Hwèwulùwèlì 21:9 - Mokpwe: Bakwery (New Testament)

⁹ Aŋgèlì hvɔ̀kɔ ya lìŋgi lìrzamba la aŋgèlì ema i ma ohva lìrzamba la hwèwoki ema hwe ma ondìrzɛ̀hwɛ na ikàndɛ lìrzamba ja lìrzùkù, e ma ja rzìi e no òhweyà nanù ema, “Jà, na o uŋmɛ̀lɛ̀ mɔ̀ɔ̀mbì, e jòjìyɛ̀ ya e Ŋgumà ya Mɔ̀lɛ̀ŋgù.”

Hwèwulùwèlì 21:9 Referans Kwoze

Hwèwulùwèlì 21:2

Aŋga ndi nà à ɛnɛ e mbowà ndɛɛndɛ ya wòtani, e Jèrurzalɛ̀mù hvènya e uwɛ̀lɛ̀lɛ̀yi o ma Lohwɛ̀ o ŋmanyu yà lohwà. Lohwɛ̀ à mà mo rzekeya ndi nà oma hwalana hwa rzekeya mɔ̀ɔ̀mbì ema mo ɛndɛ o lìhwa.

Hwèwulùwèlì 19:7

Inyɛ̀ irzɔ jo oke mɔ̀nyɛ̀ŋgì rzayi-rzayi, ndèŋgànɛ̀lɛ̀ jo a ohwa nanù ema jo oki mɔ̀nyɛ̀ŋgì na o lì mo eka, ehwànja lìrzako la lìhwa la ama e Ŋguma ya Mɔ̀lɛ̀ŋgù lì ma uka, ndeŋgànɛlɛ mɔ̀ɔ̀mbì mo eni mo mà màa lì wòŋgìrzɛ̀nɛ̀.

Hwèwulùwèlì 17:1

Mɔ̀kɔ wa iŋgi aŋgèlì lìrzàmba ema i ma ohva hwewoki lìrzàmba e no jèeya rzìi e no ohweyà nanù ema, “Jà ono, na uŋmɛ̀lɛ̀ nɛ e molanà wa àkpàlà ndɛnɛ a o kɔ̀kìrzɛ̀hwɛ̀. Oŋgo molanà wa àkpàlà ema a lìya o mbowà ndɛɛndɛ ema e hwèlì o toŋgoŋgo ya rzayi-rzayi ja meyorzo.

Hwèwulùwèlì 1:1

Ène kààtì e ohwa ndi lì hvomɛ̀nɛ̀ hweyà ema hwe o gbèyɛ̀nɛ ema Yerzù Krirztò a gbèyi ndèŋgànà hwe o e hwiyɛnɛ. Lohwɛ̀ à mà mo ŋgba hwene hweyà nanù ema hwe hwiyɛnɛ aŋga nanù mɔ̀ à uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ. Krirztò à mà gbeyà e mògbèèlì wa eni Yòwanìrzɛ̀ o lì hwiye hwenè hweyà na oma à mà mo òmeya e aŋgèlì ya eni.

Hwèwulùwèlì 21:17

Èŋge aŋgèlì e ma mɛnɛ hvɛ lìkàrzàma la eŋge ŋgawo, lì ma hwɛ meni mòtohwa me mɛta, mɔ̀ à mà gbeyàna lìmɛni ema hwatò hwa arzɛ hwa gbeyàna.

Hwèwulùwèlì 22:1

È aŋgèlì rzìi e no uŋmɛ̀lɛ̀ morzo mo malìhwa ema mo gbeyà mòtò a hwɛ lòŋgɛ natɛ̀ɛ na o gbìndèyà, ndèŋgànɛ̀lɛ̀ mo uŋmɛ̀lɛ̀ ndi ŋgɛyi-ŋgɛyi nàa lìyɛni. Maŋga malìhwà ma mà uwɛ̀lɛ̀lɛ̀yi ndi o e konda ya lìkànèyà la ama Lohwɛ̀ na e Ŋgumà ya Mɔ̀lɛ̀ŋgù,

Hwèwulùwèlì 22:6

È aŋgèlì rzìi e no òhweyà nanù ema, “Hwene hweyà ema na o ohweyà hwe hwèlì ndi e jɔ̀kɛ̀ o eŋgànɛlɛ e àŋgàmɛ̀nɛ̀ lì hwe lòkɛ̀. È Rzàŋgo, Lohwɛ̀ ema a ŋgbàà hwà-òhwèlì hwa hwèlìŋgɛ̀ elìŋgɛ̀ ya eni, aŋga nanù hwa ohwa ŋmɛ̀ndì mo eni, mɔ̀ à mà oma e aŋgèlì ya eni o lì uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ̀.”

Hwèwulùwèlì 22:17

Èlìŋgɛ̀ ya ama Lohwɛ̀ nà Mɔ̀ɔmbì hwa ohwa nanù ema, “Jà.” Tɔ̀ njɛnɛ ema a hweyi ene eyà mɔ̀ hvɛ a ohwa nanù ema, “Jà.” Tɔ̀ njɛnɛ ema a hwɛni nyìrzɛ ya malìhwa inyɛ a jèe a nyɔ malìhwa emà mà gbeyà hwatò hwa hwɛ o lòŋgɛ natɛ̀ɛ na o gbìndèyà. Tɔ̀ njɛnɛ ema a arzi manù malìhwa à mà luwa ŋgundu.