Jèmìrzì 2:7 - Mokpwe: Bakwery (New Testament)

⁷ Wɔ̀ ndi wɔ̀ hwa ohwa wòhwe o lì hvomɛ̀nɛ̀ lìinà la gbamù ema lì ma e ŋgbahwa.

Jèmìrzì 2:7 Referans Kwoze

1 Tìmotì 1:13

A ma gbeyà nanù, tɔ̀ nɛ o hwewotelì nà mà hwɛ lì mo teŋgɛ̀nɛ na ìrzìlàkò, nà mà hwɛ o lì tàkìrzɛ̀ hvɛ hwaŋga hwatò ema hwà mà mo lòkɛ̀ na o lì mo òhwirzɛnɛ hvɛ mbɔrzi ja wòhwe. Ndi o hwene hweyà hwe arzɛ ema nà mà hwɛ lì gbeyà, Yerzù Krirztò à mà no komeya ììlì ja eni èhwanja na rzi ohve lì lòkɛ̀ ndèŋgàna na rzi hwiye mamɛ ema nà mà hwɛ lì gbeyà.

Hwègbèèlì 11:26

Nà òma à mà mò luwe, rzi a mò tìmbana ò mbòwà ya Antìyɔ̀kì. Wɔ̀ hwahwàkɛ hwà mà lìya aŋga na ŋmèmba mò mitelì natɛ̀ɛ na ŋma mɔ̀kɔ mòrzurzu. Hwà mà hwɛ lì òkòlɛ̀ ŋgìndì ndɛnɛ ya hwatò. O mbòwà ya Antìyɔ̀kì aŋga ndi hwàlòkèlì hwà mà lòme ò lì hwɛ̀lɛ̀hwɛ̀ hwànɔ̀ŋgèlì hwa ama Krirztò.

Hwèwulùwèlì 19:16

O mòŋgòmbè mo eni na o e rzorzo ya eni lìni lìnà lì tìlahwi aŋga nanù ema, “Kiŋgɛ wa ikiŋgɛ ja arzɛ na e Rzàŋgo ya irzaŋgo ja arzɛ.”

Hwèwulùwèlì 19:13

A wɔ̀ti mòŋgòmbè ema mo ma inahwa o màyija ndèŋgànɛ̀lɛ̀ lìnà ema hwà mà mo hwɛlɛnɛ lì ma hwɛ ndi, Eyà ya Lohwà.

Ɛ̀hvìrzìyà 3:15

Mɔ̀ ndi à hwèlì è Tatɛ̀ yà màtùmbà mà arzɛ, ò mɔ̀ ndi mìinà mà arzɛ mà màtùmbà mà è ŋmanyu yà lohwà, nà è rze yà mɔ̀nyɛ̀ hwa mà uwɛ̀lɛ̀lɛ̀yi.

Hwègbèèlì 26:11

O ŋgèlì rzayì-rzayì hvɛ imba nà mà hwɛ lì hwa kɔ̀kìrzɛ̀ ò tenì ya indawò ja màkanɛ̀ ja wònyà Yudà ja arzɛ, ndeŋgànɛlɛ nà mà hwɛ hvɛ lì arza nanù ema hwa òhwe hweyà hwe wòhwe ò lì teŋgɛ̀nɛ̀ Yerzù. Imba nà mà hwa tàtàna rzàyi-rzàyi nyàyi ema nà mà hwɛ lì ɛndɛ ò màhvɛhvɛ mambòwà nà ò hwehvɛhvɛ hwèkòmè ò lì hwa tàkirzɛ.”

Hwègbèèlì 4:12

“Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”

Matiyò 12:24

Ndi e hvònda ema Ihvàlìrzàyì i ma hwèye nanù ema, hwa ma òhwa nanù ema, “Rzekɛ à gbeyànà ndi è wònjà yà èlìŋgɛ̀ ya ama Bɛ̀lrzɛ̀bùlì ema a hwèlì e mòkànèlì hwa hwèlìŋgɛ̀ hwe wòhwe ò lì ulɛ hwèlìŋgɛ̀ hwe wòhwe ò inyò ja hwatò e?”

Matiyò 1:23

“È òkànèyà mɔ̀ɔ̀mbɔ̀ mò ŋgɔ̀ndɔ̀ ema mò rzi hwi munyanà mò lìta lèmì, mò ŋya ŋmanà wà mùnyanà, hwa ò mò hwɛlɛ ndi Èmànùwɛ̀lì.” Jàànda jà lini lìinà lì hwèlì ndi nanù ema, “Lohwɛ̀ à hwèlì nà irzɔ̀.”

Matiyò 27:63

Rzìi hwa mò òhweyà nanù ema, “Rzàŋgò, jò ɔ̀ŋgɛ̀lɛ̀ nanù ema, e hvònda òŋgò mòtò ema à mà hwɛ lì kɔ hweyà à mà hwɛ lòŋgɛ à mà hwɛ lì òhwà nanù ema, ‘Lohwɛ̀ a nò hvùmùlɛ̀ ò mburzà mèenyà meyawò.’

Hwègbèèlì 15:17

Aŋga nanù hwanɛyi hwatò hwa e rze ya arzɛ hwa ò nò jèeya, nà mà hvɔ̀rzɔ̀ hwatò ema hwa rza enje wònyà Yudà ò lì hwɛ hwatò hwa ami. Imba e Rzàŋgò ndi òhwi nanù.

1 Pètrò 4:16

Ndi e tàki tɛ ehwànja e hwèlì ndi hwànɔ̀ŋgèlì hwa ama Krirztò, e rzi keka lì oka tɔ̀ irzɔ̀ni. Ndi e eke Lohwɛ̀ nanù ema inyɔ e hwɛ̀lɛ̀hwɛ̀ ndi hwatò hwa ama Krirztò.