Lukàrzɛ̀ 15:17 - Mokpwe: Bakwery (New Testament)

¹⁷ “È hvònda ema ò nò ŋmanà a mà àyeembɛ, aŋga ndi a à òhwanɛ̀lɛ̀ mɔ̀ ŋmìti nanù ema, ‘Ɔ̀ŋgɔ tɛ, nà òmà hwàgbèèlì hwà mà tatɛ̀ wɔ̀ hwa làa natɛ̀ɛ mò lìiya, ìmba hvɛ nà hwèlì anù nà ŋwaànà è njàwò!

Lukàrzɛ̀ 15:17 Referans Kwoze

Ɛ̀hvìrzìyà 5:14

Ŋmàye ndi mo wuluhwa hweyà hwe wòhwe. Ɔ̀ndeŋgàtɛ̀ e ohwahwi nanù ema, “O wa ema o nàŋgaa imòwa, hvùmùwà o kpelì. Ŋmàye mo ama Krirztò mo uŋmɛ̀lɛ̀ o nyo ya aŋgɔ̀.”

Hwègbèèlì 2:37

Nà òma hwatò hwà mà hweye mamɛ ema Pètrò à mà òhwe, mèèmà me awu me ma kerzeya. Rzìi hwa ijòwa Pètrò nà inɛyi àpɔ̀rzìtòlò nanù ema, “Ìi wònyàmòwe mamɛ ja àŋgàmɛ̀nɛyi lì gbeyà e?”

Lukàrzɛ̀ 16:23

Èŋge èhwàŋgì ya mòtò e mà ɛ̀ndɛ ò èkòme ya kpelì, ema e mà tàke nà èwiki. À mà kàrzɛ wòrzò wò eni, rzìi a ɛnɛ Abràhamù ɔnɛ̀yi hvòò nà Làrzàrɔ̀rzì hvɛ a lìya ò tòŋgòŋgò yà èni.

Lukàrzɛ̀ 8:35

Nà òmà hwatò hwa mà hweye enè eyà, hwa mà wurza lì ɛnɛ̀ mamɛ ya arzɛ ema, e ma gbèyɛ̀nɛ̀. Nà òmà hwa mà ùke èki ema Yerzù a mà hwɛ, hwa mà ɛ̀nɛ òŋgò mòtò ema hwèlìŋgɛ̀ hwe wòhwe hwe mà hwɛ lì tàkirzɛ, mɔ̀ ndì à lìyelì Yerzù ò tòŋgòŋgò yà eni. Òŋgò mòtò à mà wɔ̀wìrzɛ̀hwɛ, a wɔtɔ̀ hvɛ nà lìwɔti la eni. Èŋge eyà e mà òkirzɛ hwaŋga hwatò wɔ̀ŋgɔ̀.

Lukàrzɛ̀ 15:16

Òŋgò ŋmanà à mà ika ò ŋmèma mò eni nanù ema a hwɛnì lì làa mòŋgò mòlelì ema a wòŋgòwàna iŋgi ŋgòwà, ndi tɔ̀ mòtò à rzi mò ŋgbe tɔ̀ yòmà ya lì làa.”

Hwègbèèlì 12:11

Àŋga ndi Pètrò lìhwiyè la eni lì ma timbe rzìi a òhwa nanù ema, “Nàŋgɛ ndi na hwi na e jɔ̀kɛ̀ nanù ema eyà e gbèyɛ̀nɛ. Rzàŋgò a nò òmelì e aŋgèlì ya eni, ndèŋgànɛ̀lɛ̀ mɔ̀ à nò kɔ̀ti ò màà mà ama Hɛ̀rɔ̀dì, ndèŋgànɛ̀lɛ̀ mɔ̀ à mà nò ulɛ ò màlùtèyà ma arzɛ ema hwatò hwa wònyà Yudà hwà mà arze lì nò gbeyàna.”