Hwèwulùwèlì 22:12 - Mokpwe: Bakwery (New Testament)

¹² Yerzù a ohwi nanù ema, “È ɔŋgɛ tɛ, na ja ŋmanà mbɔ̀, o lì rzaweyà tɔ̀ ima mòtò lì wowàna èwòlò ema mɔ̀ à gbèyi.

Hwèwulùwèlì 22:12 Referans Kwoze

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

1 Kɔ̀rintìyà 3:14

È hwèlì tɛ ema, èwòlò ema, è mògbèèlì à gbèyi, è ò karzòlɛ̀ mòŋgo mùnya, è mògbèèlì à ò lùwa jàhwèyà.

1 Kɔ̀rintìyà 3:8

È mòtò ema a ona na e mɔ̀ ema a hvahva malìhwa hwà gbeyà ndi èwòlò yɔ̀kɔ mɛnɛ. Lohwɛ̀ a o hwa teŋgɛ̀nɛ̀ o èwòlò ya awu ema hwa gbèyi.

Hwèwulùwèlì 22:7

Yerzù rzìi a ohwa nanù ema, “È ɔŋgɔ tɛ, imba na jà ŋmanà mbɔ̀. Mònàmɛ̀ mo hwèlì na hwatò ema hwa ikayi hweyà ema hwe tìlahwì o tenì ya ene kààtì, hweyà ema hwe o gbèyɛ̀nɛ o nàŋgɛ na e hvonda ema e o jɛ̀ɛ̀.”

Ròmànì 14:12

O èŋgànɛ̀lɛ̀ rzɔ, irzɔ hwa arzɛ i hwɛnì lì tɛ̀meya Lohwɛ̀ ò wòrzò, ò lì mò òhweyà mamɛ ya arzɛ ema irzɔ i ma gbeyɛ.

Hwèwulùwèlì 11:18

Hwàto ema hwa rza ò gbèeyà hwa mà tatà ehwànja hwètàtò hwe aŋgɔ hwe màyìmbì hwe mà jà. È hvonda è mà uka ò lì kàyìrzɛ hwatò ema hwa ŋwelì. È hvonda è mà uka ema hwàgbèèlì hwa aŋgɔ, hwà-òhwèlì hwa hwèlìŋgɛ̀, nà hwatò hwa aŋgɔ hwa ò gbèeyà ema hwa ò ŋgba èluhwe, hwatò hwa arzɛ, tɔ̀ hwatò ema hwa hwèlì wòlìto tɔ̀ hwa rza hwɛnɛ wòlìtò, ò hwa rzàweyà. Ò eŋge hvonda ndi o ò hvaŋga hwatò ema hwa hvàŋga hwatò ò è rze yà mɔ̀nyɛ̀!”

Hwèwulùwèlì 20:12

Aŋga ndi nà mà ɛnɛ hwatò ema hwa mà màa lì ŋwa, hwatò ema hwa hwèlì wòlìto nà hwaŋga ema hwa rza enje wòlìtò, hwa tɛ̀mì ò worzò wò eŋge kònda yà lìkànèyà. È kààti ema Lohwɛ̀ à mà tile hwɛ̀ɛ̀mɛ̀ hwe awu ò tenì, hwa mà è lìhvowa, ndèŋgànɛ̀lɛ̀ ehvɛhvɛ è mà lìhvowàhwa. Èŋge ndi è mà ohva mìinà mà hwatò ema hwa ò hwɛ̀ɛ̀ nà Lohwɛ̀ natɛ̀ɛ nà ò gbìndèyà. Lohwɛ̀ à ò kàyìrzɛ̀ hwatò ema hwa mà ŋwɛ̀ɛ̀, lì wowàna hwɛ̀ɛ̀mɛ̀ hwe awu nà oma è tìlahwì ò tenì yà eŋge kààti.

Hwèwulùwèlì 22:20

È mɔ̀ ema a tɛmi e mbòŋgi ya hwene hweyà hwe arzɛ a ohwi nanù ema, “Ò jɔ̀kɛ̀, na o jà ŋmanà mbɔ̀.” Inyɛ̀ wo lìya nanù, jà, ìi Rzàŋgo Yerzù.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.

Hwèwulùwèlì 3:11

Nà ò jà ŋmàna mbɔ̀, è ika ndi mèèmà mè anyu nà imba nanù mɛnɛ, aŋga nanù tɔ̀ mòtò tɔ̀ mɔ̀kɔ à rza tànɛ lì wòwa ììtàŋgi yà anyu.