Hwègbèèlì 9:2 - Mokpwe: Bakwery (New Testament)

² Rzìi à mò ijòwa ama à mò ŋgbe itita, ò lì ŋgba hwàtìmbèlì hwa è ndawò yà màkànɛ̀ ema è hwèlì ò mbòwa yà Dàmàrzkɔ̀rzì. Aŋga nanù, à hwɛnɛ è wònja nanù ema à ɛni tɛ tɔ̀ ima mòtò ema à nɔ̀ŋgɔ è njiya yà ama Yerzù aŋga mɔ̀ à hwa ŋgbaŋgɛ, tɔ̀ hwa hwɛ ndi wunyanà tɔ̀ hwalanà, à hwa ɛ̀ndɛ̀nɛ̀ ò mbòwa yà Jèrurzalɛ̀mù.

Hwègbèèlì 9:2 Referans Kwoze

Hwègbèèlì 19:23

O ene hvònda ɔ̀ndi mòhvùŋgu mò ndɛnɛ mò ma hwɛ ò mbòwa ndɛnɛ ya Ɛ̀hvɛ̀rzɔ̀rzì, ò lì hvòmɛ̀nɛ̀ e Njiya ya ama e Rzàŋgò ema hwatò hwà mà hwɛ lì òŋgama.

Hwègbèèlì 19:9

Ndi lòŋgò la awu hwà mà hwɛnɛ maniya ndèŋgànà hwa rzi emeyà ò lì lòkɛ̀. Hwà mà hwɛ lì òhwa hweyà hwe wòhwe ò marzò ma hwatò hwa arzɛ lì hvòmɛ̀nɛ̀ e Njiya ya ama e Rzàŋgò. O eŋgànɛ̀lɛ̀ rzɔ Pàwolò à mà hwa hwɛmɛ rzìi a ɛndɛ na hwatò ema hwà mà lòkɛ̀. Wùnyà tɛ mɔ̀ na wɔ hwà mà hwɛ ndi ò hvenda ò tenì ya e ndawò ya hwèyòkòlèlì ya ama e mòòkòlèlì Tìlanùrzì.

Hwègbèèlì 24:14

Ò jɔ̀kɛ̀ imba na imelì ò wòrzò wò aŋgɔ̀ nanù ema na gbèeyà Lòohwà ema imbamba ja arzu i ma gbèeyà nàa òma imba na òŋgama e Njiya ya jɔ̀kɛ̀. Nà lòkɛ̀ hweyà hwe arzɛ ema hwe tɛmi ehve-ehve lì hvòmɛ̀nɛ̀ e mbenda ya ama Mòrzè na mamɛ ema hwà-òhwèlì hwa hwèlìŋgɛ̀ hwà mà tìle.

Hwègbèèlì 24:22

È mòkànèlì Hvɛlìkrzi a hwèlì ndi mòtò ema mɔ̀ à mà màà lì rzɔ̀ŋgìtɛ̀nɛ̀ e Njiya ya jɔ̀kɛ̀. A ma aŋga mòŋgò ŋmàŋgò lì hvɛhvɛ lòni, rzìi a hwa òhweyà nanù ema, “Nà akɛlɛ ndi ene mbàkò e hvònda ema Lìrzìyàrzì ema a hwèlì e mòkànèlì hwa hwàànà njuma a ò jɛ̀ɛ̀.”

Hwègbèèlì 18:25

A ma òkòwa hweyà hwe e njiya ya ama e Rzàŋgò. A ma òhwa, na lì òkòlɛ hwatò hweyà lì hvòmɛ̀nɛ̀ Yerzù nyayi ema e ma hvòmɛ̀nɛ̀ na e nyɔ̀ŋgi ya eni ya arzɛ. A ma hwiya ndi lì lùhwìrzɛ̀ la ama Yòwanìrzɛ̀ mɛnɛ.

Hwègbèèlì 9:14

Ndeŋgànɛlɛ mɔ̀ à jànì wònjà naŋgɛ anu Dàmàrzkɔ̀rzì ema ipìlìrzì ndɛnɛ ì mò ŋgbelì, ò lì ŋgbaŋgɛ hwatò hwa arzɛ ema hwa kanɛ̀ ò lìnà là aŋgɔ̀.”

Hwègbèèlì 26:12

“Ò ene ŋgàna ɔ̀ndeŋgàtɛ̀ imba nà mà ɛ̀ndɛ ò mbòwa yà Dàmàrzkɔ̀rzì nà è wònjà nà lìkànèyà là ama ipìlìrzì ndɛnɛ ema hwa mà nò ŋgbe.

