Lukàrzɛ̀ 12:17 - Mokpwe: Bakwery (New Testament)

¹⁷ Èŋge èhwàŋgì ya mòtò rzìi ya à òhwa ò ŋmèma mò eni nanù èma, ‘Nà rza òhvi èki ema na tànɛyi lì ùta è rzaa ya àrzɛ yà amì. Mamɛ na tànɛyi lì gbeyà e?’

Lukàrzɛ̀ 12:17 Referans Kwoze

Matiyò 5:42

O ŋgbe òŋgò mòtò ema à ò ɔ̀mbɔ̀, ndèŋgànɛ̀lɛ̀ hvɛ ò bàlɛ̀ òŋgò ema à arza lì ò bàlɛ̀nɛ̀.”

1 Yòwanìrzɛ̀ 3:16

Nànù ndì ì hwìiyà mamɛ è ndìŋgɛ è hwèlì, è hwèlì ndi nanù ema Yerzù Krirztò mɔ̀ à mà ŋgba lòŋgɛ la eni o nyòla arzu. O èŋgànɛ̀lɛ̀ irzɔ hvɛ ja àŋgàmɛ̀nɛ̀yi lì ŋgba mòŋgɛ ma arzu o nyòla ya wònyànyàŋgo hwa arzu hwa Krirztò.

Ròmànì 12:13

O ìtììtènì ja anyu ja hwatò hwa ama Krirztò, e hwèlì tɛ ema mɔ̀kɔ wa anyu a endèli tɛ yòma, e mɔ̀ ema a e òhvi inyɛ a mò ŋgbe e yɔ. Tɔ̀ njɛnɛ ema a e jɛlɛlɛ nàa ŋmɛ̀nì e mò karzɛ gbamù.

Hwègbèèlì 16:30

À ma hwa wurzirzɛ ò ewòka rzìi a hwa ijòwa nanù ema, “Ìi hwa rzàŋgò, mamɛ na hwɛni lì gbeyà ò lì rzùŋgàhwà na Lohwɛ̀ e?”

Lukàrzɛ̀ 19:17

Èŋge kiŋgɛ̀ rzìi è mò òhweyà nanù ema, ‘Ò gbèyi gbamù. Ò hwèlì ndi mògbèèlì hwà gbamù! Kànatɛ ò tànɛyi lì ɔ̀ŋgeyà hwàna hweyà, ò èŋgànɛ̀lɛ̀ nà ò ŋgba lìyòmɛ̀ là màmbòwà ò lì mà kànèyà.’

Lukàrzɛ̀ 18:22

Yerzù à mà hweye nanù, rzìi a mò òhweyà nanù ema, “O lìyelì eyà yɔ̀kɔ ema ò àŋgàmɛ̀nɛ̀ lì gbeyà. Ahwirzɛ erzàŋgò ya aŋgɔ̀ ya arzɛ, ò kahweyà mèlìrza me hwatò wòŋgò wòlì. O gbèyi tɛ nanù ò lùwà mònàmɛ̀ ò ŋmanyu ya Lohwà. O mburzà nanù, ò jèe ò nò òŋgame”

Lukàrzɛ̀ 16:9

Yerzù rzìi a hwa òhweyà nanù ema, “Nà è òhweyà ema è gbeyànè mònàmɛ̀ mò anyu mò ène rze, ò lì làtana hweyòrza hwe anyu. Èhwanja lìrzàkò mòŋgò mònàmɛ̀ mò kùwa, e kàrzɛ̀hwɛ̀ nàa hwàyɛ̀ni ò èkòmè ya mòlìkɛ̀.

1 Tìmotì 6:17

O kòkòwɛ̀lɛ̀ hwaŋga hwatò ema hwa nàmì kɔ̀yi-kɔ̀yi nanù ema hwa rzi a ekirzɛ o lì kumba ìŋgèŋgè, ndèŋgàna hwa rzi ika mèèmà me awu o mònàmɛ̀ mo awu ema mo kuwa, ndi hwa ika ndi mèèmà me awu o ma Lohwɛ̀. Mɔ̀ ndi à hwèlì e mɔ̀ ema a jo ŋgba hwèèmà hwe arzɛ ema ja arza aŋga nanù jo òka mɔ̀nyɛ̀ŋgì.

Hwègbèèlì 2:37

Nà òma hwatò hwà mà hweye mamɛ ema Pètrò à mà òhwe, mèèmà me awu me ma kerzeya. Rzìi hwa ijòwa Pètrò nà inɛyi àpɔ̀rzìtòlò nanù ema, “Ìi wònyàmòwe mamɛ ja àŋgàmɛ̀nɛyi lì gbeyà e?”

