Hwèwulùwèlì 7:12 - Mokpwe: Bakwery (New Testament)

¹² Hwa mà hwɛ lì ohwa nanù ema, “Inyɛ̀ wò lìya nanù! Mònàmɛ̀, lì ekàhwà, lìhwiyè, jèka, èluhwe, màyìmbì nà ŋginyà inyɛ hwe hwɛ nà Lòohwà la arzu natɛ̀ɛ nà ò gbìndèyà! Inyɛ̀ wò lìya nanù.”

Hwèwulùwèlì 7:12 Referans Kwoze

Judɛ 1:25

Èluhwe ya arzɛ e hwɛ na mɔ̀. Mɔ̀ ŋmìti mɛnɛ ndi à hwèlì Lohwɛ̀, ema a jo rzùŋgà mòŋgɛ ma arzu o lì akeyà na hwègbèèlì hwe ama e Rzàŋgo ya arzu Yerzù Krirztò. Èluhwe, lì olowa, e ŋginyà, na màkànèyà ma arzɛ ma hwèlì ndi e ma eni, lì wòteyà o hwewotelì, o nàŋgɛ na o gbìndèyà. Inyɛ̀ wo lìya Nànù.

Hwèwulùwèlì 19:4

È mbàŋgɛ ya hwàmbaki na hwànìi na hweŋge hwèembè hwe ànìyɛ̀ hwe ma kpa o rze o worzo wo ama Lohwɛ̀, rzìi hwa mo kanɛ̀, mɔ̀ ema a lìya o e konda ya lìkànèyà. Hwà mà ohwa nanù ema, “Inyɛ̀ wo lìya nanù! Jèka i hwɛ na Lohwɛ̀.”

Kòlòrzìyà 3:17

Tɔ̀ mamɛ ema è ohwa tɔ̀ è gbeyà, inyɔ yè è gbeyà ndi o lìnà là ama Rzàŋgo Yerzù. Inyɔ e ŋgbe Lohwɛ̀ Tatɛ̀ jèka ò lìinà là ama Yerzù.

Kòlòrzìyà 2:7

Nà oma o lòkɛ̀ hweyà ema hwanu hwà-òkòlèlì hwa e okòlɛ, hwene hweyà hwe hwèlì ndi e jɔ̀kɛ̀. Ndeŋgànɛ̀lɛ̀ e a ŋgbàà Lohwɛ̀ jeka o hweyà hwe arzɛ o ihvonda ja arzɛ.

2 Kɔ̀rintìyà 4:15

Mene Metaka me arzɛ ema i hwèlì i luwa nanù, me hwèlì ndi o lì e oŋgòwànà. Àŋga nanù rzayi-rzayi ja hwatò hwa hweyi tɛ eyà ya ama Lohwɛ̀, ììlì ja ama Lohwɛ̀ i hwa gbeyà hwa luwa lì làkìrzɛ̀ o wòhwe, ndèŋgànà hwa mo eka rzayi-rzayi. Ène eyà e gbeyà rzayi-rzayi ja hwatò hwa o eka Lohwɛ̀.

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Hwèwulùwèlì 1:18

Imba ndi na hwèlì oŋgo ema a hwèlì lòŋgɛ. Nà ma ŋwa, ndi o naŋgɛ na hwèlì lòŋgɛ o gbìndèyà na o gbìndèyà. Ndeŋgànɛ̀lɛ̀ na kànèyà e mbowà ya e kpelì.

Ròmànì 11:36

Lohwɛ̀ ndi à wèkì hwèèmà hwe arzɛ. Mɔ̀ ndi à gbèyi ndèŋgànà hweŋge hwèèmà hwe arzɛ hwe hwèlì lòŋgɛ. Ndèŋgànɛ̀lɛ̀ mɔ̀ ndi à hwɛni hweŋge hwèèmà hwe arzɛ. Èluhwe è hwɛ nà Lohwɛ̀ ò gbìndèyà nà ò gbìndèyà. Inyɛ̀ wò lìya nanù.

1 Kɔ̀rintìyà 14:16

Inyɔ̀ ye èkì tɛ Lohwɛ̀ o èlìŋgɛ̀ mɛnɛ, nɛ rzɔ òŋgo mòtò ema a hwèlì o ìtììtènì ja anyu ema a rza rzɔ̀ŋgìtɛ̀nɛ̀, mɔ̀hvɛ a tànɛyi lì ohwa nanù ema, “Amɛ̀nì” e ema mɔ̀ à rza rzɔ̀ŋgìtɛ̀nɛ̀ mamɛ ema e ohwi e?