Hwèwulùwèlì 21:4 - Mokpwe: Bakwery (New Testament)

⁴ A o hwa titowa tɔ̀ ima mirzɔ̀lì o mìrzɔ ma awu. O rza o hwɛ hvɛ tɔ̀ kpelì, tɔ̀ lì ehwɛ, tɔ̀ luwa, tɔ̀ mòrziyò. È o hwɛ ndi nanù ehwànja hweyà hwe mbolowa hwe ma aka.”

Hwèwulùwèlì 21:4 Referans Kwoze

Hwèwulùwèlì 7:17

Èhwànja e Ŋguma ya Mɔ̀ɔ̀lɛ̀ŋgù ema e hwèlì o ìtììtènì ja hwèlìyelì hwe lìkànèyà, mɔ̀ ŋmìti ndi mo hwa ɔŋgeya. Mɔ̀ a o hwa timba o hwètùŋgu ema hwe ŋgbàa lòŋgɛ. Ndèŋganɛlɛ Lohwɛ̀ a o hwa titowa tɔ̀ ima lìrzɔ̀lì o mìrzɔ̀ ma awu.”

1 Kɔ̀rintìyà 15:26

È mɔ̀kɔ̀yèlì wa lìrzukù ema a hwɛnì lì hvaŋgahwa a hwèlì ndi e kpelì.

1 Yòwanìrzɛ̀ 2:17

Ène rze na tɔ̀ mamɛ ema e hwèlì o tenì ema hwatò hwa ohvi e nyɔ̀ŋgi o lì luwa ya aka lì aka, ndi tɔ̀ njɛnɛ ema a gbeyà lì emeyà la ama Lohwɛ̀, a o hwɛ o lòŋgɛ na Lohwɛ̀ natɛ̀ɛ na o gbìndèyà.

Matiyò 24:35

È ŋmanyu nà è rze hwe ò kùwa lì aka ndi hweyòhwèlì hwe ami hwe ò hwɛ ò i hvònda ja arzɛ.

Hwèwulùwèlì 21:1

È hvonda ema hwèkàyìrzèlèlì hwe ma akɛlɛhwɛ ɔndi nà à ɛnɛ e ŋmanyu yà lohwà hvènya nà e rze ya mɔ̀nyɛ̀ hvènya. È ŋmanyu yà lohwà na e rze ya mɔ̀nyɛ̀ ema hwe ma loma lì hwɛ hwe mà nyɔ̀ŋgɔ̀, ndèŋgànɛ̀lɛ̀ ŋmàanja hvɛ mo mà nyɔ̀ŋgɔ̀.

Hwèwulùwèlì 20:14

È kpelì nà èkomè yà hwatò ema hwa mà ŋwɛ̀ɛ̀ hwa mà komàhwa ò tenì yà yùlu yà mùnya. Ène kpelì yà yùlu yà mùnya è hwèlì ndi kpelì yà hwèlìŋgɛ̀.

Hwèwulùwèlì 22:3

Tɔ̀ mamɛ ema Lohwɛ̀ à mà jemɛ e rza o hwɛ o tenì ya eŋge mbowà ndɛnɛ hvɛ. È konda ya lìkànèyà ya ama Lohwɛ̀ na e ya ama e Ŋgumà ya Mɔ̀lɛ̀ŋgù jo o hwɛ o tenì ya eŋge mbowà ndɛnɛ. Ndeŋgànɛ̀lɛ̀ hwàgbèèlì hwa ama Lohwɛ̀ hwa o mo kanɛ̀.

2 Pètrò 3:10

Ndi wùùnya ema è Rzàŋgo è ò jɛ̀ɛ̀, à ò jà ndi hvàkàlà nà oma è ŋmìhwɛ à jà. Ò woŋgo wùnyà, lìwòhwɛ̀ là ŋmanyu lì o nyɔ̀ŋgɔ nà mɔ̀tɔ̀wù mondɛnɛ. Hwèèmà hwe arzɛ ema hwe hwèlì ò lìwòhwɛ̀ là ŋmanyu hwe o rzèeyà, ndeŋgàna hwe nyɔ̀ŋgɔ. Rzìi è rze nà tɔ̀ mamɛ ema è hwèlì ò tenì hwe ɔhvɛ hwe rzèeyà nà lì nyɔ̀ŋgɔ.

1 Kɔ̀rintìyà 7:31

Hwatò ema hwa gbeyàna hwèèmà hwe ene rze ya mɔ̀nyɛ̀, wɔ̀ hwa rza ika mèèmà me awu aŋga. Èhwanja na oma ene rze e hwèlì nanù, e rza inda tii.

2 Kɔ̀rintìyà 6:17

Rzàŋgo à mà òhwèyà hwatò hwa eni nanù ema, “O èŋgànɛ̀lɛ̀ rzɔ, inyɔ e lìya, e a akakowanɛ na hwaŋga hwatò ema hwa rza no lòkɛ̀yi. È rzi keka lì hwɛnɛ tɔ̀ eyà o lì gbeyà na hweyà hwe wòhwe ema hwa gbeyà. Àŋga nanù imba na e emeyà nàa hwàanà hwa ami.

2 Kɔ̀rintìyà 5:17

O èŋgànɛ̀lɛ̀ rzɔ, tɔ̀ njɛnɛ ema a hwèlì mɔ̀kɔ na Krirztò a hwèlì ndi ewèkèlì hvènya. Hwègbèèlì hwe eni hwe arzɛ hwe koohwa hwe ma aka, ndèŋgànɛlɛ a hwɛni ndi hwègbèèlì hwe hvènya hwe arzɛ nàŋgɛ.

Hibrù 12:27

Nà oma à mà ohwe nanù ema, “Nànù mɛnɛ,” e jo uŋmɛ̀lɛ̀ nanù ema Lohwɛ̀ a o ulɛ hwèèmà hwe arzɛ ema hwe ma nyiŋga o rze. Hweŋge hwèèmà hwe hwèlì ndi hwèèmà ema à mà wèkè. A o gbeyà nanù aŋga nanù hwèèmà ema hwe rza o nyiŋga hwe o lìiya.

Hwèwulùwèlì 20:13

Hwàto ema hwa mà ŋwèeyà ò tenì yà ŋmànja, hwa mà ɛndɛ ò mà Lohwɛ̀ aŋga nanù à hwa kàyìrzɛ̀. Ndeŋgànɛlɛ hwanɛyi hwatò ema hwa mà ŋwɛ̀ɛ̀ ema hwa hwèlì ò èkomè yà hwatò ema hwa mà ŋwɛ̀ɛ̀, wɔ̀ hvɛ hwa ò tɛ̀mɛ̀ ò worzo wò ama Lohwɛ̀ aŋga nanù mɔ̀ à ò hwa kàyìrzɛ̀ lì wowàna hwɛ̀ɛ̀mɛ̀ hwe awu.