Hwèwulùwèlì 8:3 - Mokpwe: Bakwery (New Testament)

³ Aŋga ndi nà à ɛnɛ ehvɛhvɛ aŋgèlì e jelì e tɛ̀mɛ̀ o worzo wo ètàwo ya itùwà, e tɛ̀tɛ̀ ewoki ya gòòlù ema aŋga ndi hwa rzɛlɛlɛ itùwà o tenì. Hwà mà mo ŋgba itùwà rzayi-rzayi nanù ema mɔ̀ à hwatɛ o hwèèmà hwe hwatò hwa ama Lohwɛ̀ o lì ŋgba màhwèyà ma gòòlù, o ètàwo ya gòòlù, eŋge ètàwo e ma hwɛ o worzo wo e konda ya lìkànèyà.

Hwèwulùwèlì 8:3 Referans Kwoze

Hwèwulùwèlì 5:8

O mburza hvonda ema mɔ̀ à mà wowe e kààti ema e lìŋgɛ̀lɛ̀hwɛ, hweŋge hwèembè hwe ànìiyɛ̀ na eŋge mbàŋgɛ ya hwàmbaki na hwànìi hwà mà kpa o rze o wòrzo wo ama eŋge Ŋguma ya Mɔlɛ̀ŋgù. Hwàŋga hwàmbaki hwa hwatò, tɔ̀ ima mɔ̀ wa awu à mà tɛ̀ɛ̀tɛ̀ɛ mondindi na mɔnjɔ mo luku mo gòòlù ema mo ma onda na itùwà. Iŋgi itùwà jɔ̀ ndi i hwèlì lìkànɛ la hwatò hwa ama Lohwɛ̀.

Hwèwulùwèlì 8:4

Yùutùtù e ma hwɛ lì wurza o itùwà ema e aŋgèlì e ma tɛ̀tɛ̀, e ma hwɛ lì agba o ŋmanyu na maŋga màkanɛ̀ ema eŋge aŋgèlì e ma hwɛ lì kànɛlɛlɛ hwatò hwa ama Lohwɛ̀. Èŋge aŋgèlì e ma tɛ̀mɛ̀ o worzo wo ama Lohwɛ̀.

Lukàrzɛ̀ 1:10

Nà òmà a mà hwɛ lì rzɛlɛ̀ itùwà, è ŋgìndì yà hwatò ya àrzɛ, è mà hwɛ ò èwòkà, ò lì kanɛ̀.

Hwèwulùwèlì 9:13

È aŋgèlì ema e ma ùkirzɛ̀ mòtòhwa e ma tòŋga lìyɔ̀mi la eni. Rzìi na hweyà lìlo ema lì uwɛ̀lɛ̀lɛ̀yi o injuka ja aniyɛ ja ètàwo ya itùwà ya gòòlù ema e ma hwɛ o worzo wo ama Lohwɛ̀.

Hibrù 9:4

Ò tenì yà eŋge tùu, ò mà hwɛ ètàwò yà gòòlù ema hwà mà hwɛ lì rzɛ̀lɛ̀lɛ̀ itùwà ò ŋmanyu ò lì kànɛ̀lɛ̀lɛ̀ Lohwɛ̀. Iwòŋgo ema hwa mà hwɛlɛ ema iwòŋgo jà yòmbò jɔ̀ hvɛ ì mà hwɛ ò tenì. Iŋgi iwòŋgo i mà kumɛnɛhwɛ ò hwèhvàrzù hwe arzɛ nà gòòlù. Ò tenì yà iŋgi iwòŋgo, ò mà hwɛ lìwonde là gòòlù ema lì mà ohva màna ò tenì. Motimbo mo ama Arɔ̀nì ema mo ma oŋga hweyàlì mo ma hwɛ o tenì. Hwèhvàrzù hwe tàhvelì hwehwàkɛ hwe màŋyàyi ema hwe ma ohva motìla mo imbenda hwe ma hwɛ aŋga.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.

