Kòlòrzìyà 3:23 - Mokpwe: Bakwery (New Testament)

²³ Tɔ̀ ima èwòlò ema è gbeyà, ye è gbeye nà mèèmà mè anyu mè arzɛ. È hwɛni lì hwiya nanù ema, ye è gbèeyà ndi Lohwɛ̀ rzeketɛ hwatò hwa hwènàmà.

Kòlòrzìyà 3:23 Referans Kwoze

Kòlòrzìyà 3:17

Tɔ̀ mamɛ ema è ohwa tɔ̀ è gbeyà, inyɔ yè è gbeyà ndi o lìnà là ama Rzàŋgo Yerzù. Inyɔ e ŋgbe Lohwɛ̀ Tatɛ̀ jèka ò lìinà là ama Yerzù.

Ròmànì 14:8

Irzɔ, i hwèlì tɛ ò lòŋgɛ, nanù òma i hwèlì ndi ò lòŋgɛ ò lì gbeyà mamɛ ema e Rzaŋgò ya arza. Ndèŋgànɛ̀lɛ̀ i ŋwelì tɛ, nanù ò ma i ŋwelì ndi ò lì lìŋgirzɛ e Rzàŋgò. O èŋgànɛ̀lɛ̀ rzɔ, tɔ̀ i hwɛ lòŋgɛ, tɔ̀ i ŋwa, i hwèlì ndi ò màà mà ama e Rzàŋgò.

1 Pètrò 2:15

È hwèlì ndi hwètɛ̀yirzèlelì hwe ama Lohwɛ̀ nanù ema, lì akeyà na hwègbèèlì hwe anyu hwe gbamù ema e gbeyà, e hwɛni lì tɛmirzɛ e mbɔrzi ya ŋgundu ema hwatò hwa èèti hwa ohwa o lì e teŋgɛ̀nɛ̀.

1 Pètrò 2:13

O nyòla lìna la ama e Rzàŋgo e arzihwirzɛ inyɔ hwiti, o rze ya hwatò hwa ene rze ema hwa hwèlì o lìkànèyà. Tɔ̀ o e mòkànèlì mo ndɛ̀ɛ̀ndɛ̀,

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

Ròmànì 14:6

Hwàŋga hwatò ema hwa lùtèyà nanù ema eyu yɔ̀kɔ e hwɛni wòlìtò lì aka hwehvɛhvɛ hweyu, hwa gbeyà ndi nanù ò lì ŋgbà e Rzàŋgò èluhwe. Hwàŋga ema hwa laa tɔ̀ mamɛ wɔ̀ hvɛ hwa gbeyà ndi nanù ò lì ŋgba e Rzàŋgò èluhwe èhwanja hwa ŋgba Lohwɛ̀ jeka lì hvòmɛ̀nɛ̀ mòŋgò mòlelì. Hwàŋga hwatò ema hwa kiya ò lì laa lòŋgò la hwema, hwa gbeyà ndi nanù ò lì ŋgba e Rzàŋgò èluhwe ndèŋgàna hwa ŋgba Lohwɛ̀ jeka.

Matiyò 6:16

“È hwèlì tɛ ò mòkìyà njàwò, è rzìi emeyà ema màrzò mà anyu mà ɛneya rzɔ̀luu, nà òma hwatò hwa mèhvìlì hwa gbeyà. Hwatò hwa mèhvìlì wɔ̀ hwa nyùkɛ̀ marzò mà awu aŋga nanù òma hwatò hwa mà ayèmbɛ ema hwa hwèlì ò mòkìyà njàwò. Nà è òhweyà nà è jɔ̀kɛ̀ ema, wɔ̀ hwa mà màa lì lùwa mòrzawèlì mò awu mò arzɛ.

Ɛ̀hvìrzìyà 5:22

Inyɔ ijòjìyɛ̀, e arzìhwìrzɛ̀lɛ̀lɛ̀ mèjòmɛ̀ me anyu, ŋgànà hvɔ̀kɔ nà omà o hweyànà Rzàŋgo.