Lukàrzɛ̀ 23:34 - Mokpwe: Bakwery (New Testament)

³⁴ Yerzù à mà kànɛ̀ nanù ema, “Tatɛ̀ làkìrzɛ̀ hwanù hwatò, èhwanja hwa rzà hwi mamɛ ema hwa gbeyà.” Hwa mà òka mèrzɔ̀ɔ̀nì ò lì hwàà lìwɔti la eni.

Lukàrzɛ̀ 23:34 Referans Kwoze

Matiyò 5:44

Ndi imba nà è òhwèyà nanù ema, è lìŋgàne hwatò ema hwa è kɔ̀wu. È kanɛ̀lɛ̀lɛ̀ hvɛ hwaŋga hwatò ema hwa è tàkìrzɛ̀.

Hwègbèèlì 7:60

Aŋga ndi a à rzùma màwɔ̀ŋgɔ̀ŋgɔ̀ ma eni ò rze, rzìi a eyà na lìlò lì kàrzàmi nanù ema, “Ìi Rzàŋgò, ò hwa làkìrzɛ̀ ò wònò wòhwe ema hwa gbeyà.” Nà òma à mà kulɛ ò lì òhwa nanù, rzìi a ŋwa.

1 Pètrò 3:9

È rzi timbirzɛlɛlɛ wòhwe o wòhwe. Mòtò a e ohwìrzɛ̀nɛ̀ tɛ eyà ya wòhwe inyɔ hvɛ e rzi mo òhwìrzɛ̀nɛ̀ eyà ya wòhwe, inyɔ e hwɛ ndi o lì kànɛ nanù ema Lohwɛ̀ a mo nàmìrzɛ̀, ehwànja mònàmɛ̀ ndi Lohwɛ̀ a mo òhwe nanù ema a e ŋgba e hvonda à mà e hvɔ̀rzè.

Ròmànì 12:14

È kànɛ nanù ema, Lohwɛ̀ a nàmìrzɛ̀ hwaŋga hwatò ema hwa e tàkìrzɛ̀. È rzi kanɛ̀ nanù ema hwa jemahwe ndi e kànɛ ndi nanù ema Lohwɛ̀ a hwa nàmìrzɛ̀.

1 Kɔ̀rintìyà 2:8

Ndi, e wɔ̀ hwà kànèyà ene rze hwà rzi rzɔ̀ŋgìtɛ̀nɛ̀ lìni lìhwiyè lì ndɛnɛ̀ la ama Lohwɛ̀. Hwà mà rzɔ̀ŋgìtɛ̀nɛ̀ tɛ mamɛ ema Lohwɛ̀ ama hwɛ lì gbeyà, oma hwa rzi wòmeyà e Rzàŋgo wa èluhwe o mbàrza.

1 Tìmotì 1:13

A ma gbeyà nanù, tɔ̀ nɛ o hwewotelì nà mà hwɛ lì mo teŋgɛ̀nɛ na ìrzìlàkò, nà mà hwɛ o lì tàkìrzɛ̀ hvɛ hwaŋga hwatò ema hwà mà mo lòkɛ̀ na o lì mo òhwirzɛnɛ hvɛ mbɔrzi ja wòhwe. Ndi o hwene hweyà hwe arzɛ ema nà mà hwɛ lì gbeyà, Yerzù Krirztò à mà no komeya ììlì ja eni èhwanja na rzi ohve lì lòkɛ̀ ndèŋgàna na rzi hwiye mamɛ ema nà mà hwɛ lì gbeyà.

Hwègbèèlì 3:17

“Ìi wònyàmòwe kòkò hwa Irzàyɛ̀lì, na hwi nanù ema tɔ̀ ima lìtumba la eyà ema inyɔ na hwàtìmbèlì hwa anyu e ma gbeyàne Yerzù, e ma e gbeyà ndi ehwànja e rzi hwiye mamɛ e ma hwɛ lì gbèeyà.

1 Kɔ̀rintìyà 4:12

Irzɔ i gbeyà èwòlò ya imbami na màà mà arzu, ò lì lùwa lì làa la arzu la wùnyà. Hwatò hwa jò jemi tɛ ì hwa nàmìrzɛ̀, hwatò hwa jò tàkirzɛ tɛ i hwa àjùlɛ̀nɛ̀.

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Yòwanìrzɛ̀ 19:11

Yerzù à mà alàhwɛ̀ nanù ema, “Ò rza hwɛnì wònjà ò ŋmanyu yà ami natɛ̀ɛ Lohwɛ̀ à ò ŋgbà eŋgè wònjà. Ò èŋgànɛ̀lɛ̀ rzɔ è mɔ̀ ema à nò àkɛ̀lɛ̀lɛ̀ ò màa aŋgɔ̀ à gbèyi wòhwe wò ndɛnɛ.”

Makòrzì 15:24

Rzìi hwa wòmeyà Yerzù ò mbarza. Hwà mà òka mèrzɔ̀ɔ̀nì ò lì hwàa è mbɔ̀ti ya eni, aŋga nanù wɔ̀ hwa ò ɛnɛ̀ e mɔ̀ ema a ò lùwà e la eni lòŋgò la lìŋgi lìwɔtì.

Matiyò 11:26

Ɛ̀ɛ ìi Tatɛ̀, nanù ndi ò mà àrze òma e gbeyɛ̀nɛ̀.”

Lukàrzɛ̀ 22:42

“Ìi Tatɛ̀, ò lìŋgànì tɛ, ò nò ulɛ̀lɛ̀ mònò mòtàkà mò ŋginyà. Ndi rzèkɛtɛ ò hwèlìŋgànèlì hwe amì, ndi ò hwèlìŋgànèlì hwe aŋgɔ̀.”

Yòwanìrzɛ̀ 17:9

Nà hwa kànɛlɛlɛyi. Nà rza kànɛlɛlɛ hwatò hwa e rze ndi na kànɛlɛlɛ ndi hwaŋga ema ò nò ŋgbelì, èhwanja hwa hwèlì ndi e hwa aŋgɔ.

Hwègbèèlì 16:28

Ndi Pàwolò à mà tɛ na lìlò lì karzami nanù ema, “O rza àwòŋwɛ̀ ò wà witi, irzɔ hwa arzɛ i hwèlì anù.”