Lukàrzɛ̀ 16:3

Òŋgò mògbèèlì rzìi a akònɛ hvɛ mɔ̀ ŋmìti nanù ema, ‘Nà gbeyà rzɔ ndi nɛ e? Nàŋgɛ ema rzàŋgò wà amì arza lì nò ulɛ̀ ò èwòlò e? Nà rza òhvi tɔ̀ màyìmbì ma lì gbeyà hwèwòlò ema hwe èèti. Nà òkà hvɛ ìrzɔnì ò lì ɔmbɔ̀.

Lukàrzɛ̀ 12:33

È àhwìrzɛ̀ hwerzàŋgò hwe anyu, e ŋgbè mèlìrza me hwatò iŋgi kahvà. È àrze makpà ma kahvà ema mà rza hvɔ̀hvɔ̀. È ika màwùtà ma anyu èki utami ema e hwèlì ò ŋmanyu yà lohwà, èki ema tɔ̀ eyà e rzà gbèyɛnɛ, ema tɔ̀ hwàyihwɛ̀ hwa rzà mò ihwa, tɔ̀ lìrziyɛ̀yi lì rzà tanɛ̀ lì ma làa.

Lukàrzɛ̀ 12:29

“O èŋgànɛ̀lɛ̀, è rzì òka lì ikà mèèmà me anyu ò mamɛ ema e làa, tɔ̀ lì nyɔ. Hwenè hweyà hwe rzìi e tàkìrzɛ̀.

Lukàrzɛ̀ 12:22

Yerzù à mà òhweyà hwà-òkòwèlì hwa eni nanù ema, “O èŋgànɛ̀lɛ̀ rzɔ, nà è òhweyà nanù ema è rza atàkìrzɛ̀ mòŋgɛ ma anyu. O lì àrza mamɛ e hwɛnì lì làa, tɔ̀ mamɛ ema e hwɛnì lì wɔ̀tɔ̀.”

Lukàrzɛ̀ 11:41

Ndi inyɔ è wòwe hwèèmà ema hwe hwèlì ò tenì yà luku la mɔ̀njɔ̀, e ŋgbè mèlìrzà me hwatò, aŋga ndi hwèèmà hwe anyu hwe àrzɛ hwe rzàŋga.

Lukàrzɛ̀ 10:25

Mòòkòlèlì mɔ̀kɔ wà mbenda à mà ɛ̀ndeya Yerzù ò lì mò kèkìrzɛ̀, rzìi a mò ijòwa nanù ema, “Ìi Mòòkòlèlì, mamɛ na tànɛyi lì gbeyà ò lì lùwa lòŋgɛ la gbìndèyà e?”

Lukàrzɛ̀ 3:11

Yòwanìrzɛ̀ à mà alàhwɛ̀ nanù ema, “Tɔ̀ njɛnɛ ema à hwɛnì mèŋgòmbè mehwàkɛ a ŋgbè mɔ̀kɔ òma òŋgò ema à rza òhvɛ̀ɛ, òŋgò hvɛ ema à òhvi mòlelì a ŋgbè hwaŋga ema hwa rza òhvɛ̀.”

Matiyò 16:7

Hwà-òkòwèlì hwa eni rzìi hwa òhwirzɛnɛ mɔ̀kɔ nà ɔ̀nɛyi nanù ema, “À òhwa ndi nanù èhwanja i rza jànì tɔ̀ èhvòòtò.”

Lukàrzɛ̀ 12:16

À mà hwa kpɛ̀ɛyà hvɛ mònò ŋmàna nanù ema, “O mà hwɛ èhwàŋgì ya mòtò mɔ̀kɔ, ema, e ma hwɛnɛ wàŋga. Èŋge wàŋga è mà ŋya e wùrzìrzɛ mbòtà yà gbamù rzayii.

Lukàrzɛ̀ 12:18

À mà àwòhwànɛ̀lɛ̀ ŋmìti nanù ema, ‘Nànù ndi na gbeyà nàŋgɛ. Nà hwɛnì lì bùulɛ mayɛ̀ɛhvɛ ma amì ma arzɛ. Nà òŋgà mahvɛhvɛ ema mà òlò. Aŋgà ndi na ùta ìmbòtà ja amì ja arzɛ nà lìnɛ̀yi lìrzàŋgò.