Lukàrzɛ̀ 13:35 - Mokpwe: Bakwery (New Testament)

³⁵ È ɔ̀ŋgɔ tɛ! Lohwɛ̀ à ò kìnyɛlɛlɛ è ndawò ya aŋgɔ̀. Nà ò òhweyà ndi è tɛ̀ɛtɛ, ema ò rza nò ɛnɛ hvɛ natɛ̀ɛ è hvònda ò òhwa nanù ema, ‘Mònàmɛ̀ nà è mɔ̀ ema à jèlì ò lìna la è Rzàŋgò.’”

Lukàrzɛ̀ 13:35 Referans Kwoze

Yòwanìrzɛ̀ 12:13

Rzìi hwa kɛ̀ inyàŋgò, hwa ɛ̀ndɛ lì mò ùŋmànɛ̀lɛ̀ ò njiya. Hwa mà hwɛ lì tɛ̀ɛ nanù ema, “Hòrzanà! Mònàmɛ̀ nà è mɔ̀ ema à jelì ò lìnà là ama è Rzàŋgò. Mònàmɛ̀ nà è Kìŋgɛ yà hwatò hwa Irzàyɛ̀lì!”

Matiyò 21:9

È ŋgìndì ema è mà hwɛ lì ɛ̀ndɛ ò wòrzò wà ama Yerzù, nà è yɔ̀ ema è mà hwɛ lì mò nɔ̀ŋgɔ ò mburzà, hwa mà hwɛ lì tɛ̀ɛ̀ nanù ema, “Hòrzana, nà jèka hvɛ ì hwɛ nà è Ŋmanà wà è nyɔ̀ŋgɔ̀nì yà ama Dàhwitì. Mònàmɛ̀ mò hwèlì nà òŋgò ema à jelì ò lìnà là ama è Rzàŋgò. Hòrzana, jèka ì hwɛ nà Lohwà ema mɔ̀ ndi à kàrzamì lì aka hwa arzɛ!”

Lukàrzɛ̀ 21:24

Hwàŋga hwatò hwa ŋwa ò njùma. Hwa lɛ̀mbɛ lòŋgò là hwaŋga hwatò nàa hwàkutu, rzìi hwa hwà ɛ̀ndɛ̀nɛ̀ ò hwehvɛhvɛ hwèkòmè. Hwàŋga hwatò ema hwa rza enje wònyà Yudà hwa ò nyɔ̀kɔ̀ Jèrurzalɛ̀mù nà matàŋgà mà awu, natɛ̀ɛ è hvònda ema Lohwɛ̀ à mà ika, è uka ò lìrzùkù.”

Matiyò 23:37

“Bɔ̀ɔ! Inyɔ hwatò hwa Jèrurzalɛ̀mù, hwatò hwa Jèrurzalɛ̀mù! Inyɔ ema e ma òŋwa hwà-òhwèlì hwa hwèlìŋgɛ̀. Inyɔ ema e ma aŋgba hwaŋga hwatò ema hwà mà òmàhwɛlɛ màŋyàyi. È hwi ŋgelì iti ema nà mà kekɛ lì rzaŋga hwàna hwa anyu nàa wuhwa ema e gbiyama i ŋguma jà eni ò tenì ya mahvahve mà eni e? Ndi inyɔ e rza emeyà.

Lukàrzɛ̀ 19:41

È hvònda ema Yerzù à mà kòmbɛ̀nɛ̀ Jèrurzalɛ̀mù nà òmà à mà ɛnɛ è mbòwà, à mà wòteya lì eyaa.