Hwèwulùwèlì 18:2 - Mokpwe: Bakwery (New Testament)

² È mà tɛ nà lìlo lì kàrzàmi nanù ema, “È mà rzuuhwa, Babìlɔ̀nì, è mbowà ndɛ̀ɛ̀ndɛ̀ è rzùùhwi! È mà timba ndi è mbowà ya hwèlìŋgɛ̀ hwe wòhwe, èki ema hwèlìŋgɛ̀ hwe arzɛ hwe mbìndò hwe hwèlì, na èki ya hwenɔ̀ni hwe mbìndò ema hwatò hwa kɔ̀ɔ.

Hwèwulùwèlì 18:2 Referans Kwoze

Hwèwulùwèlì 14:8

È aŋgèlì ema è mà ùkirzɛ̀ ihwàkɛ, è mà oŋgama è yà worzò rzìi è ohwa nanù ema, “Èŋge Mbowà ndɛ̀ɛ̀ndɛ̀, Babìlɔ̀nì è mà kòna! È mà gbeyà hwatò hwa arzɛ hwa hwèkòmè hwe arzɛ hwe è rze yà mɔ̀nyɛ̀ ò lì nyɔ̀ mììmbà mà eni ema mà eti. Maŋga mìmbà ma mà hwɛ ndi è nyɔ̀ŋgi yà eni ò lì hwɛ è àkpàlà.”

Hwèwulùwèlì 18:21

Aŋgèlì ndɛnɛ rzìi e anjilɛ lìŋyàyi lì ndɛnɛ ema lì ma akɛnɛ lìŋyàyi lì ndɛnɛ ema hwa gbeyàna o lì nyuka hwènyɔ̀ɔ̀nì hwe hwehvùma, rzìi e lì undirzɛ o tenì ya ŋmànja, rzìi a ohwa nanù ema, “Nànù ndi hwa o undirzɛ e mbowà ndɛɛndɛ ya Babìlɔ̀nì o rze na mòhvùŋgu, ndeŋgànɛlɛ hwatò hwa rza o e ɛnɛhwɛ hvɛ.

Hwèwulùwèlì 18:10

Hwa o tɛ̀mɛ̀ hvoo ehwànja hwa oka wɔ̀ŋgɔ̀ nanù ema wɔ̀ hvɛ hwa o taka na oma mɔ̀hvɛ a taka. Ndeŋgànɛ̀lɛ̀ hwa o tɛ nanù ema, “Jiyeyi, jiyeyi, ene mbowà ndɛɛndɛ ya màyìmbi, Bàbìlɔ̀nì, o hvoka ya awa hvɔ̀kɔ mɛnɛ ɔndi o lu e kɔ̀kìrzɛ̀ nanù e?”

Hwèwulùwèlì 17:18

È molanà ema ò mà ɛnɛ à hwèlì ndi è mbowà ndɛ̀ɛ̀ndɛ̀ ema è kànèyà ikìŋgɛ jà è rze yà arzɛ.”

Hwèwulùwèlì 17:5

O ma hwɛ lìna o mbɔ̀mbɔ̀ ya eni ema e ma hwɛ ndi nàa wùndɛ̀ ema tɔ̀ mòtò a rzi hwiyɛ. Lìŋgi lìna lì ma hwɛ ndi, “Bàbìlɔ̀nì, e mbowà ndɛnɛ. È nyàŋgo ya hwalana hwa àkpàlà, na e hwa hwèèmà hwe ndɔ̀ki hwe e rze.”

Hwèwulùwèlì 16:19

Aŋga ndi è mbowà ndɛ̀ɛ̀ndɛ̀ yà ŋginyà yà à kàndeya moŋgo mayawò. Ndeŋgànɛlɛ màmbowà mà ndɛ̀ɛ̀ndɛ̀ mà arzɛ mà hwèkòmè hwe arzɛ hwe è rze yà mɔ̀nyɛ̀ ma mà rzùùwa. Lohwɛ̀ à mà ɔ̀ŋgɛ̀lɛ̀ mbowà ndɛnɛ yà ŋginyà, Babìlɔ̀nì, rzìi mɔ̀ à gbeyà nanù ema hwatò ema hwa hwèlì ò eŋge mbowà ndɛnɛ hwa ò luwa kɔ̀kìrzɛ̀ yà lì nyɔ mììmbà mà eni mà hwètàtò hwe eni hwe ndɛnɛ.

Hwèwulùwèlì 16:13

Rzìi na ɛnɛ hwèlìŋgɛ̀ hweyàwò hwe wòhwe, ema hwe ma akɛnɛ hwètɔ̀lɔ̀lɔ̀ hwe ma hwɛ lì wurza. Hweŋge hwèlìŋgɛ̀, yɔ̀kɔ e ma wurza o e wàna ya e dragɔ̀ni, yɔ̀kɔ e ma wurza o e wàna ya eŋge èembè ema e ma uwɛlɛlɛ o ŋmànja, ndèŋgànɛ̀lɛ̀ inɛyi jɔ̀hvɛ i ma wurza o e wàna ya e mòòhwèlì wà èlìŋgɛ̀ wa mòlàŋgà.

Hwèwulùwèlì 14:15

Èhvɛhvɛ aŋgèlì rzìi e wurza o tenì ya e Ndawò ya Lohwà rzìi e arzàrzòwɛ na lìlo lì kàrzàmi o e mɔ̀ ema à mà lìya o ŋmanyu ya lìŋgi lìmbàki nanù ema, “Wowa luwɛ̀ndi la lìŋgɔtɔ̀ la aŋgɔ o hvàte e mbota, èhwanja e hvonda ya lì hvàte e mbota e ma uka, e mbòta ya e rze ya mɔ̀nyɛ̀ e ma oŋwa.”

Hwèwulùwèlì 10:3

Rzìi à tɛɛ nà lìlo ema lì kàrzàmi nàa njilà ndi è rziŋga. Ò mburzà hwètɛ̀ɛ̀lì hwe eni, màlo mà lìrzamba là ŋgalà lohwà ma mà rzìŋga.

Hwèwulùwèlì 5:2

Ndèŋganɛlɛ, nà ma ɛnɛ aŋgèlì ya màyìmbì e ohwa na lìlo ema lì kàrzàmi nanù ema, “Njɛnɛ a kànɛyi o lì gba mene mèjèkà rzìi a lìhvowa ene kààti ema e lìŋgɛ̀lɛ̀hwɛ e?”

Hwèwulùwèlì 1:15

Matàŋgà mà eni ma mà ɛneya ndi nàa ɛ̀ɛkɛ̀ ema e hwɛ̀lɛ̀hwɛ̀ nanù ema brɔ̀nrzi, ema e ikahwi o mùnya rzìi e a ɛnɛ o a ɛnɛ oma e mɔ̀tɛ̀lɛ̀, ndèŋgànɛ̀lɛ̀ lìlo la eni hvɛ lì ma rziŋga ndi nàa màlìhwa emà mà rzihwa o lìyohwa.

Hwèwulùwèlì 11:8

Ŋmìimbà mè awu mè o nàŋga o moombo ema mo akeyà e mbowà ndɛɛndɛ ema hwà mà wòmeya e Rzàŋgo ya awu o mbàrza. Èŋge mbowà ndɛɛndɛ e ma hwɛ̀lɛ̀hwɛ̀ ndi na ŋmàna nanù ema, Rzodomi na Ìjiptò.