Judɛ 1:4 - Mokpwe: Bakwery (New Testament)

⁴ Nà ohwa ndi nanù èhwanja lòŋgò là hwatò ema hwa rza hwɛnɛ ɛ̀ɛ̀mɛ̀ yà ama hwatò hwa ama Lohwɛ̀, hwa mà kpèeyà ò ìtììtènì jà anyu ò jùtùtà. Hwaŋga hwatò hwa ohwa nanù ema, è ndèli ema Lohwɛ̀ à mà jò ŋgbɛ, ndèŋganɛlɛ nà oma à mà jò làkìrzɛ̀ wòhwe wò arzu, è mà jò ŋgbàà è wònjà ò lì gbeyà hweyà hwe mbindo. Lohwɛ̀ mɔ̀ à mà màa lì tɛ̀yirzɛ̀ è kɔ̀kìrzɛ̀ ema hwaŋga hwatò hwa ò lùwɛ natɛ̀ɛ nà è kòhwàa. Hwàŋga hwatò hwa rza emelì Yerzù Krirztò na oma è hwèlì nanù ema Yerzù mɛnɛ ndi à hwèlì è Rzàŋgo yà arzu nà è mòkànèlì wà arzu.

Judɛ 1:4 Referans Kwoze

Gàletìyà 2:4

tɔ̀ nɛ loŋgo là hwatò hwa mòlàŋgà ema hwà mà hwɛ ò ìtììtènì ja hwàlòkèlì hwa ama Krirztò, hwa mà hwɛ lì ahwaŋgelɛ nanù ema wɔ̀ hvɛ hwa hwèlì ndi hwàlòkèlì hwa ama Krirztò hwà mà arza nanù ema è gbèyɛ̀nɛ̀. Hwàŋga hwatò hwà mà kpèeyà ndi ò ìtììtènì jà arzu ò jututa, aŋga nanù oma hwa mà ɛnɛ nà oma ì gbèeyà hweyà hwe arzɛ èhwanja i hwèlì ò lìkànèyà la ama Yerzù Krirztò. Wɔ̀ hwà mà arza ndi nanù ema i hwɛ ndi hwàkòmì ò lì oŋgama imbenda jà wònyà Yudà.

2 Pètrò 2:10

À ò kɔ̀kìrzɛ̀ hwatò rzɛ̀hvɔ̀nì hwaŋga hwatò ema hwa oŋgama èèti yà è nyàma nyo yà mòtò wà hwènàmà rzi hwa hvàka lìkànèyà là ama Lohwɛ̀. Hwanu hwà-òkòlèlì hwa mòlaŋgà hwa kolì ndèŋgànà hwa ohvi hvɛ è kumba. Ndeŋgànɛ̀lɛ̀ hwa rza ŋgbelì tɔ̀ èluhwe ò iŋginyà jà è ŋmanyu yà lohwà. Wɔ̀ hwa hwɛnyɛ ndi iŋgi ŋginyà lì hwɛnyɛ, è rzi hwɛ lì oka tɔ̀ wɔ̀ŋgɔ̀ tɔ̀ wɔ̀kɔ.

1 Yòwanìrzɛ̀ 2:22

Njɛnɛ mò à hwèlì è wà mòlàŋgà e? È mòtò wà mòlàŋgà à hwèlì ndi è mɔ̀ ema à ohwa nanù ema rzeketɛ Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi. Èŋge nyayi yà mòtò ndi è hwèlì è Mɔ̀kɔ̀yèlì wà ama Krirztò. A rzɔ̀rzɔ̀ Tatɛ̀ nà è Ŋmanà wà eni wà Mùnyanà.

1 Pètrò 2:16

È lìya nàa hwatò hwa wònja. Ndi e rzi gbeyàna eŋge wònja ya anyu, o lì gbeyà wòhwe. Ndi e lìya nàa hwàgbèèlì hwa ama Lohwɛ̀.

1 Pètrò 2:8

Ndeŋgànɛ̀lɛ̀ e tìlahwì hvɛ o ehvɛhvɛ kààti ya Lohwà nanù ema, “Mɔ̀ ndi à hwèlì lìŋyàyi ema lì o nòŋgolɛ hwatò, nàa ewòmɛ ya lìŋyàyi ema e hwa kpìrzɛ. Hwàto hwa nòŋgowa ehwànja hwa rza hweyàna Lohwɛ̀. Nànù ndi Lohwɛ̀ à mà kàkɛ̀nɛ nanù ema e hwa gbèyɛ̀nɛ.”

2 Tìmotì 3:6

Lòŋgo la hwanu hwatò hwa lùkɛ̀lɛ̀ hwatò. Wɔ̀ hwa kpèelì tɛ ndawò hwa lùkɛ̀lɛ̀ hwaŋga hwalanà ema hwa rza ohvɛ mahwiye ema hwa lìiya o tenì ja iŋgi ndawò. Hwàŋga hwalanà hwa gbeyà hweyà hwe wòhwe rzayi-rzayi nyayi ema woŋgo wòhwe wo hwa lìtana ndi nàa muna ndi hwa hwànɛ. Màlùteyà ma wòhwe ndi ma hwa kànèyà.

Gàletìyà 5:13

Wònyamòwè kòkò, Lohwɛ̀ a e hwɛlɛ o lì anjiya o èki ema hwa e kànɛ̀yi. Kànatɛ e rza kànyɛ̀hwɛ̀ hvɛ, eŋge e rza e ŋgbelì e wònja o lì gbeyà tɔ̀ mamɛ ema e nyàmà ya nyo ya anyu e arza. Ndi ema tɔ̀ ima mɔ̀ wa anyu a gbèeyà ɔ̀nɛyi na ndìŋgɛ.

