Lukàrzɛ̀ 20:10 - Mokpwe: Bakwery (New Testament)

¹⁰ È hvònda yà lì rzàŋgà è mbòtà e mà ùke, rzìi a òma mògbèèlì wà èni mɔ̀kɔ ò ma hwaŋga hwatò ema a mà ake èŋge wàŋgà, ema hwa mò òmeya lòŋgò la eni la mbòtà. Ndi hwaŋga hwàgbèèlì hwa mà mò ànana, rzìi hwa mò tìmbirzɛ màa matò.

Lukàrzɛ̀ 20:10 Referans Kwoze

Ròmànì 7:4

Wònyamòwè kòkò, nanù ndi e hwèlì na inyɔ. È mbenda e rza ò kànèyà hvɛ èhwanja na òma Yerzù à mà ŋwe inyɔ hvɛ e ma ŋwa. O nàŋgɛ nanù, e hwèlì ndi hwatò hwa òhvɛhvɛ mòtò, Yerzù ema Lohwɛ̀ a hvùmùlɛ̀yi aŋga nanù i gbèeyà Lohwɛ̀ gbamù.

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Lukàrzɛ̀ 13:34

Jììyeyi! Ìi hwatò hwa Jèrurzalɛ̀mù, è òŋwi hwà-òhwèlì hwa hwèlìŋgɛ̀, ndeŋgàna è mà òŋwa hvɛ hwaŋga hwatò ema Lohwɛ̀ a è òmelì na mànyayi! Nà ma kèka lì è rzàŋgà ihvònda ja arzɛ, nàa e ŋmalì wà wuhwà a gbìyàmànà ìŋguma ja eni ndì e rza emèlì!

Lukàrzɛ̀ 20:9

Yerzù rzìi a kpɛ̀ɛya hwatò mònò ŋmàna nanù ema, “Munyanà mɔ̀kɔ à ma òhva hvàya yà hwehvùma hwe lì nyukana hwènyɔ̀ɔ̀nì, à mà ŋgba hwatò èŋge hvàya lì è gbeyà aŋga nanù hwa kahwa e mbòtà. À mà ɛ̀ndɛ yɔ̀ndɔ̀ ema e ma mò kùwàna hvòkà hvònda.

Lukàrzɛ̀ 20:11

Rzìi à òma òhvɛhvɛ mògbèèlì, hwa mà mò anana mɔ̀ hvɛ, hwa mò rzambòlɛ̀, hwa mò tìmbirzɛ màa matò.