Kòlòrzìyà 3:11 - Mokpwe: Bakwery (New Testament)

¹¹ ò rza enje hwèkàkòwèlì ò hwatò hwa wònyà Yudà nà hwatò ema hwa rza enje wònyà Yudà, tɔ̀ mòtò ema à endàhwì tɔ̀ è mɔ̀ ema à rza endàhwɛ̀. Ò rza enje hwèkakòwèlì ŋga mòtò à hwèlì ndi ŋmɛ̀nì tɔ̀ mòtò wà hwaŋga tɔ̀ mòtò wà wònja. Krirztò ndi à hwèlì hweyà hwe arzɛ, ndèŋgànɛlɛ à hwèlì ò tenì yà inyɔ hwa arzɛ.

Kòlòrzìyà 3:11 Referans Kwoze

1 Kɔ̀rintìyà 12:13

Nànù mɛnɛ hvɛ ndi e hwèlì na irzɔ hwa arzɛ e hwɛ ndi ŋga wònyà Yudà o tɔ̀ hwaŋga ema hwa rza enje wònyà Yudà tɔ̀ e hwɛ ndi ŋga hwàkòmì tɔ̀ e hwaà wònjà irzɔ hwa arzɛ i lùhwìrzɛ̀hwɛ̀ ndi na èlìŋgɛ̀ yà wòtani, o tenì ya èŋge nyo ya ahvɔ̀kɛ. Ndèŋgana Lohwɛ̀ à mà jo rzòòkɛ èŋge èlìŋgɛ̀ yà wòtani mɛnɛ o tenì ya mèèmà me arzu.

Ròmànì 10:12

Ène e hwèlì rzɔ ò hwatò hwa arzɛ èhwanja ò rza enje hwekàhweli ema hwanu hwa hwèlì ndi wònyà Yudà, hwanu hvɛ hwa rza enje wònyà Yudà. Lohwɛ̀ a hwèlì ndi e Rzàŋgò ya hwatò hwa arzɛ, ndeŋgànɛ̀lɛ̀ hvɛ à nàmìrzɛ̀ rzayi-rzayi hwaŋga ema hwa mò hwɛlɛ.

Ɛ̀hvìrzìyà 3:6

Hwene hweyà ema è mòtò wà hwènàmà à rzi hwiyɛ hwe hwèlì ndi ema: hwatò ema hwa rza enje wònyà Yudà wɔ̀ hvɛ hwa lu molemilemi mò mònàmɛ̀ ema Lohwɛ̀ à mà ohwa ema à ŋgba hwatò ema hwa hwèlì wònyà Yudà. Wònyà Yudà nà è wɔ̀ ema hwa rza enje wònyà Yudà hwa hwèlì ndi mòtò mɔ̀kɔ. Èya ema Lohwɛ̀ à ohwi ema à gbèeyà wònyà Yudà, è wɔ̀ ema hwa rza enje wònyà Yudà wɔ̀ hvɛ hwa è luwàna mɔ̀rzɛ̀ŋgi èhwanja hwa hwèlì ndi mòtò mɔ̀kɔ nà Krirztò. Ŋmɛ̀ndì mò Gbamù ndi mò gbèyi hwene hweyà hwe arzɛ ema hwe gbèyɛ̀nɛ.

Ɛ̀hvìrzìyà 1:23

Lì arzàŋganɛ la hwatò hwa Lohwɛ̀ lì hwèlì ndi è nyo yà ama Krirztò. Liŋgi lì arzàŋganɛ là hwatò hwa Lohwɛ̀ ndi lì hwèlì lì ondìrzɛ̀ la ama Krirztò ndeŋga Krirztò à ondìrzɛ̀ hweyà hwe arzɛ ò tɔ̀ ima èki ema hwe hwèlì.