2 Pètrò 3:7

Èŋge mbɔrzi mɛnɛ ema Lohwɛ̀ à mà gbeyàne o lì wèka e ŋmanyu yà lohwà na e rze, ɔndi mɔ̀ à gbeyànì o lì kombɛ e ŋmanyu yà lohwà na e rze aŋga nanù a hwe rzɛlɛnɛ mùnya. A hwèlì a ambɛlɛlɛ e ŋmanyu yà lohwà na e rze na hwèkàyìrzèlèlì. Woŋgo wùnyà ɔndi mɔ̀ à o hvàŋgɛ hwatò ema hwa rza ohvi ɛ̀ɛ̀mɛ̀ ya hwatò hwa Lohwɛ̀.

Judɛ 1:15

Mɔ̀ à ò kàyìrzɛ hwatò hwa arzɛ hwa è rze yà mɔ̀nyɛ̀. Hwàto hwa arzɛ ema ɛ̀ɛ̀mɛ̀ yà awu è rza enje nàa ɛ̀ɛ̀mɛ̀ yà hwatò hwa Lohwà mɔ̀ à hwa tùùlɛ̀ ŋmàŋgo, ndèŋgànɛlɛ à ò kɔ̀kìrzɛ̀ hwatò hwa wòhwe ema hwa rza oka Lohwɛ̀ wɔ̀ŋgɔ̀. À ò hwa kɔ̀kìrzɛ̀ ò nyòla hweyà hwe wòhwe ema wɔ̀ hwa ohwa ò lì mò tèŋgɛ̀nɛ̀.”

1 Pètrò 4:18

Nà oma e tìlahwì o kààtì ya Lohwà nanù ema, “È hwèlì tɛ nanù ema e ambi ema hwatò ema hwa tɛmi ehve-ehve hwa rzùŋgàhwè, nɛ rzɔ yo ò hwɛ̀ɛ na hwaŋga hwatò ema hwa gbeyà wòhwe na hwaŋga ema hwa rza lòkɛ̀ Lohwɛ̀ e?”

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

Hwègbèèlì 15:24

Irzɔ i ma hweyà nanù ema lòŋgò la hwatò ema hwa uwɛ̀lɛ̀lɛ̀yi ò mba arzu lì e jèeya, wɔ hwa e emirzɛyi na hweyà ema hwa òhwa. Ndi inyɔ e hwɛni lì hwiya nanù ema i rzi hwa ŋgbelì tɔ wònjà ò lì gbeyà nanù.

Hwègbèèlì 11:23

Nà òma mɔ̀ à mà ùke àŋga rzi a ɛnɛ mamɛ e ndèli ya ama Lohwɛ̀ e ma gbeyɛ, à mà ònda na mɔ̀nyɛ̀ŋgì. Rzìi à kòkòwɛ̀lɛ̀ hwaŋga hwàlòkèlì nanù ema wɔ̀ hwa òŋgame Rzàŋgò na ŋmèma mɔ̀kɔ.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Matiyò 13:25

Ndi na òma hwatò hwa arzɛ hwa ma hwɛ lì naŋga, e mɔ̀kɔ̀yèlì wa eni à mà ɛndɛ rzìi a òna hwèwùlè ò tenì ya eŋge mbòtà ya mbàrzi, rzìi a ɛ̀ndɛ e ye eni.

Hwèwulùwèlì 15:4

Ìi Rzàŋgo, njɛnɛ a rza o oka wɔ̀ŋgɔ̀ e? Njɛnɛ a rza o ŋgba èluhwe e? O wà witi mɛnɛ ndi o hwèlì wòtani. Hwàto hwa hwèkòmè hwe arzɛ hwe e rze ya mɔ̀nyɛ̀ hwa o jà o lì o kànɛ. Èhwànja hwègbèèlì hwe aŋgɔ hwe ehve-ehve hwe ma wulùwahwà.”

1 Tìmotì 5:8

Tɔ̀ ima molokelì ema a rza woŋgohwa e mbiya ya eni, rzɛhvɔ̀ni hwàŋgà hwa lìtumba ema hwa mo kombɛnɛ, e uŋmɛ̀lɛ̀ nanù ema mɔ̀ à rza lòkɛ̀ Krirztò na e jɔ̀kɛ̀. Èŋge ŋgàna e hwèlì ndi nanù ema, mɔ̀ à gbeyà wòhwe lì aka e mòtò ema a rza lòkɛ̀yi Krirztò.

2 Tìmotì 2:12

Ja àjùlɛ̀nɛ̀ tɛ o lì taka na mɔ̀, irzɔ jo ò kànèyà na mɔ̀. Irzɔ i mo rzɔ̀rzi tɛ, mɔ̀hvɛ a hwɛni ndi lì jo rzɔ̀rzɔ̀.

2 Pètrò 2:7

A ma rzùŋga Lɔ̀ti, munyanà wa gbamù ema a rzi lìŋgànɛ hweŋge hwɛ̀ɛ̀mɛ̀ hwe wòhwe ema hwaŋga hwatò hwa wòhwe hwà mà hwɛ lì gbeyà.

Judɛ 1:18

Hwa mà è ohweyà nanù ema, “Ò mèènyà mè lìrzukù ema mè ò jɛ̀ɛ̀, hwatò ema hwa è yɔ̀ɔ̀yeyà hwa ò jà, wɔ̀ ema hwa oŋgàma ndi hweyàrzèlì hwe awu hwe è nyàma nyo ema hwe rza enje hwetɛirzelelì hwe ama Lohwɛ̀.”