Hwèwulùwèlì 19:8 - Mokpwe: Bakwery (New Testament)

⁸ Èhwànja à mà tanɛyi, Lohwɛ̀ à mà mo ŋgbàà e wònja o lì wɔ̀tɔ̀ màatù emà mà kɔ̀lɔhwi na lìhwatu la gbamù ema lì hwɛ̀lɛ̀hwɛ̀ nanù ema lìniyɛni. Lì hvàànyà ndèŋgànɛ̀lɛ̀ lì rzàŋgi.” Lìŋgi lìhwatu la gbamù lì hwèlì ndi nàa hwèèmà ema hwatò hwa Lohwà hwa gbeyà ema Lohwɛ̀ a lìŋgàni.

Hwèwulùwèlì 19:8 Referans Kwoze

Hwèwulùwèlì 3:18

Nà e kòkòwɛ̀lɛ̀ o lì no àndana e gòòlù ema e ma akɛlɛhwɛ o tenì ya mùnya, aŋga nanù e timba hwèwàŋgì. Nà e kòkòwɛ̀lɛ̀ o lì no àndana lìhwatu la mbɔ̀mi ema e wɔ̀tɔ̀, aŋga nanù irzɔ̀ni ema morzombo mo anyu mo jànà mo rza o ɛnɛhwɛ. Ndeŋgànɛ̀lɛ̀ e no àndane lìyɔ̀ki ema e tuka o mìrzɔ ma anyu aŋga nanù e ɛnɛ.

Ròmànì 13:14

Inyɛ̀ e hwɛnɛ ɛ̀ɛ̀mɛ̀ ya ama e Rzàŋgò Yerzù Krirztò. È hwɛmɛ lì alɛ̀mbɛnɛ la anyu la hweyà hwe e nyàmà nyò. È rzi keka lì gbeyà na òma e nyàmà nyò ya anyu ema ye e kànèyà ò lì gbeyà wòhwe e arza.

Makòrzì 9:3

È mbɔ̀ti yà èni è mà tìmba ndì mbɔ̀mi yà ŋmàye mò rzɛ̀ŋgɛ-rzɛ̀ŋgɛ lì aka nà lìmɛ̀nì. È ma tana lì aka wòtani wò jòwa ja kɛlɛndɛndɛ, ema tɔ̀ mòtò wa anù rze a rza tanɛ lì rzàŋgirzɛ.

Matiyò 22:12

À mà mò ijòwa nanù ema, ‘Ìi mbunda wa ami, nɛ ò wa ò kpɛlɛlɛyi anù òma ema ò rza wɔtɛ lìhwatù la lìhwa e?’ Oŋgò mòtò a rza òhve tɔ̀ eyà ya lì òhwa.

Hwèwulùwèlì 15:4

Ìi Rzàŋgo, njɛnɛ a rza o oka wɔ̀ŋgɔ̀ e? Njɛnɛ a rza o ŋgba èluhwe e? O wà witi mɛnɛ ndi o hwèlì wòtani. Hwàto hwa hwèkòmè hwe arzɛ hwe e rze ya mɔ̀nyɛ̀ hwa o jà o lì o kànɛ. Èhwànja hwègbèèlì hwe aŋgɔ hwe ehve-ehve hwe ma wulùwahwà.”

Hwègbèèlì 1:10

Hwà-òkòwèlì hwa mà lìmeyà ò lì mò ɔŋgɔ̀ nà òma à mà agba ò ŋmanyu, lìwòkimɛnɛ wunyanà hwahwàkɛ ema hwa mà wɔtɔ̀ mbɔ̀mi hwa hwà wurzeya, rzìi hwa hwà tɛ̀meyà ò tòŋgòŋgò yà awu.

Lukàrzɛ̀ 24:4

Hwa mà wòteya lì lùteya mamɛ e ma gbèyɛnɛ nà mòŋgò ŋmìmbà. Lìwòkìmɛnɛ wùnyànà hwàhwàkɛ̀ ema hwà mà wɔtɔ̀ mbɔ̀mi ja ŋgɛ̀ŋgɛ̀lɛ-ŋgɛ̀ŋgɛ̀lɛ, hwa mà hwa wurzeya.

Ròmànì 3:22

Èŋge ŋgàna e hwèlì ndi nanù ema, tɔ̀ ima mòtò ema a lòkɛ̀ Yerzù Krirztò mɔ̀ ndi à tɛmi ehve-ehve. O rza enje tɔ̀ tìŋgɛ̀ ema mòtò a hwèlì ndi wònyà Yudà tɔ̀ a rza enje wònyà Yudà.

Matiyò 17:2

Aŋga rzɔ ndi Yerzù à mà atikòwɛ ò wòrzò wò awu, wòrzò wa eni wò ma hvànya ndi nàa igbèyi, lìhwatù la eni hvɛ lì ma ayèŋgòwɛ̀ mbɔmi yà ŋmàye mò rzɛŋgɛ-rzɛŋgɛ.

Hwèwulùwèlì 15:6

O tenì ya eŋge ndawò yà Lohwà o ma wurza lìrzamba la aŋgèlì ema i ma tɛtɛ ikàndɛ lìrzamba. Hwà mà wɔ̀tɔ̀ màatù ma mbɔ̀mi emà ma mà hvànya, Hwà mà kàkà hvɛ ŋgolì ja gòòlù o iŋgèŋgè ja awu.

Hwèwulùwèlì 19:14

Hwàànelì hwa njuma hwa e ŋmanyu yà lohwà hwà mà wɔ̀tɔ̀ mààtu ma gbamù emà ma mà kɔ̀lɔ̀wɔ̀ ndi na erzanja ema e hwɛ̀lɛ̀hwɛ̀ nanù ema lìniyɛni, hwe ma hwɛ ndi mbɔ̀mi ndèŋgànɛ̀lɛ̀ hwe ma rzàŋga. Hwà mà lìya o ŋmanyu ya iwɔ̀rzi ema i tana ndèŋgànɛ̀lɛ̀ hwà mà hwɛ lì mo oŋgama.