Hwèwulùwèlì 22:2 - Mokpwe: Bakwery (New Testament)

² mo ma ɔ̀ndeya ndi o tenì ya moombo mo e mbowà ndɛnɛ. O ma hwɛ nyayi hvɔ̀kɔ ya gbee o tɔ̀ ima rzàawà ya mono morzo ema wo ma ŋyàa hwehvùma ema hwe gbeyà mòtò o lì hwɛ lòŋgɛ natɛ̀ɛ na o gbìndèyà. Màŋga màyi ma mà ŋyàa lìyome la nyayi na mahwakɛ ma hwehvùma, ndèŋgànɛ̀lɛ̀ ŋgbɛndɛ tɛ ma mà ŋyàa hwehvùma. Hwàto hwa e rze ya mɔ̀nyɛ̀ hwà mà hwɛ lì gbeyàna hweyàlì hwe manù màyi o lì luwa hwetune hwe awu.

Hwèwulùwèlì 22:2 Referans Kwoze

Hwèwulùwèlì 22:1

È aŋgèlì rzìi e no uŋmɛ̀lɛ̀ morzo mo malìhwa ema mo gbeyà mòtò a hwɛ lòŋgɛ natɛ̀ɛ na o gbìndèyà, ndèŋgànɛ̀lɛ̀ mo uŋmɛ̀lɛ̀ ndi ŋgɛyi-ŋgɛyi nàa lìyɛni. Maŋga malìhwà ma mà uwɛ̀lɛ̀lɛ̀yi ndi o e konda ya lìkànèyà la ama Lohwɛ̀ na e Ŋgumà ya Mɔ̀lɛ̀ŋgù,

1 Pètrò 2:24

Krirztò mɔ̀ ŋmìti à mà hwanɛ wòhwe wo arzu o e nyo ya eni o mbàrza, aŋga nanù irzɔ, i hwɛmɛ lì gbeyà hweyà hwe wòhwe, ndèŋgànɛ̀lɛ̀ o lì a ayèŋgowɛ̀ lì lìya lòŋgɛ la ehve-ehve. O lì akeyà na hwèhwàŋgù hwe eni inyɔ e ma wɔ̀wìrzɛ̀hwɛ.

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”

Hwèwulùwèlì 22:14

Mònàmɛ̀ nà hwaŋga hwatò ema hwa rzòrza mèŋgombe me awu, hwa o luwa è wònjà ya lì akeyà o lìyohva la kɔ̀tɔ̀ o lì kpèeyà o eŋge mbowà ndɛɛndɛ aŋga nanù wɔ̀ hwa o laa hwehvùma ema hwe gbeyà hwatò hwa hwɛ o lòŋgɛ natɛ̀ɛ na o gbìndèyà.

Hwèwulùwèlì 22:19

È hwèlì tɛ nanù ema mòtò a kako tɛ tɔ̀ eyà ema e ma tìlahwɛ o tenì ya ene kààtì lì hvomɛ̀nɛ̀ hweyà ema hwe o gbèyɛ̀nɛ, Lohwɛ̀ a o kakòhwà lòŋgo la eni la hwehvùma ema hwe gbeyà mòtò o lì hwɛ o lòŋgɛ natɛ̀ɛ na o gbìndèyà. Ndeŋgànɛ̀lɛ̀ Lohwɛ̀ a o kakòhwà ehvolo ya eni o tenì ya e mbowà ndɛɛndɛ ya wòtani. Hwene hweyà ndi hwe tìlahwì o tenì ya ene kààtì.

Hwèwulùwèlì 21:24

Hwàto hwa arzɛ hwa e rze ya mɔ̀nyɛ̀, hwa o gbeyàna moŋgo ŋmàye o lì gbeyà hweyà hwe awu ema hwa àŋgàmɛ̀nɛ̀ lì gbeyà wùnyà tɛ. Ikìŋgɛ ja e rze ya mɔ̀nyɛ̀ jo o jànà mònàmɛ̀ mo awu o eŋge mbowà ndɛɛndɛ.

Hwèwulùwèlì 21:21

Lìyome la màwòhva na mahwakɛ ma mà hwɛ ndi lìyome la màŋyàyi ma wòlìto na mahwakɛ, tɔ̀ ima lìyohva la kɔ̀tɔ tɛ lì ma wekahwa ndi na lìŋyàyi lɔ̀kɔ la wòlìto. Mòombò ema mo ma akeyà o tenì ya eŋge mbowà ndɛɛndɛ mo ma hwɛ ndi gòòlù ema a rza hwɛnɛ mbindo o tenì ema e ma hwɛ lì hvànya.

Lukàrzɛ̀ 4:18

“Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.