Jèmìrzì 2:18 - Mokpwe: Bakwery (New Testament)

¹⁸ Mòtò mɔ̀kɔ a no òhweyà nanù ema, “Ono mòtò a ohvi lìlòkɛ̀, ɔ̀nɛyi mɔ̀ hvɛ a gbeyà hweyà hwe gbamù.” Nà mo alàhwɛ̀ nanù ema, “O no uŋmɛ̀lɛ̀ nɛ mòtò a tànɛyi lì hwɛnɛ lìlòkɛ̀ ema a rza gbeyɛ hweyà hwe gbamù, na o uŋmɛ̀lɛ̀ lìlòkɛ̀ la ami o hweyà hwe gbamù ema na gbeyà.”

Jèmìrzì 2:18 Referans Kwoze

Jèmìrzì 3:13

O hwèlì tɔ̀ mɔ̀kɔ wa anyu anu ema a ohvi lìhwiyè na lì rzɔ̀ŋgìtɛ̀nɛ̀ e? Mɔ̀ a àŋgàmɛ̀nɛ̀yi ndi lì àwuŋmɛ̀lɛ̀ na lòŋgɛ la eni la gbamù ema mɔ̀ à hwɛni o hweyà hwe arzɛ ema mɔ̀ à gbeyà. Inyɛ̀ mɔ̀ à gbeye nanù o lì arzìirzɛ la eni là arzɛ na o lìhwiyè la eni.

1 Tìmotì 1:5

Lìtìŋga ndèŋgàtɛ̀ nà mà e ohweyà ema o òkolɛ hwatò hwèyòkòlèlì hwe jɔ̀kɛ̀ hwe hwèlì ndi nanù ema, hwatò hwa alìŋgànɛ mɔ̀kɔ na ɔ̀nɛyi. È hwɛni lì hwɛnɛ ndìŋgɛ ema e uwɛ̀lɛ̀lɛ̀yi o ŋmèma ema me rzaŋgi, ŋmèma ema mo hwi mamɛ e hvomɛ̀nɛ̀ na mamɛ ema e rza hvomɛ̀nɛ̀, na ŋmèma ema mo hwi lì lòkɛ̀ ema lì hwèlì e jɔ̀kɛ̀.

Jèmìrzì 2:14

Ìi wònyànyàŋgo wa ami kòkò, mòtò a ohwi tɛ nanù ema a lòkɛ̀yì Krirztò, rzìi a rzi gbeyà hweyà ema hwe uŋmɛ̀lɛ̀ nanù ema a ohvi lì lòkɛ̀ ima gbamù wo hwèlì aŋga e? Èŋge tumba lì lòkɛ̀ e tanɛyi e mo rzùŋgà lòŋgɛ la eni e?

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Tàyìtùrzì 2:7

O hweyà hwe arzɛ ema o gbeyà o hwa o uŋmɛ̀lɛ̀ hwèmbànèlì hwe gbamù. O okolɛ tɛ, eyà ema o okolɛ e àŋgàmɛ̀nɛ̀yi ndi lì hwɛ e jɔ̀kɛ̀, ndèŋgànɛ̀lɛ̀ o àŋgàmɛ̀nɛ̀yi ndi lì hwɛ mòtò ema a oŋgama hweyà gbamù.

Ròmànì 14:23

Ndi tɔ̀ njɛnɛ ema a hwamɛyi nanù ema a rza àŋgàmɛ̀nɛ̀ lì laa lìtumba lɔ̀kɔ la mòlelì ndi à timba a mò laa, Lohwɛ̀ a òhwa nanù ema a gbèyi wòhwe èhwanja a rza gbeyànì lì lòkɛ̀ la eni ò lì gbeyà mamɛ ema a àŋgàmɛ̀nɛ̀yi lì gbeyà. Mòtò a gbèyi tɛ eyà ema a hwamɛyi nanù ema e hvòmɛ̀nɛ̀yi tɔ̀ e rza hvòmɛ̀nɛ̀ nanù ò ma à mà gbeyà wòhwe.

Hibrù 11:31

Lìlòkɛ̀ lì ɔ̀ndi lì ma gbeyà ema e molanà wa àkpàlà ema à mà hwɛ̀lɛ̀hwɛ̀ Ràhàbì a rzi ŋwɛ ehvonda ema hwatò ema hwà mà hwɛnɛ maniya oma Lohwɛ̀ hwà mà ŋwe. Ène eyà e ma gbèyɛ̀nɛ nanù èhwanja mɔ̀ à mà hwɛ à mà loma lì emeyà hwaŋga hwatò ema hwà mà ja o jututa o lì inja e mbowà, o ndawò ya eni.

