Hwèwulùwèlì 21:21 - Mokpwe: Bakwery (New Testament)21 Lìyome la màwòhva na mahwakɛ ma mà hwɛ ndi lìyome la màŋyàyi ma wòlìto na mahwakɛ, tɔ̀ ima lìyohva la kɔ̀tɔ tɛ lì ma wekahwa ndi na lìŋyàyi lɔ̀kɔ la wòlìto. Mòombò ema mo ma akeyà o tenì ya eŋge mbowà ndɛɛndɛ mo ma hwɛ ndi gòòlù ema a rza hwɛnɛ mbindo o tenì ema e ma hwɛ lì hvànya. Gade chapit la |
Hwèwulùwèlì 21:21
10 Referans Kwoze
Oŋgo molanà à mà wɔ̀tɔ̀ lìhwatu là màlenà ema lì ma ohva hvɛ mɔ̀rzɔ̀nɔ̀ ema mo teya. A ma ahwàndɛ e nyo ya eni ya arzɛ na hwema hwe gòòlù, na hwàanà màŋyàyi ma wòlìtò ema mà hvànya, na hwehvɛhvɛ hwema hwe wòlìtò. A ma tɛ̀ɛ̀tɛ̀ɛ lìwonde la gòòlù o lìya la eni ema lì ma onda na hwèèmà hwe ndɔ̀ki na hwema hwe mbindo hwe mòrzònje.
mo ma ɔ̀ndeya ndi o tenì ya moombo mo e mbowà ndɛnɛ. O ma hwɛ nyayi hvɔ̀kɔ ya gbee o tɔ̀ ima rzàawà ya mono morzo ema wo ma ŋyàa hwehvùma ema hwe gbeyà mòtò o lì hwɛ lòŋgɛ natɛ̀ɛ na o gbìndèyà. Màŋga màyi ma mà ŋyàa lìyome la nyayi na mahwakɛ ma hwehvùma, ndèŋgànɛ̀lɛ̀ ŋgbɛndɛ tɛ ma mà ŋyàa hwehvùma. Hwàto hwa e rze ya mɔ̀nyɛ̀ hwà mà hwɛ lì gbeyàna hweyàlì hwe manù màyi o lì luwa hwetune hwe awu.
Hwa hwèlì hwa tɛ nanù ema, “Jiyeyi, jiyeyi, o wa ene mbowà ndɛɛndɛ, ema o ma hwɛ lì wɔ̀tɔ̀ mààtu ma gbamù ema mà kɔ̀lɔhwi na hwèrzànjà hwe gbamù ema hwe hwɛ̀lɛ̀hwɛ̀ nanù ema lìniyɛni, ndèŋgànɛ̀lɛ̀ o wɔ̀ti màlena, na e mɔ̀ ema mà teeya rzayi-rzayi. O wa ema o ma hwɛ lì wɔ̀tɔ̀ hwèèmà hwe gòòlù, hwèèmà ema hwe wèkahwì na hwàanà màŋyàyi ma wòlìtò emà mà hvàànyà, na hwahvɛhvɛ hwàanà màŋyàyi emà mà andawa na wolì ema wo koki, emà mà hwɛ̀lɛ̀hwɛ̀ nanù ema pɛ̀ɛlì.
Piblisite