Lukàrzɛ̀ 13:26 - Mokpwe: Bakwery (New Testament)

²⁶ Lìŋgi lìrzàkò rzì inyɔ ya òhwa nanù ema, ‘Ì mà làalɛnɛ, ì mà nyɔ̀lɛnɛ mimba nà ò wa. Ò mà jò òkòlɛ̀ hvɛ ò mambòwà ma àrzu.’

Lukàrzɛ̀ 13:26 Referans Kwoze

Tàyìtùrzì 1:16

Hwàto ema hwa okolɛ hweŋge hwèyòkòlèlì hwe mòlàŋgà wɔ̀ hwa ohwa nanù ema hwa hwi Lohwɛ̀, ndi hwègbèèlì hwe awu hwe uŋmɛ̀lɛ̀ nanù ema hwa rza hwi Lohwɛ̀. Hwa gbeyà hweyà ema hwatò hwa rza lìŋgànɛ, wɔ̀ hwa rza gbeyà hweyà na oma Lohwɛ̀ a hwe àrzeyà ndeŋgànɛlɛ hwa rza tànɛ lì gbeyà tɔ̀ eyà yɔ̀kɔ ya gbamù.

2 Tìmotì 3:5

O ò hwɛ hwatò ema hwa awuŋmɛ̀lɛ̀ ò à ɛnɛ oma hwa gbeyà ndi mamɛ Lohwɛ̀ a arza, ndi hwa rza o arza nanù ema e ŋginyà ya ama Lohwɛ̀ e tikowe mòŋgɛ ma awu. O rzi ɛndɛ o toŋgoŋgo ya lìŋgi lìtumba la hwatò.

Lukàrzɛ̀ 3:8

Inyɔ e ɛndɛ e gbèèye hweyà ema hwe uŋmɛ̀lɛ̀ nanù ema e ma rzɔnjɛ̀lɛ̀ wòhwe wò anyu, rzèketɛ ò lì òhwà ò mèèmà me anyu nanù ema, ‘Ì hwèlì ndi hwàànà hwà mà Abràhamù, ò eŋgànɛ̀lɛ̀ ì rza tànɛ̀yi lì kɔ̀kìrzɛ̀hwɛ.’ Ndi nà è òhweyà ema Lohwɛ̀ à tanɛyi lì gbeyàna manù màŋyàyi ò lì ma gbeyà emà mà hwɛ hwàanà hwa ama Abràhamù.

Lukàrzɛ̀ 13:27

È Rzàŋgò yà è ndawò ya àlahwɛ̀ nanù ema, ‘Nà rza è hwi. Nà rzà hwi hvɛ tɔ̀ èki ema e uwɛ̀lɛ̀lɛ̀yi. È nò anjiya ò mìirzɔ̀ ma ami. Inyɔ hwatò hwa wòhwe!’