Hibrù 11:33

Lìlòkɛ̀ la hwaŋga hwatò lɔ ndi lì ma gbeyà ema hwà mà rzuwane hwèkòmè ema hwà mà ànane o njuma. Hwà mà hwɛ lì timba hwatò ema hwà mà hwɛ o rze ya awu o njìya ya jɔ̀kɛ̀. Ndèŋgàna wɔ̀ hwà mà luwa hwèèmà ema Lohwɛ̀ à mà ohwe nanù ema a hwa ŋgba. Hwà mà umba e wàna ya njila.

Hibrù 11:6

Mòtò a rza ohvi tɛ lìlòkɛ̀ a rza tànɛyi a òkìrzɛ̀ Lohwɛ̀ mɔ̀nyɛ̀ŋgì. Èhwanja tɔ̀ njɛnɛ ema a arza o lì jà o lì kombɛnɛ Lohwɛ̀ a àŋgàmɛ̀nɛ̀yi lìlòkɛ̀ nanù ema Lohwɛ̀ a hwèlì. Ndèŋgana a lòkɛ̀ nanù ema Lohwɛ̀ a taŋgeya hwatò ema hwa arza lì mo nɔ̀ŋgɔ o mburza.

1 Kɔ̀rintìyà 13:2

Tɔ̀ na hwɛnɛ hvɛ ndi jàhwèyà ja lì ohwa ŋmɛ̀ndì mo Lohwɛ̀ nɔke-nɔke, tɔ̀ na hwɛnɛ hvɛ ndi lìhwiyè la lì rzɔ̀ŋgìtɛ̀nɛ̀ la ìwùndɛ̀ ja arzɛ. Nà tànɛyi hvɛ tɛ lì hwɛnɛ̀ lì lòkɛ̀ ema lì no gbeyà ema na ohweyà e hvàko, ema e tikowe hwetɛmelì hweni. Rzi na rzi uŋmɛ̀lɛ̀ hwatò e ndìŋgɛ, nanù oma na rza enje tɔ̀ eyà.

Ròmànì 3:28

O èŋgànɛ̀lɛ̀ irzɔ i kulɛyi ndi nanù ema mòtò a tɛ̀mɛ̀ ndi ehve-ehve na Lohwɛ̀, èhwanja a lòkɛ̀ Yerzù Krirztò, ndi rzeketɛ èhwanja a ikayi e mbenda.

2 Kɔ̀rintìyà 7:1

Ìi Wònyamòwè kòkò, nà oma Lohwɛ̀ a ohwi ama mɔ̀ ndi à hwèlì e Tatɛ̀ ya arzu, irzɔhvɛ i hwɛ hwàanà hwa eni. Inyɛ̀ i rzɔnjɛ̀lɛ̀ hweyà ema hwe rzɔkɔ i nyo na hwèlìŋgɛ̀ hwe arzu. Inyɛ̀ i luwɛ Lohwɛ̀ na lì hwɛnɛ lòŋgɛ ema lì tani. Ène ŋgàna ndi e jo gbeyà o lì kanɛ̀ Lohwɛ̀ na oma ya àrzàhweyà.

2 Kɔ̀rintìyà 5:17

O èŋgànɛ̀lɛ̀ rzɔ, tɔ̀ njɛnɛ ema a hwèlì mɔ̀kɔ na Krirztò a hwèlì ndi ewèkèlì hvènya. Hwègbèèlì hwe eni hwe arzɛ hwe koohwa hwe ma aka, ndèŋgànɛlɛ a hwɛni ndi hwègbèèlì hwe hvènya hwe arzɛ nàŋgɛ.

Ròmànì 8:1

O nàŋgɛ, Lohwɛ̀ a rza tùulɛ̀ mòtò ema a hwèlì na Yerzù Krirztò ŋmàŋgò.

Ròmànì 4:6

Nànù mɛnɛ hvɛ ndi kiŋgɛ̀ Dàhwitì mɔ̀ hvɛ à mà òhwe, e hvònda ema à mà òhwe lì hvòmɛ̀nɛ̀ mònàmɛ̀ mò hwaŋga hwatò ema Lohwɛ̀ a òhwa nanù ema hwa tɛmi ehve-ehve tɔ̀ nɛ wɔ̀ hwa rza gbeyɛ tɔ̀ èwòlò.

Ròmànì 9:19

Ndi mɔ̀kɔ wa anyu a ò nò ijòwa nanù ema, “Ène eyà e hwèlì tɛ nanù, mamɛ rzɔ e ma gbeyà Lohwɛ̀ ò lì òhwa nanù ema hwatò hwa gbeyà lùurzè e? Irzɔ i hwi nanù ema tɔ̀ mòtò a rza tanɛ lì òhwa nanù ema a rza gbeyà mamɛ ema Lohwɛ̀ à mà mò òhweyà nanù ema a gbeye.”