Hwèwulùwèlì 3:21 - Mokpwe: Bakwery (New Testament)

²¹ Hwàto ema hwa lìya lì aka hweyà hwe wòhwe, nà ò hwa ŋgba è wònja ò lì lìya nà imba ò konda yà ami yà lìkànèyà, ŋgànà hvɔ̀kɔ nà oma imba hvɛ nà lìya ò ŋmanyu yà hwàkɔ̀yèlì wà ami rzìi nà lìya nà Tatɛ̀ wà ami ò è konda yà eni yà lìkànèyà.

Hwèwulùwèlì 3:21 Referans Kwoze

2 Tìmotì 2:12

Ja àjùlɛ̀nɛ̀ tɛ o lì taka na mɔ̀, irzɔ jo ò kànèyà na mɔ̀. Irzɔ i mo rzɔ̀rzi tɛ, mɔ̀hvɛ a hwɛni ndi lì jo rzɔ̀rzɔ̀.

Matiyò 19:28

Yerzù rzìi a tìmba hvɛ lì hwa òhweyà nanù ema, “Nà e òhweyà ndi e jɔ̀kɛ̀ e hvònda ema è Ŋmanà wà è Mòtò wà Hwènàmà a ò lìya ò mbòkò ya lìkànèyà la eni la èluhwe, ò e rze ema e ò jɛ̀ɛ̀ inyɔ lìyòme la hwatò na hwahwakɛ ema e nò nɔŋgi e ò lìya ò mbòkò ja lìkànèyà ò lì kàyìrzɛ̀ lìyòmɛ̀ la matumba na mahwakɛ ma Irzàyɛ̀lì.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Lukàrzɛ̀ 22:30

Ène e gbeyà è hwɛnì lì làa nà lì nyɔ nà ìmba èki yɔ̀kɔ ò lìkànèyà la amì. È ò lìya hvɛ ò mbòkò ja màkànèyà ò lì kàyìrzɛ̀ lìyòmɛ̀ la matumba nà mahwàkɛ ma wònyà Irzàyɛ̀lì.

Hwèwulùwèlì 20:4

Rzìi na ɛnɛ ikonda ja màkànèyà ema hwatò ema hwà mà ji lìya wɔ̀ ndi Lohwɛ̀ à mà ŋgbe e wònja o lì kànèyà hwatò. Rzìi na ɛnɛ e mòtò wa tenì wa hwatò ema hwà mà ŋwɛɛ. Hwà mà hwa oŋwa ehwànja hwà mà hwɛ lì ohwa e jɔ̀kɛ̀ ema Yerzù à mà jàne ehwànja hwà mà hwɛ lì ohwa ŋmɛ̀ndì ema mo uwɛ̀lɛ̀lɛ̀yi o ma Lohwɛ̀. Wɔ̀ hwà mà hwa oŋwa ehwànja wɔ̀ hwa rzi kanɛ̀ eŋge nyàmà yà wòhwe tɔ̀ èlìŋgɛ̀ ya eni ehwànja wɔ̀ hwa rzì emeyà lì luwa èèmbanelì ya eni o imbɔ̀mbɔ tɔ̀ o màà mà awu. Wɔ̀ hwà mà tìmba o lòŋgɛ rzìi hwa hwɛ na Krirztò o lìkànèyà o tenì ya ikolì ja meya.

Hwèwulùwèlì 1:6

À jò gbèyi ì hwèlì ndi nàa Ipilìrzi ema i gbèeyà Lohwɛ̀ è Tatɛ̀ yà eni ema è hwa kànèyà. Inyɛ̀ èluhwe nà lìkànèyà là eni lì hwɛ ò gbìndèyà nà ò gbìndèyà. Inyɛ̀ wò lìya nanù.

Hwèwulùwèlì 12:11

Màyìja ma ama e Ŋguma ya Mɔ̀lɛ̀ŋgù na imboŋgi ja jɔ̀kɛ̀ ema hwà mà tɛ̀mɛ̀, i ma gbeyà hwà mà rzùùwanà Mòkarzɛ̀. Wɔ hwà mà emeyà tɔ̀ e kpelì o lì ohwa tɔ̀ eyà ya ama Lohwɛ̀ ehwànja ŋmɛ̀ndì ema hwà mà hwɛ lì ohwa mo ma hwɛ ndi e jɔ̀kɛ̀.

