Hwèwulùwèlì 8:7 - Mokpwe: Bakwery (New Testament)

⁷ È aŋgèlì yà wòrzo e ma toŋga lìyɔ̀mi la eni. Aŋga ndi e mbuwà ya màŋyàyi na mùùnya emà ma mà hviyànɛlɛhwɛ na màyija mà ma wòteyà o lì komeya o rze yà mɔ̀nyɛ̀. Lòŋgo lɔ̀kɔ o tenì ya moŋgo mayàwò ma e rze ya mɔ̀nyɛ̀ lì ma rzeeya la arzɛ. Lòŋgo lɔ̀kɔ o tenì ya moŋgo mayàwo ma mayi na hweyàlì hwe arzɛ hwe ma rzèèya.

Hwèwulùwèlì 8:7 Referans Kwoze

Hwèwulùwèlì 9:4

Hwà mà ohweyà megbambembe nanù ema hwa rzi keka lì hvàŋga hwèwùlè, hweyàlì na mayi. Ndi hwà mà hwa ohweyà nanù ema, hwa hvàŋge ndi hwatò ema hwa rza kukɛhwɛ eembànelì ya ama Lohwɛ̀ o imbɔ̀mbɔ ja awu.

Hwèwulùwèlì 9:18

Iŋgi kàndɛ̀ jàyɛ, eŋge ŋgànà e hwèlì ndi nanù ema mùùnya, Yùutùtù na mùnya ema mo ohvi mɔ̀rzɔ̀nɔ̀ nàa mbòo ema mo ma hwɛ lì wurza iŋgi wɔ̀rzi o iwàna ja awu, i ma oŋwa lòŋgò lɔ̀kɔ o tenì ya moŋgo mayawo ma hwatò hwa hwènàmà.

Hwèwulùwèlì 9:15

Èŋge aŋgèlì e ma rzolowa iŋgi aŋgèlì jàniyɛ. Wɔ̀ hwà mà rzekayɛlɛhwɛ o lì oŋwa lòŋgò lɔ̀kɔ o tenì ya moŋgo mayawo ma hwatò o lìŋgi lìrzàkò mɛnɛ, o woŋgo wùnyà mɛnɛ, o eŋge ŋgbɛndɛ mɛnɛ na o moŋgo ŋma mɛnɛ.

Hwèwulùwèlì 16:21

È mbuwà yà màŋyàyi ema è mà ohva eyà yà menimenì nà mèta mè kilo ò lìŋyàyi lɔ̀kɔ ò morzìmbɔ̀ è mà uwɛ̀lɛ̀lɛ̀yi ò ŋmanyu ò lì undeya hwatò. Hwàŋga hwatò hwa mà jema Lohwɛ̀ ehwànja eŋge mbuwà yà màŋyàyi ema è mà lìteya è mà hwɛ wòhwe rzayi.

Hwèwulùwèlì 16:2

È aŋgèlì ya worzò e ma ɛ̀ndɛ rzìi e koma hwetato hwe ndɛnɛ hwe ama Lohwɛ̀ ema hwe ma hwɛ o tenì ya ewoki ya eni o e rze ya mɔ̀nyɛ̀. Hwèhwàŋgù ema hwe ma ɛneya ŋgandi ŋgandi ema hwe ma hwɛnɛ hvɛ mòrziyò rzayi-rzayi hwe ma wurza hwatò o nyo. Hwàŋga hwatò hwà mà hwɛ ndi hwatò ema hwà mà ohva embànèlì ya eŋge èembè o inyo ja awu na hwàmbaki hwa hwatò ema hwà mà ŋgba eŋge èrzìrzà èluhwe.

Hwèwulùwèlì 12:4

A ma lùùtà lòŋgò lɔ̀kɔ la moŋgo màyàwo la irzombe ema i ma kɛ̀ɛ̀mɛ o ŋmanyu ya lìwòhwɛ la ŋmanyu na moondo mo eni, a ji undirzɛ o rze ya mɔ̀nyɛ̀. Èŋge dragɔ̀ni e ma tɛ̀mɛ̀ o worzo wo ama oŋgo molàna ema à mà arza lì ŋyàa, àŋga nanù a ŋyàa tɛ a mo laana e ŋmanà wa eni.

Hwèwulùwèlì 6:8

Nà ma ɔ̀ŋgɔ, rzìi na ɛnɛ wɔ̀rzi ema e ma ɛneya mɔ̀rzɔ̀nɔ̀ nàa hwèwùlè ema hwe rzɔ̀ɔnji. Lìina la ama e mòtò ema à mà e lìya o ŋmanyu lì ma hwɛ̀lɛ̀hwɛ̀ ndi Kpelì, ndèŋgànɛ̀lɛ̀ èkomè yà hwatò ema hwa mà ŋwɛɛ e ma mo oŋgàma o mburzà. Hwà mà ŋgbahwa è wònjà o lì kànèyà lìkayi lɔ̀kɔ la e rze ya mɔ̀nyɛ̀ o ìtììtènì ja màkayi manii ja e rze ya mɔ̀nyɛ̀. Hwà mà ohwa nanù ema inyɛ a gbeyàne e rzɔ̀lɔ̀, e njawu, inyàmbɛ, na inyàmà ja wòhwe o lì oŋwa hwatò o e rze ya mɔ̀nyɛ̀.

1 Pètrò 1:24

Nà oma e tìlahwì o e kààtì ya ama Lohwà nanù ema, “Hwàto hwa arzɛ hwa hwèlì ndi nàa hwèwùle, ndèŋgànɛ̀lɛ̀ mòlòŋgà mo awu ma arzɛ mo gbèyi ndi nàa imbonji ja wàŋga. Hwèwùle hwe ŋwa ndèŋganɛlɛ imbonji i unda o rze.

Jèmìrzì 1:11

È hwèlì tɛ nanù ema igbe i hvànya ŋginyà-ŋginyà, eŋge etùmbàtùmbà e rzɛlɛ hwèwùlè ndèŋgànà iŋgi mbonji ja hweŋge hwèwùlè i hwɛni lì kòmeyà o rze ndèŋgànɛ̀lɛ̀ mòlòŋgà mo awu mo kuwa. Nànù hvɛ mɛ̀nɛ ndi hwèwàŋgì hwe hwatò hwe hwɛni lì kuwa nàa oma wɔ hwa oŋgama mònàmɛ̀ mo awu o mburza.

Hwèwulùwèlì 7:1

O mburzà ya hwenè hweyà, rzìi na ɛnɛ aŋgèlì inɛyi ema i ma tɛ̀mɛ̀ o màrzuku mààniyɛ ma e rze. Wɔ̀ hwà mà keka marzuku mààniyɛ ma e rze ya mɔ̀nyɛ̀ ema e mbɛ̀hvɛ̀nì e akeyà aŋga nanù e mbɛ̀hvɛ̀nì e rza akeyà e rze ya mɔ̀nyɛ̀, tɔ̀ o tenì ya ŋmànja, tɔ̀ o lì teŋgɛ̀nɛ̀ gbèe.