Kòlòrzìyà 3:22 - Mokpwe: Bakwery (New Testament)

²² Inyɔ hwàkòmì, è hweyàne è wɔ̀ ema hwa è hwɛni ò ihvonda jà arzɛ. È rzi hwa gbèeyà ndi lìrzakò mɛnɛ ema hwa ɛnɛ̀ ò lì arza nanù ema hwa yè èke. Ndi è hwa gbèeyà èwòlò nà ŋmèma mɔ̀kɔ ehwànja è Rzàŋgo ndi inyɔ è ŋgba èluhwe.

Kòlòrzìyà 3:22 Referans Kwoze

Gàletìyà 1:10

Nà oma na ohwa nanù, e rza ɔ̀ŋgɛ̀lɛ̀ ndi nanù ema hwatò hwa hwènàmà hwa no tuuwe lìna la gbamù. Imba na rza arza nanù. Lohwɛ̀ ndi imba na arza nanù ema a no tuuwe lìna la gbamù. È ma hwɛ tɛ nanù ema na arza ndi ema hwatò hwa hwènàmà hwa no tuuwe lìna la gbamù, o ma na rza enje ndi e mògbèèlì hwa ama Krirztò.

1 Tɛ̀rzàlonìyà 2:4

Ndi i ma hwɛ lì e ohweyà e hweyɔ nàa hwatò ema Lohwɛ̀ à mà hvɔ̀rzɛ̀ ema hwà tànɛyi o lì ohwa Ŋmɛ̀ndì mò Gbamù mo eni. O eŋgànɛ̀lɛ̀ rzɔ jo ohwa moŋgo ŋmɛ̀ndì mò gbamù rzeketɛ o lì lìŋgìrzɛ hwatò hwa hwènàmà, ndi o lì lìŋgìrzɛ Lohwɛ̀ ema a hwi mèèmà me arzu o tenì.

Kòlòrzìyà 3:20

Inyɔ hwàànà, è hweyànè irzàŋgo nà inyàŋgo jà anyu ò tenì yà ima eyà ema è gbeyà. Nànù ndi è Rzàŋgo è arza nanù ema è gbèyè.

Lukàrzɛ̀ 6:46

“Mamɛ ndeŋgàtɛ è nò hwɛlɛ nanù ema, ‘Ìi Rzàŋgò, Ìi Rzàŋgò,’ ndi e rza gbeyà mamɛ ìmba na òhwa e?

Hvìlɛ̀mɔ̀nì 1:16

Ò nàŋgɛ à rza enje ndi mòkòmè, ndi à hwèlì ndi ŋmanyàŋgò wà arzu wà ama Krirztò. Nà mò lìŋgàni rzàyi-rzàyi, ndèŋgànɛlɛ ò wà hvɛ ò àŋgàmɛ̀nɛ̀yi lì mò lìŋgàna lì aka mamɛ ema imba nà mò lìŋgàni. Ò àŋgàmɛ̀nɛ̀yi lì mò lìŋgàna nàa è mògbèèlì wà aŋgɔ̀ ndèŋgànɛlɛ nàa ŋmànyɔ̀ŋgɔ̀ wà aŋgɔ̀ wà ama Krirztò.

2 Kɔ̀rintìyà 7:1

Ìi Wònyamòwè kòkò, nà oma Lohwɛ̀ a ohwi ama mɔ̀ ndi à hwèlì e Tatɛ̀ ya arzu, irzɔhvɛ i hwɛ hwàanà hwa eni. Inyɛ̀ i rzɔnjɛ̀lɛ̀ hweyà ema hwe rzɔkɔ i nyo na hwèlìŋgɛ̀ hwe arzu. Inyɛ̀ i luwɛ Lohwɛ̀ na lì hwɛnɛ lòŋgɛ ema lì tani. Ène ŋgàna ndi e jo gbeyà o lì kanɛ̀ Lohwɛ̀ na oma ya àrzàhweyà.

Hwègbèèlì 2:46

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.

Lukàrzɛ̀ 7:8

Imba mbiti na hwèlì ndi mòtò ò rze ya lìkànèyà. Nà kànèyà hvɛ hwàànà njùma. Nà òhweyà ŋmànèlì mɔ̀kɔ wa njuma nanù ema, ‘Ɛ̀ndɛ,’ ndèŋgànɛ̀lɛ̀ a ɛ̀ndɛ. Nà òhweyà hvɛ ɔ̀nɛyi nanù ema, ‘Jà,’ mɔ̀ hvɛ a jà. Nà òhweyà hvɛ e mògbèèlì wa ami nanù ema, ‘Gbeyà ene eyà,’ mɔ̀ hvɛ à è gbeyà.”

Matiyò 8:9

Imba mbiti nà hwèlì ndi mòtò ò rze yà lìkànèyà. Nà kànèyà hvɛ hwàànà njùma. Nà òhweyà ŋmànèlì mɔ̀kɔ wà njuma nanù ema, ‘Ɛ̀ndɛ,’ ndèŋgànɛ̀lɛ̀ à ɛ̀ndɛ. Nà òhweyà hvɛ ɔ̀nɛyi nanù ema, ‘Jà,’ mɔ̀ hvɛ à jà. Nà òhweyà hvɛ è mògbèèlì wa ami nanù ema, ‘Gbeyà ene eyà,’ mɔ̀ hvɛ à è gbeyà.”

Matiyò 6:22

“Mììrzɔ̀ mà hwèlì ndi nàa ètùlù yà è nyò. È hwèlì tɛ nanù ema mììrzɔ̀ mà aŋgɔ̀ mà hwèlì tɛ gbamù, è nyò yà aŋgɔ̀ yà arzɛ yɔ̀hvɛ è òndà nà ŋmàye.