Hwèwulùwèlì 17:14

Hwa ò teŋgɛ̀nɛ̀ ò lì anàna è Ŋguma yà Mɔ̀lɛ̀ŋgù njùma. Ndi è Ŋguma yà Mɔ̀lɛ̀ŋgù è ò hwa rzùùwanà ehwànja mɔ̀ ndi à hwèlì è Rzàŋgo yà hwatò hwa arzɛ ndèŋgànɛ̀lɛ̀ à hwèlì ndi è Kìŋgɛ yà ikìŋgɛ jà arzɛ. À hwèlì nà hwatò hwa eni ema Lohwɛ̀ à mà hwɛlɛ nà lì hvɔ̀rzɔ̀, ema hwa mò gbèeyà nà ŋmèmà mɔ̀kɔ.”

Hwèwulùwèlì 7:17

Èhwànja e Ŋguma ya Mɔ̀ɔ̀lɛ̀ŋgù ema e hwèlì o ìtììtènì ja hwèlìyelì hwe lìkànèyà, mɔ̀ ŋmìti ndi mo hwa ɔŋgeya. Mɔ̀ a o hwa timba o hwètùŋgu ema hwe ŋgbàa lòŋgɛ. Ndèŋganɛlɛ Lohwɛ̀ a o hwa titowa tɔ̀ ima lìrzɔ̀lì o mìrzɔ̀ ma awu.”

Hwèwulùwèlì 6:2

Nà mà ɔŋgɔ, rzi na ɛnɛ wɔ̀rzi ema wo tanà. È mòtò ema à mà e lìya o ŋmanyu à mà tɛ̀ɛ̀tɛ̀ɛ lìkɔ̀rzi, ndèŋgànɛlɛ à mà ŋgbahwa ekòotò. A ma hwɛ ndi mòtò ema à mà hwɛ lì rzùùwa injùmà ihvonda ja arzɛ, ndèŋgànɛ̀lɛ̀ à mà woŋgirzɛnɛ o lì rzùùwa ehvɛhvɛ njuma ema à mà anane hwàkɔ̀yèlì.

Matiyò 25:21

Rzaŋgɛ wà eni wa èwòlò à mà mò alàhwɛ̀ nanù ema, ‘O gbèyi gbamù, ò hwèlì ndi e mògbèèlì wa gbamù ema a tɛmi ehve-ehve. O awuŋmɛ̀lɛ̀ ò wà witi ò lì hwɛ e mògbèèlì wa gbamù na jɔ̀kɛ̀. Nà òma ò tanɛyi lì ɔ̀ŋgeya ŋmanà wòlì, ò èŋgànɛ̀lɛ̀ imba na ò ika ema ò kànèyà wòlì wò ndɛnɛ. Kpèeyà ònò i rzòmbìrzɛ̀ mɔ̀nyɛ̀ŋgì mò ami.’

Hwèwulùwèlì 5:10

À mà hwa gbeyà ò lì hwɛ ipilìrzi ema ì gbèeyà Lòohwà là arzu, ndèŋgànɛ̀lɛ̀ wɔ̀ hwa ò kànèyà è rze yà mɔ̀nyɛ̀.”

Hwèwulùwèlì 20:6

Mònàmɛ̀ mo o hwɛ na hwaŋga ema hwa o hwɛ o hwehvùmuwelì hwe worzo. Hwa hwèlì ndi hwatò ema hwa hwèlì wòtani. È kpelì ema e hwèlì e kpelì ya hwèlìŋgɛ̀, e rza hwɛnì màyìmbì o ŋmanyu ya hwatò ema hwa hwèlì o hwehvùmuwelì hwe kpelì hwe worzo. Ndi wɔ̀ hwa o hwɛ ipilìrzi ja ama Lohwɛ̀ na e ja ama Krirztò, ndèŋgànɛ̀lɛ̀ wɔ̀ hwa o hwɛ na mɔ̀ o lìkànèyà o tenì ya ikolì ja meya.

Yòwanìrzɛ̀ 13:32

È hwèlì tɛ ema Lohwà a lùwà èluhwe lì akeyà nà è Ŋmanà, nanù òma Lohwà mɔ̀ hvɛ a gbeyà èluhwe ya ama e Ŋmanà e ɛnɛhwɛ.