Ròmànì 3:29

Ŋga e lùtèyà ndi nanù ema, Lohwɛ̀ a hwèlì ndi Lohwà la wònyà Yudà mɛnɛ e? Rzeke a hwèlì hvɛ ndi Lòohwà la hwatò ema hwa rza enje wònyà Yudà e? Ò jɔ̀kɛ̀ a hwèlì hvɛ ndi Lòohwà la awu.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Yòwanìrzɛ̀ 17:23

Imba na hwèlì ndi mɔ̀kɔ na wɔ̀ ò wa hvɛ ò hwèlì ndi mɔ̀kɔ na imba, aŋga nanù hwa kuwa lì hwɛ mòtò mɔ̀kɔ. Hwa ò kuwa lì hwɛ mòtò mɔ̀kɔ aŋga nanù e rze e hwiya nanù ema ò wa ndi ò hwèlì e mɔ̀ ema a nò òmi, hwa hwiya hvɛ nanù ema ò hwa lìŋgàni na òma imba hvɛ na ò lìŋgàni.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

1 Kɔ̀rintìyà 7:19

O lì endàhwa o rza uŋmɛ̀lɛ̀ tɔ̀ eyà, o rza endàhwì hvɛ tɛ o rza uŋmɛ̀lɛ̀ tɔ̀ eyà. Èya ema e hwèlì wòlìtò e hwèlì ndi o lì ika i mbenda ja ama Lohwɛ̀.

Hwègbèèlì 15:17

Aŋga nanù hwanɛyi hwatò hwa e rze ya arzɛ hwa ò nò jèeya, nà mà hvɔ̀rzɔ̀ hwatò ema hwa rza enje wònyà Yudà ò lì hwɛ hwatò hwa ami. Imba e Rzàŋgò ndi òhwi nanù.

Kòlòrzìyà 2:10

Ò eŋgànɛlɛ rzɔ, è ohvi lòŋgɛ ema lì ondi, ehwànja è hwèlì mòtò mɔ̀kɔ nà Krirztò. Ndeŋgànɛlɛ mɔ̀ ndi à hwèlì è mɔ̀ ema à kànèyà iŋginyà nà màkànèyà mà arzɛ.

Ròmànì 1:14

Èwòlò ema imba nà hwɛni è hwèlì ndi ò lì òhweyà tɔ̀ ima mòtò ŋmɛ̀ndì mò gbamù, tɔ̀ hwa hwɛ ndi hwatò hwa mbowà tɔ̀ hwatò hwa wàŋga.

Yòwanìrzɛ̀ 15:5

“Imba ndi na hwèlì gbèe wò hwehvùma, inyɔ ndi e hwèlì hwɛkɔkɔ. Mòtò a hwèlì tɛ na imba nanù mɛnɛ, imba hvɛ rzìi na hwɛ na mɔ̀, a ŋya hwehvùma rzayi-rzayi. È rza enje tɛ na imba, e rza tànɛyi lì gbeyà tɔ̀ eyà.

Hwègbèèlì 28:4

Hwàŋga hwatò hwa èŋge èki hwà mà ene na òma wòŋgò gbahwà wò ma kakùmɛ̀nɛ̀ Pàwolò ò lìya rzìi hwa a òhwalɛnɛ wɔ̀ na wɔ̀ nanù ema, “Onò mòtò a hwèlì ndi mò òŋwelì wa hwatò. Mɔ̀ à mà arza lì ŋwa ò tenì ya ŋmànja, ndi tɔ̀ nanù e mbàkò ya ama Lohwɛ̀ e ma mò lɛmbɛ.”

Hwègbèèlì 28:2

Hwatò hwa èŋge èki ema i ma uŋmànɛlɛ hwà mà jò òŋgòwànà. Yùulùlì e ma inyàmɛnɛ rzìi e mbuwà yɔhvɛ e ma wòteya lì yɔ̀ɔ ò èŋgànɛ̀lɛ̀ hwà mà jò kòteya mùùnya ò rzàawà ya ŋmànja nanù ema ja atòwɛ rzìi hwa jò kàrzɛ.

Yòwanìrzɛ̀ 14:23

Yerzù rzìi a alàhwɛ̀ nanù ema, “Tɔ̀ ima mòtò ema a nò lìŋgàni, a ika hwèyòkòlelì hwe ami. È Tatɛ̀ ya ami e mò lìŋgana, imba na Tatɛ̀ wa ami i mò jèeyà rzìi i lìiya na mɔ̀.

