Lukàrzɛ̀ 23:26 - Mokpwe: Bakwery (New Testament)

²⁶ Hwaànèlì hwa njùma hwa mà tìmba Yerzù, ò èki ema hwa hvànɛ hwatò. Hwa mà taneya Rzìmɔ̀nì, mùnyanà wà è mbòwà yà Rzelìni. Hwa mà mò hvɔɔtɔ̀, rzìi hwa mò hwànirzɛ è mbarza yà ama Yerzù. À mà hwànɛ è mbarza, rzìi a òŋgama Yerzù ò mburzà.

Lukàrzɛ̀ 23:26 Referans Kwoze

Hwègbèèlì 6:9

Ndi lòŋgò la hwatò hwà mà wòteyà lì tɔ̀wɔ na mɔ̀. Hwàŋga hwatò hwà mà hwɛ ndi hwatò ema hwà mà uwɛ̀lɛ̀lɛ̀yi ò e ŋgindi ya hwatò ema hwɛ lì ɛndɛ ò e ndawò ya màkànɛ ŋgɛ̀lɛŋgɛlɛ ema e ma hwɛ̀lɛ̀hwɛ̀ ndi e ndawò ya màkanɛ̀ ya hwàkòmì ema hwa rza enje hwàkòmì hvɛ. Hwàŋga hwatò hwà mà hwɛ ndi hwa wònyà Yudà ema hwà mà uwɛ̀lɛ̀lɛ̀yi ò mambòwà mà Rzìrènè na Alɛ̀rzàndrìyà. Wɔ̀ na hwahvɛhvɛ hwatò hwa wònyà Yudà ema hwà mà uwɛ̀lɛ̀lɛ̀yi ò hwèrzòòkà hwe Rzìlirzìyà na Èrzìyà, wɔ̀ hwà mà wòteyà lì tɔ̀wɔ na Rzìtehvànɛ.

Hwègbèèlì 6:6

Hwà mà jana hwanu hwatò ò wòrzò wò I àpɔ̀rzìtòlò. I àpɔ̀rzìtòlò rzìi i hwa kanɛ̀lɛ̀lɛ̀ i hwa hwàkɛ̀ hvɛ màa.

Hwègbèèlì 2:10

ò hwèkòmè hwe Hvrìgìyà na Pàmhvilìya, ò èkòmè ya Ìjiptò na lòŋgò la hwèhvàrzù ò èkòmè ya Lìbiya, ò tòŋgòŋgò ya Rzirènè, lòŋgò la hwa irzɔ jò uwɛ̀lɛ̀lɛ̀yi ndi ò mbòwa ya Ròmànì.

Lukàrzɛ̀ 14:27

Tɔ̀ njɛnɛ hvɛ ema a rza hwanɛ̀yi è mbarzà yà èni, ò lì nò oŋgàmà, à rza tanɛ̀, lì hwɛ è mòòkòwèlì wà amì.

Lukàrzɛ̀ 9:23

Yerzù rzìi à hwa òhweyà wɔ̀ hwa arzɛ nanù ema, “Tɔ̀ ima mòtò ema a àrza lì nò nɔ̀ŋgɔ à hwɛnì lì awɛmɛ̀ mɔ̀ ŋmìti ema à rza enje tɔ̀ mòtò. Òŋgò mòtò à hwɛnì hvɛ lì hwànɛ è mbarza yà èni wùnyà tɛ ò lì nò òŋgama.

Hwègbèèlì 13:1

O ŋmèmba ema mò hwèlì ò Antìyɔ̀kì lòŋgò la hwà-òhwèlì hwa hwèlìŋgɛ̀ na hwà-òkòlèlì hwà mà hwɛ aŋga. Hwàŋga hwatò hwà mà hwɛ ndi Bànàbàrzì, Rzimɔ̀nì (à mà hwɛ̀lɛ̀hwɛ̀ e Ŋmindò), Lùrzìyùrzì (ema à mà uwɛ̀lɛ̀lɛ̀yi ò Rzìlènè), Manayene (ema wɔ̀ na Hɛ̀rɔ̀dì e Gɔ̀winà hwà mà òŋgɛnɛ ekì yɔ̀kɔ), na Rzàwòlò.

Lukàrzɛ̀ 23:25

À ma hwa rzòlòhweya è mòtò ema hwa mà àrze. Òŋgò mòtò ema à ma òŋwa è mòtò, ema à ma jànà hvɛ lùwànje ò mbòwà. À mà hwa ŋgba Yerzù à ma hwa mò gbeyàne tɔ̀ mamɛ ema hwa mà àrze.

Matiyò 5:41

Mòtò à inyàmɛnɛ tɛ ema ò ɛ̀ndɛ nà mɔ̀ hvòka yà mayelì mɔ̀kɔ, ò ɛ̀ndɛ nà mɔ̀ mayelì mahwakɛ.