Lukàrzɛ̀ 12:18 - Mokpwe: Bakwery (New Testament)

¹⁸ À mà àwòhwànɛ̀lɛ̀ ŋmìti nanù ema, ‘Nànù ndi na gbeyà nàŋgɛ. Nà hwɛnì lì bùulɛ mayɛ̀ɛhvɛ ma amì ma arzɛ. Nà òŋgà mahvɛhvɛ ema mà òlò. Aŋgà ndi na ùta ìmbòtà ja amì ja arzɛ nà lìnɛ̀yi lìrzàŋgò.

Lukàrzɛ̀ 12:18 Referans Kwoze

Jèmìrzì 3:15

Ène nyayi ya lìhwiyè e rza uwɛ̀lɛ̀lɛ̀ ndi o ŋmanyu yà lohwà. Lì hwèlì ndi lìhwiyè ema lì uwɛ̀lɛ̀lɛ̀yi o hwatò hwa e rze ya mɔ̀nyɛ̀. È hwèlì ndi lìhwiyè ema lì uwɛ̀lɛ̀lɛ̀yì oma hwatò ema hwa rza hwɛnɛ èlìŋgɛ̀ ya ama Lohwɛ̀, lìhwiyè la èlìŋgɛ̀ ya wòhwe.

Jèmìrzì 4:15

Mamɛ ema e hwɛni lì ohwa yɔ ene, “È hwèlì tɛ nanù ema Lohwɛ̀ a emelì tɛ nanù ema i hwɛ o lòŋgɛ ndèŋgànɛ̀lɛ̀ jo ò gbeyà ene eyà tɔ̀ enɛyi.”

Lukàrzɛ̀ 18:6

Yerzù rzìi a òhweyà hwà-òkòwèlì hwa eni nanù ema, “È òkànèyà mamɛ è mòkàyìrzèlì wà mbenda wà wòhwe ema à rza hwiyɛ Lohwɛ̀ mamɛ a òhwa.

Lukàrzɛ̀ 12:21

Nànù ndi e hwɛnì lì hwɛ nà tɔ̀ njɛnɛ ema àwutɛ̀lɛ̀ mònàmɛ̀ ndi à rza nàmɛ̀ ò wòrzò wò ama Lohwɛ̀.”

Lukàrzɛ̀ 18:4

O hwèwòtelì òŋgò mòkàyìrzèlì wà mbenda, à rzìi imànɛ̀lɛ̀. O lìrzukù, à mà òhwanɛ̀lɛ mɔ̀ ŋmìti nanù ema, ‘Tɔ̀ nɛ na rzà ŋgbà Lohwɛ̀ èluhwe, ndèŋgàna na rzà òka hwatò wɔ̀ŋgɔ̀,

Matiyò 6:26

È ɔŋgɔ̀ tɛ̀ hwènɔ̀nì, hweyɔ hwe rza ònà tɔ̀ hwema, hwe rza hvata tɔ̀ mbòtà, ndèŋgànɛ̀lɛ̀ hvɛ hwe rza òhvi tɔ̀ èki ya lì uta è mbòtà. Ndi Lohwɛ̀, Tatɛ̀ wà anyu wà ŋmanyu à hwe lìrzɛ̀! Rzeke inyɔ è hwɛnì wòlìtò nà mɔ̀ lì aka hwènɔ̀nì e?

Lukàrzɛ̀ 12:17

Èŋge èhwàŋgì ya mòtò rzìi ya à òhwa ò ŋmèma mò eni nanù èma, ‘Nà rza òhvi èki ema na tànɛyi lì ùta è rzaa ya àrzɛ yà amì. Mamɛ na tànɛyi lì gbeyà e?’

Lukàrzɛ̀ 12:19

Aŋgà ndi na òhwalɛnɛ̀ imba mbiti nanù ema, nà arzàŋgɛ̀lɛ̀ hwèèmà hwe mala hwe gbamù, na ò gbeyàna ò ŋma nà ŋma. Nà arzɛ̀kɛ̀lɛ̀ naŋgɛ, nà làa, nà nyɔ, rzìi na òkà hvɛ lòŋgɛ la amì.’

Lukàrzɛ̀ 12:24

È ɔŋgɔ̀ tɛ̀ ìkàkà ja wòmbe ì rzà gbeyà mbòta tɔ̀ rzàà, ì rzà òhvi hvɛ tɔ̀ èki ema ja ùta lì gbeyà la awu. Ndi Lohwɛ̀ à ji lìrzɛ̀. È rza hwi nanù ema è òhvì wòlìtò lì akà hwènɔ̀nì e?

Jèmìrzì 4:13

O nàŋgɛ nanù, e no òkànèyà, inyɔ ema e ohwa nanù ema, “Yàwono tɔ̀ ŋmɛlɛ ema wo jà i hwɛni lì ɛndɛ yɔ̀ndɔ o enɛyi mbowà irzɔ̀ i hwɛ aŋga ŋma mɔ̀kɔ i gbeyà nyòŋga aŋga ndèŋgànɛ̀lɛ̀ i yalɛ mɔ̀rzɛ̀ŋgì rzàyi-rzàyi.”