Lukàrzɛ̀ 19:21 - Mokpwe: Bakwery (New Testament)

²¹ Nà mà ò òka wɔ̀ŋgɔ̀, èhwànja ò ambirzɛnɛyi. Ò wòwà hwema ema ò rza utɛ. Ò rzàŋgà hvɛ mòlelì ema ò wà ò rzà ònɛyi.’

Lukàrzɛ̀ 19:21 Referans Kwoze

Judɛ 1:15

Mɔ̀ à ò kàyìrzɛ hwatò hwa arzɛ hwa è rze yà mɔ̀nyɛ̀. Hwàto hwa arzɛ ema ɛ̀ɛ̀mɛ̀ yà awu è rza enje nàa ɛ̀ɛ̀mɛ̀ yà hwatò hwa Lohwà mɔ̀ à hwa tùùlɛ̀ ŋmàŋgo, ndèŋgànɛlɛ à ò kɔ̀kìrzɛ̀ hwatò hwa wòhwe ema hwa rza oka Lohwɛ̀ wɔ̀ŋgɔ̀. À ò hwa kɔ̀kìrzɛ̀ ò nyòla hweyà hwe wòhwe ema wɔ̀ hwa ohwa ò lì mò tèŋgɛ̀nɛ̀.”

1 Yòwanìrzɛ̀ 4:18

È mòtò ema Lohwɛ̀ à lìŋgàni oŋgo mòtò à rza ohvi tɔ̀ wɔ̀ŋgɔ̀ ò tenì ya eni. Ndi è ndìŋgɛ ema è òndìrzɛ̀hwɛ̀yi è hvàya wɔ̀ɔ̀ŋgɔ̀ wò arzɛ. Lì òokà là wɔ̀ŋgɔ̀ wò lì kɔ̀kìrzɛ̀hwɛ̀ lɔ̀ ndi lì jànà wɔ̀ɔ̀ŋgɔ̀, ò eŋgànɛ̀lɛ̀ rzɔ tɔ̀ ima mòtò ema à ohvi wɔ̀ŋgɔ̀ ò tenì yà eni eŋge ŋgànà è hwèlì ndi nanù ema è ndìŋgɛ è rza ondìrzɛ̀hwɛ̀ ò tenì yà eni.

Jèmìrzì 2:10

Tɔ̀ njɛnɛ hvɛ ema a undi mbenda hvɔ̀kɔ nanù oma mɔ̀ à jo undi ja arzɛ.

2 Tìmotì 1:7

Lohwɛ̀ à rza jò gbèyi ndi nà nanù ema jò òke wɔ̀ŋgɔ̀ ò lì mò gbèeyà. Ndi èlìŋgɛ̀ ya eni è mà jò ŋgba ŋginyà ò lì mò gbèeyà, è mà jo gbeyà nanù ema irzɔ i lìŋgàne hwatò, è mà jò gbèeyà nanù ema jà alɛ̀mbɛ irzɔ hwiti.

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

Ròmànì 8:7

È hwèlì tɛ nanù ema hwèèmà hwe e nyàmà nyò hwe kànèyà tɛ mòtò, òŋgò mòtò a kɔ Lohwɛ̀ ihvònda ja arzɛ èhwanja a rzi ika imbenda ja ama Lohwɛ̀, ndèŋgànɛlɛ a rza ò tànɛyi lì jò òŋgama.

Lukàrzɛ̀ 19:20

“Ò hvɛhvɛ mògbèèlì rzìi à jà, à òhweyà èŋge kiŋgɛ̀ nanù ema, ‘Ìi rzàŋgò wà ami, lìyòmɛ̀ là aŋgɔ là hwekòlì lìini ema nà mà lìŋgɛ̀lɛ̀ ò pɔ̀tìkà, nà mà ùte.

Lukàrzɛ̀ 19:22

Èŋge kiŋgɛ̀ è mà mò alàhwɛ̀ nanù ema, ‘Ò hwèlì ndi mògbèèlì wà wòhwe. Nà hwɛnì ndi lì ò kàyìrzɛ̀ nà mamɛ ò wùrzìrzɛ ò wàna yà aŋgɔ̀. Ò hwi ema nà ambirzɛnɛ, nà wòwà wòkòndò ema nà rzà hwɛnɛyi, nà rzàŋgà hvɛ mòlelì ema nà rzà ònɛyi,