Lukàrzɛ̀ 10:7 - Mokpwe: Bakwery (New Testament)

⁷ Ndawò tɛ e kpèèlì, è lìyà aŋga. È rzì ànjiya aŋga. È lèè, e nyò tɔ̀ mamɛ ema hwa e ŋgbèlì, èhwanja è mògbèèlì à àŋgàmɛ̀nɛ̀yi lì lùwà mòrzàhwèlì mò eni. Inyɔ è rzà awa ndawò tɛ e kpèeyà.

Lukàrzɛ̀ 10:7 Referans Kwoze

2 Tìmotì 2:6

È mògbeyà mbota ema a gbèyi èwòlò ya gbamù, mɔ̀ ndi à àŋgàmɛ̀nɛ̀yi o lì hwɛ e mòtò wà worzo ò lì laa e mbota ya worzo.

Gàletìyà 6:6

Tɔ̀ ima mòtò ema a okolɛhwɛ Eyà ya Lohwà, a àŋgàmɛ̀nɛ̀ lì ŋgbàà tɔ̀ mamɛ ya gbamù ema o òhvi o lì oŋgòwànà e mòòkòlèlì wa eni.

Lukàrzɛ̀ 9:4

Tɔ̀ ima ndawò hvɛ ema e kpèèlì, e lìyà e hwɛ aŋga natɛ̀ɛ e ànjìyà ò eŋge mbòwà ndɛnɛ.

Makòrzì 6:10

A ma òhwa hvɛ nanù ema, “Tɔ̀ ima ndawò hvɛ ema e kpèèlì, e lìyà e hwɛ aŋga natɛ̀ɛ e ànjìyà ò eŋge èki.

1 Tìmotì 5:13

Ndeŋgànɛ̀lɛ̀ hvɛ Hwèrzɔ̀mbɛ̀ hwe mekurze hwe nyàmɛ̀lɛ lì lìya nanù e rzi hwɛ lì gbeyà tɔ̀ eyà na o lì hvɛhvɛ hwahvɛhvɛ hwatò ò mandawò ma awu. Rzeketɛ ema hwa rza hwɛ ndi rziŋga mɛnɛ, ndi hwa inda hwatò na o lì ohwa hweyà ema hwe rza hwa hvomɛ̀nɛ̀. Wɔ̀ hwa ohwa lì hvomɛ̀nɛ̀ hweyà ema hwa rza àŋgàmɛ̀nɛ̀yi lì ohwa.

Hwègbèèlì 16:34

Oŋgò mɔɔŋgelì wa hwèwòwà à mà ɛ̀ndɛ̀nɛ̀ Pàwolò na Rzàyìlàrzì ò ndawò ya eni, rzìi a hwa ŋgba mòlelì. Oŋgò mòtò na lìtumba la eni la arzɛ hwà mà ònda na mɔ̀nyɛ̀ŋgì ehwànja hwà mà lòkɛ̀ Lohwɛ̀.

Hwègbèèlì 16:15

Hwà mà mò lùhwìrzɛ̀ na lìtumba la eni la arzɛ, ò mburza nanù à mà jò yòwɛ ò màandà mà eni rzi a òhwa nanù ema, “È lutelì tɛ ema imbahvɛ na hwèlì ndi mòlòkèlì mɔ̀kɔ, wa ama Rzàŋgò, e jèe e lìya ò màandà mà ami” mɔ̀ à mà jò tinɛlɛ natɛ̀ɛ rzìi je emeyà.

Hwègbèèlì 16:40

Pàwolò na Rzàyìlàrzì hwà mà anjiya ò hwèwòwà, rzìi hwa ɛ̀ndɛ lì kpèeyà ò ndawò ya ama Lideya. Nà òma hwà mà uke aŋga hwà mà ùŋmanɛlɛ hwàlòkèlì, Pàwolò na Rzàyilarzi rzìi hwa òhweyà hwaŋga hwàlòkèlì mbɔrzi ya lì hwa embɛ rzìi hwa ɛndɛ e ya awu.

Lukàrzɛ̀ 10:6

È hwèlì tɛ ema, ò hwèlì mòtò wà ɛ̀yɔ̀lɛ̀ ò èŋge ndawò, èŋge ɛ̀yɔ̀lɛ̀ e hwɛ nà mɔ̀. O rzà ènje hvɛ tɛ tɔ̀ mòtò, èŋge ɛ̀yɔ̀lɛ̀ ye è tìmbeyà.