Ròmànì 8:34

Njɛnɛ rzɔ à tànɛyi lì òhwa nanù ema ì tùu ŋmaŋgò e? Yerzù Krirztò à mà ŋwa, à hvùmùwà, rzi à lìya ò èhvàrzù yà lìya là mòmɛ̀ là ama Lohwɛ̀, ndèŋgàna aŋga ndi mɔ̀ à hwèlì à jò kanɛ̀lɛ̀lɛ̀.

Hwèwulùwèlì 7:2

Rzìi na ɛnɛ èhvɛhvɛ aŋgèlì ema e uwɛ̀lɛ̀lɛ̀yi o ehvàrzu ema igbèyi ji uwɛ̀lɛ̀lɛ̀yi, e ma ohva lì àyɛ̀kɛ̀nɛ̀ la Lòohwà la lòŋgɛ. Aŋga ndi eŋge aŋgèlì na lìlo lì kàrzàmi ya a hwɛlɛ iŋgi aŋgèlì ja aniyɛ ema i ŋgbàahwì màyìmbì o lì hvàŋga e rze na ŋmàànja,

Hwèwulùwèlì 6:9

E Ŋguma ya Mɔ̀lɛ̀ŋgù rzìi e rzolowa mòjèkà ema mo ma ùkirzɛ̀ meta. Rzìi na ɔŋgɔ o rze ya ètàwo ya itùwà rzi na ɛnɛ hwèlìŋgɛ̀ hwe hwatò ema hwà mà oŋwahwa ehwànja hwà mà hwɛ o lì ohwa eyà yà Lohwà ndèŋgànɛ̀lɛ̀ hwà mà hwɛ lì ohwa hweyà hwe jɔ̀kɛ̀ lì hvomɛ̀nɛ̀ Lohwɛ̀ nyayi ema irzɔ i hwi nanù ema hwe hwèlì ndi e jɔ̀kɛ̀.

Hwèwulùwèlì 10:1

Nà mà ɛnɛ èhvɛhvɛ aŋgèlì yà màyìmbì è uwɛ̀lɛ̀lɛ̀yi ò ŋmanyu yà lohwà, è rzihwa ò rze. È mà tòŋgahwa nà lìmbaki, è ŋguhwèlì hvɛ è mà hwɛ ò mòhvo mò eni. Worzo wò eni wò mà hvàyeyà hvɛ ndi nàa igbèyi, ndeŋgànɛlɛ mèèndè mà eni mè mà hwɛ ndi nàa lìhwondi ema lì oŋwa mùnya.

Hwèwulùwèlì 8:5

Èŋge aŋgèlì rzìi e wowa eŋge ewoki ya gòòlù ema itùwà i ma onde o tenì, a e ondìrzɛ̀ na mùùnya ema mo ma uwɛ̀lɛ̀lɛ̀yi o ètàwo ya itùwà, rzìi a e koma o e rze ya mɔ̀nyɛ̀. Ène eyà e ma gbeyà e ŋmanyu yà lohwà e ma hwɛ lì kèhwa, mɔ̀tɔ̀wu mo a wurza, lìŋmɛti lì ma mɔ̀tɛ̀lɛ̀ mònyìŋgìrzɛ̀nɛ̀ hvɛ mo hwɛ.

Hwèwulùwèlì 14:18

Èhvɛhvɛ aŋgèlì e ma jà ema e ohvi màyìmbì o lì kànèyà mùùnya, e ma uwɛ̀lɛ̀lɛ̀yi o ètàwo ya itùwà. Rzìi e tɛɛya eŋge aŋgèlì ema e ma ohva lìŋgi luwɛndi la lìŋgɔ̀tɔ ema lì eeya, na lìlo lì kàrzàmi nanù ema, “Wowa luwɛ̀ndi la lìŋgɔtɔ̀ la aŋgɔ ema lì eyàa, o rzàŋge mbuhva ja hwehvùma hwe mayi ma hwehvùma ema mà hwèlì o hvaya ya e rze mɔ̀nyɛ̀, èhwanja hwehvùma hwe eni hwe ma tana.”