Lukàrzɛ̀ 15:22 - Mokpwe: Bakwery (New Testament)

²² Rzàŋgɛ à mà hwɛlɛ hwàgbèèlì wa eni rzìi a hwa òhweyà nanù ema, ‘È ɛ̀ndɛ̀ lìhwaŋgi nà lì hvinjɛ̀lɛ̀, e jàne è mbɔ̀ti yà gbamù. È mò wɔ̀tìrzɛ. È mò rzòŋgɛ hvɛ jɔ̀ndɔ ò jɔ̀nɔ ja eni ja lìya. È mò wɔ̀tìrzɛ hvɛ hwètambì hwe gbamù ò màtàŋgà.

Lukàrzɛ̀ 15:22 Referans Kwoze

Hwèwulùwèlì 6:11

Ndeŋgànɛlɛ tɔ̀ ima mɔ̀kɔ wa awu à mà ŋgbahwa mòŋgombè mò mbɔ̀mi, rzìi hwa ohwàhwɛlɛ nanù ema hwa ambɛ̀lɛ̀ hvɛ ŋmanà hvoka hvonda, natɛ̀ɛ na e hvonda ema mɔ̀rzɔ̀ŋgi mo hwahvɛhvɛ hwàgbèèlì ema hwa hwèlì nàa wɔ na wònyànyàŋgò hwa awu hwa ama Krirztò ema hwà mà hwɛnɛ lì oŋwahwa na oma wɔ̀hvɛ hwà mà oŋwahwɛ mo ondìrzɛ̀hwɛ.

Hwèwulùwèlì 19:8

Èhwànja à mà tanɛyi, Lohwɛ̀ à mà mo ŋgbàà e wònja o lì wɔ̀tɔ̀ màatù emà mà kɔ̀lɔhwi na lìhwatu la gbamù ema lì hwɛ̀lɛ̀hwɛ̀ nanù ema lìniyɛni. Lì hvàànyà ndèŋgànɛ̀lɛ̀ lì rzàŋgi.” Lìŋgi lìhwatu la gbamù lì hwèlì ndi nàa hwèèmà ema hwatò hwa Lohwà hwa gbeyà ema Lohwɛ̀ a lìŋgàni.

Hwèwulùwèlì 7:9

Ò mburzà yà hwenè hweyà hwe arzɛ, ɔndi nà à ɛnɛ ŋgìndì ndɛnɛ yà hwatò. Hwa mà kòka nyayi ema tɔ̀ mòtò à rzìi tànɛ ò lì hwa aŋga. Hwa mà uwɛ̀lɛ̀lɛ̀yi ò èkomè nà èkomè, hwa mà uwɛ̀lɛ̀lɛ̀yi ò màtumba nà màtumba, hwa mà hwɛ inyayi ja hwatò jà arzɛ rzìi hwa à ohwa hvɛ ò ihvɛhvɛ mbɔrzi. Hwa mà tɛ̀mɛ̀ ò worzo wò è konda yà lìkànèyà nà ò worzo wò è Ŋguma yà Mɔ̀lɛ̀ŋgù. Hwa mà wɔtɔ̀ meŋgombe mè mbɔ̀mi rzìi hwa tɛtɛ hvɛ ì nyàŋgo ò màa mà awu.

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

Hwèwulùwèlì 2:17

Tɔ̀ njɛnɛ ema à hwɛnì matò inyɛ à okànèyà mamɛ Èlìŋgɛ̀ è ohweyà ŋmèmba. Hwàto ema hwa akayi wòhwe, imba nà ò hwa ŋgbà mana ema imba nà hwa utelì, ndèŋgànɛ̀lɛ̀ nà ò hwa ŋgba hvɛ lìŋyàyi ema lì ɛneyà mbɔ̀mi. Ò ŋmanyu yà lìŋgi lìŋyàyi, hwa mà tìla lìnà lì hvènya ema tɔ̀ mòtò à rza hwiyɛ, lì aka tɛ è mòtò mɛnɛ ema à ò ŋgbahwa lìŋgi lìŋyàyi.’”

Gàletìyà 3:27

Nà oma è mà lùhwìrzɛ̀hwɛ̀, ò eŋgànɛ̀lɛ̀ è hwèlì ndi mɔ̀kɔ naŋgɛ nà Krirztò, ndeŋgànɛ̀lɛ̀ è hwɛni wònjà nàa mɔ̀.

Ròmànì 13:14

Inyɛ̀ e hwɛnɛ ɛ̀ɛ̀mɛ̀ ya ama e Rzàŋgò Yerzù Krirztò. È hwɛmɛ lì alɛ̀mbɛnɛ la anyu la hweyà hwe e nyàmà nyò. È rzi keka lì gbeyà na òma e nyàmà nyò ya anyu ema ye e kànèyà ò lì gbeyà wòhwe e arza.

Hwèwulùwèlì 3:18

Nà e kòkòwɛ̀lɛ̀ o lì no àndana e gòòlù ema e ma akɛlɛhwɛ o tenì ya mùnya, aŋga nanù e timba hwèwàŋgì. Nà e kòkòwɛ̀lɛ̀ o lì no àndana lìhwatu la mbɔ̀mi ema e wɔ̀tɔ̀, aŋga nanù irzɔ̀ni ema morzombo mo anyu mo jànà mo rza o ɛnɛhwɛ. Ndeŋgànɛ̀lɛ̀ e no àndane lìyɔ̀ki ema e tuka o mìrzɔ ma anyu aŋga nanù e ɛnɛ.

Ɛ̀hvìrzìyà 6:15

Inyɔ e lìmeya ndi o lì ohwa Ŋmɛ̀ndì mò Gbamù. Mɔ̀ mo jànà ɛ̀yɔ̀lɛ̀. È gbèyi tɛ nanù, rzìi e gbèeyà ndi nàa e wɔti hwetambi ema hwe e gbèeyà o lì tɛ̀mɛ̀ gbamù.

Ròmànì 3:22

Èŋge ŋgàna e hwèlì ndi nanù ema, tɔ̀ ima mòtò ema a lòkɛ̀ Yerzù Krirztò mɔ̀ ndi à tɛmi ehve-ehve. O rza enje tɔ̀ tìŋgɛ̀ ema mòtò a hwèlì ndi wònyà Yudà tɔ̀ a rza enje wònyà Yudà.

Lukàrzɛ̀ 15:21

È ŋmanà rzìi a mò òhweyà nanù ema, ‘Tatà, nà ò gbeyànì ò wà nà Lohwɛ̀ wòhwe. Nà rza ukì hvɛ tɔ̀ è mɔ̀ ema a hwɛ̀lɛ̀hwɛ̀ è ŋmanà wà aŋgɔ̀ hvɛ.’

Lukàrzɛ̀ 15:23

È ɛ̀ndɛ e jànè mònànì mò nyàkà. È òŋwe, ì gbèye ndèma, ja òkè mɔ̀nyɛ̀ŋgì.