Hwèwulùwèlì 20:3 - Mokpwe: Bakwery (New Testament)

³ È aŋgèlì rzi è mò aŋgba ò tènì yà ehvɔ̀ndi ema è rza ohvɛ lìrzùkù. Rzìi e umba a e jeka o ŋmanyu ya eni o lì mo tɛ̀mìrzɛ̀ nanù ema a rza lukɛlɛ hwatò hwa e rze ya mɔ̀nyɛ̀ hvɛ, natɛ̀ɛ ikolì ja meya jo o kuwa. O mburzà nanù a àŋgàmɛ̀nɛ̀yi lì rzolowahwa o ŋmanà hvoka ya hvonda.

Hwèwulùwèlì 20:3 Referans Kwoze

Hwèwulùwèlì 20:1

Nà oma oŋgo mòtò à mà rzùùwànè hwàkɔ̀yèlì, rzìi nà ɛnɛ aŋgèlì ema è mà uwɛ̀lɛ̀lɛ̀yi ò ŋmanyu yà lohwà è rzìhwa, è mà ohva ìlìhvòwànì jà ehvɔ̀ndi ema è rza ohvɛ lìrzùkù. È mà tɛtɛ hvɛ ŋgɔ̀kɔ̀hwi ndɛnɛ ema è mà hwɛnɛ mòrzimbɔ̀.

Hwèwulùwèlì 17:8

È nyàmà yà wòhwe ema ò ɛ̀neyàyi è mà lòma lì hwɛ lòŋgɛ, ndi ò nàŋgɛ è rza enje lòŋgɛ. È ò uwɛlɛlɛyi ndi ò ehvɔ̀ndi ema è rza ohvɛ lìrzùkù rzi è ɛndɛ ò èki ema hwa ò è oŋwa. Hwàto ema hwa lìya ò rze yà mɔ̀nyɛ̀ ema lìwòteyà hwèwèkelì hwe ene rze Lohwɛ̀ à rzi tilɛ mìinà mà awu ò tenì yà è kààtì ema è ohvi mìinà mà hwatò ema hwa lùwa lòŋgɛ ema lì rza kuwa, hwa mà tàmà. Hwa mà tàmà ò lì ɛnɛ è nyàma yà wòhwe ema è mà hwɛ lòŋgɛ, rzìi è rza enje lòŋgɛ ndèŋgànɛ̀lɛ̀ è ò hwɛ ò lòŋgɛ hvɛ.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Matiyò 27:66

O èŋgànɛ̀lɛ̀ rzɔ, wɔ̀ hwà mà ɛ̀ndɛ rzìi hwa ika embànèlì ò lìŋgi lìŋyàyi ema lì ma ikawa ò lì keka e wàna ya eŋge rzɔ̀ŋgɔ̀, aŋga nanù hwa hwiya ŋga mòtò a lìhvò eŋge rzɔ̀ŋgɔ̀. Hwà mà lìya hwaànelì wa njuma aŋga ò lì ɔŋgeya eŋge rzɔ̀ŋgɔ̀.

2 Kɔ̀rintìyà 11:3

Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.

2 Pètrò 3:8

Imbùnda ja ami kòkò, e rzi hvoŋgà ene eyà ya awɔ̀kɛ, o rza enje tɔ hwètìkòwèlì o mirzɔ̀ ma ama e Rzàŋgo lì hvomɛ̀nɛ̀ wùnyà wɔ̀kɔ na ikolì ja meya. O mɔ̀ hwe ahwàkɛ, hwe hwèlì ndi nyayi hvɔ̀kɔ.

Hwèwulùwèlì 17:2

Ikìŋgɛ ja arzɛ ja ene rze ima gbeyà mòrzònje na mɔ̀. Hwàto hwa e rze ya mɔ̀nyɛ̀ hwà mà hwɛ lì nyɔ oŋgo molanà mìimbà ma eni natɛ̀ɛ hwa woma, ndèŋgànɛ̀lɛ̀ hwà mà gbeyà mòrzònje na mɔ̀.”

Hwèwulùwèlì 13:14

Ò nyòla yà hweyà hwe mànyaka ema à mà ŋgbààhwe è wònjà ò lì gbeyà, eŋge èembe yà worzo, yɔ̀ à mà lùkɛ̀lɛ̀ hwatò hwa è rze yà mɔ̀nyɛ̀. Ndeŋgànɛ̀lɛ̀ mɔ̀ à ma hwɛ ndi lì gbeyà nanù ò worzo wò eŋge èembe ema è mà ohva èhwènà ndɛnɛ. À mà òhweyà hwatò nanù ema hwa wondɛ èrzìrzà ema wɔ̀ hwa ò kanɛ̀, ema è àyɛ̀kɛ̀nɛ̀ eŋge èembe ema è mà ohva èhwènà yà rzɔ̀lɔ̀ ndi tɔ̀ nanù è e hwèlì lòŋgɛ.

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Makòrzì 4:15

Lòŋgò là hwatò hwa gbèyi ndi nàa ì hvɔ̀ŋgɔ̀ ema ì mà unda ò njìya. Hwa hweyi tɛ Èya yà Lohwà lìwòkìmɛnɛ Mòkarzɛ̀ à jà à è ulɛ̀ ò mèèmà mè awu.

Lukàrzɛ̀ 8:31

Hwèŋge hwèlìŋgɛ̀ hwe wòhwe rzìi hwe rzòrzòmeya Yerzù nanù ema à rzì hwe undirzɛ ò tenì yà èhvɔ̀ndi ema e rza òhvɛ̀ lìrzukù.