2 Yòwanìrzɛ̀ 1:9

Tɔ̀ ima mòtò ema à rza oŋgàmɛ̀ hwèokòlelì hwe ama Krirztò, rzìi à oŋgama ndi hwehvɛhvɛ hwèokòlelì nanù oma à rza enje nà Lohwɛ̀. Ndi tɔ̀ ima mòtò ema à oŋgama hwèokòlelì hwe ama Krirztò nanù oma à hwèlì nà è Tatɛ̀ nà è Ŋmanà wà eni.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.

Ɛ̀hvìrzìyà 6:8

È hwiye nanù ema è Rzàŋgo è jò rzàweyà ndi ò tɔ̀ ima èwòlò yà gbamù ema i mà gbèèyɛ̀. I hwɛ hwàkòmì tɔ̀ wònja.

Ɛ̀hvìrzìyà 3:17

Ndèŋganɛlɛ nà kànɛ̀ hvɛ nanù ema lì lòkɛ̀ là anyu ò mà Krirztò è onàhwè ò mèèmà mè anyu. Nà kànɛ̀ hvɛ nanù ema è lìŋganè Lohwɛ̀, ndèŋgànà è lìŋganè hvɛ mɔ̀kɔ nà ɔ̀nɛyi. È gbèyi tɛ nanù, ò mà è mà hwɛ ndi nàa gbee ema meyàŋga mè eni mè rzɔ̀ŋgɔ̀ ò tenì yà mɔ̀nyɛ̀, ndèŋgana è hwɛ ndi nàa ndawò ema è tɛmi gbamù ò rze.

1 Kɔ̀rintìyà 14:11

Ndi nà rza rzɔ̀ŋgìtɛ̀nɛ̀ tɛ mbɔrzi, nà hwɛ ndi ŋmɛ̀ni nà tɔ̀ njɛnɛ ema à ohwa èŋge mbɔrzi, mɔhvɛ̀ a hwɛ ndi ŋmɛ̀ni na imba.

Ròmànì 3:22

Èŋge ŋgàna e hwèlì ndi nanù ema, tɔ̀ ima mòtò ema a lòkɛ̀ Yerzù Krirztò mɔ̀ ndi à tɛmi ehve-ehve. O rza enje tɔ̀ tìŋgɛ̀ ema mòtò a hwèlì ndi wònyà Yudà tɔ̀ a rza enje wònyà Yudà.

Ɛ̀hvìrzìyà 2:14

Krirztò mɔ̀ ŋmìti mɛnɛ, mɔ̀ ndi à hwèlì e mɔ̀ ema a jo janelì ɛ̀yɔ̀lɛ̀. A ma gbeyà hwatò hwa wònyà Yudà na hwaŋga hwatò ema hwa rza enje wònyà Yudà o lì hwɛ mòtò mɔ̀kɔ. È kpelì ya eni e ma ulɛ ɛ̀kɔ̀wù o ìtììtènì ja anyu. Èŋge ɛ̀kɔ̀wù e ma hwɛ ndi nàa erzù ema e ma jo kahwa.

Ɛ̀hvìrzìyà 2:15

À mà gbeyà è mbenda yà wònyà Yudà è rza ohvi ŋginyà hvɛ. À mà gbèeyà ndi nanù, aŋga nanù, à rzàŋga wònyà Yudà nà hwaŋga ema hwa rza enje wònyà Yudà ò lì tìmba nàa mòtò mɔ̀kɔ mohvènya ema nà wɔ̀ hwa hwɛ ndi mòtò mɔ̀kɔ nà Krirztò. Ò èŋgànɛ̀lɛ rzɔ nà oma à gbèyi ene eyà nanù, mɔ̀ à mà jànà ɛ̀yɔ̀lɛ̀ ò ìtììtènì jà wònyà Yudà nà hwaŋga ema hwa rza enje wònyà Yudà.