa hweyà ema i àpɔ̀rzìtòlò i ma hwɛ lì hwa òkòlɛ, ndèŋgànɛ̀lɛ̀ hwà mà hwɛ mòndeŋgè na hwatò ema hwa lòkɛ̀ Krirztò. Mɔ̀ na wɔ̀ hwà mà hwɛ lì kànɛ, na lì lalɛnɛ̀ èki yɔ̀kɔ.

Hwègbèèlì 2:46

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.