Hwègbèèlì 7:19

Ène kiŋgɛ̀ e ma ɔnjɔ na lì tàkìrzɛ̀ imbamba ja arzu. A ma gbeyà ema hwa rzɔ̀njɛ̀lɛ̀ mɛ̀ɛŋgɛ me awu me hwàànà ò èwòka, aŋga nanù meŋge mɛɛŋgɛ me ŋwa.

Hwègbèèlì 6:9

Ndi lòŋgò la hwatò hwà mà wòteyà lì tɔ̀wɔ na mɔ̀. Hwàŋga hwatò hwà mà hwɛ ndi hwatò ema hwà mà uwɛ̀lɛ̀lɛ̀yi ò e ŋgindi ya hwatò ema hwɛ lì ɛndɛ ò e ndawò ya màkànɛ ŋgɛ̀lɛŋgɛlɛ ema e ma hwɛ̀lɛ̀hwɛ̀ ndi e ndawò ya màkanɛ̀ ya hwàkòmì ema hwa rza enje hwàkòmì hvɛ. Hwàŋga hwatò hwà mà hwɛ ndi hwa wònyà Yudà ema hwà mà uwɛ̀lɛ̀lɛ̀yi ò mambòwà mà Rzìrènè na Alɛ̀rzàndrìyà. Wɔ̀ na hwahvɛhvɛ hwatò hwa wònyà Yudà ema hwà mà uwɛ̀lɛ̀lɛ̀yi ò hwèrzòòkà hwe Rzìlirzìyà na Èrzìyà, wɔ̀ hwà mà wòteyà lì tɔ̀wɔ na Rzìtehvànɛ.

Matiyò 10:17

È wòwe hvɛ hvònda na hwatò, ehwànja o ò hwɛ hwatò ema hwa e ò ɛ̀ndɛ̀nɛ̀ ò i ndawò ja hwèkàyìrzèlì, ndèŋgànà e gbiyɛhwɛ hvɛ hvònji ò ndawò ja awu ja màkanɛ̀.

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Hwègbèèlì 9:21

Hwatò hwa arzɛ ema hwà mà mò òkànèyà hwà mà tàmà. Rzìi hwa wòteyà lì ijòwa nanù ema, “Rzeke ònò mòtò mɔ̀ ndì à mà hwɛ lì òŋwa hwaŋga hwatò ema hwà mà hwɛ lì kanɛ̀ ò lìna la ama Yerzù ò Jèrurzalɛ̀mù e? Ndeŋgàna rzeke hwèjèelì hwe eni hwe anu òma hwe hwèlì ndi ò lì ŋgbaŋgɛ hwaŋga hwatò na lì hwa timbaneya ipìlìrzì ndɛnɛ e?”

Hwègbèèlì 26:10

Ò jɔ̀kɛ̀, nanù ndi nà mà gbeye ò Jèrurzalɛ̀mù. Nà ma luwa wònjà na e pìlìrzì ndɛnɛ ò lì aŋgɛ rzàyi-rzàyi ja hwatò hwa ama Lohwɛ̀ ò hwèwòwà. È ma hwɛ tɛ nanù ema hwà mà akɛlɛ tɛ e mbàkò nanù ema hwa hwɛni lì ŋwa, imba hvɛ mbiti nà mà emeyà.

2 Kɔ̀rintìyà 11:32

È hvonda nà mà hwɛ o e mbowà ya Dàmàrzkɔ̀rzì, e mòkànèlì ema à mà hwɛ o rze ya lìkànèyà la ama e kiŋgɛ̀ Arɛ̀tàrzì, à mà ika hwàànà njùma o lì ɔ̀ŋgeyà mawohvà mà arzɛ ma e kɔ̀tɔ̀ ya mbowà ema hwa na o lɛmbɛ.

Gàletìyà 1:17

Nà rzi ɛndɛ hvɛ tɔ̀ o Jèrurzalɛ̀mù lì ɛnɛ hvɛ tɔ̀ hwaŋga ema hwà mà loma lì hwɛ i àpɔ̀rzìtòlò ndeŋgànɛ̀lɛ̀ imba na e hwɛ mɔ̀kɔ. Ndi nà mà ɛndɛ ndi ŋgelì hvɔ̀kɔ o erzòokà ya Arèbìyà, rzìi na timba hvɛ o mbowà ndɛnɛ ya Dàmàrzkɔ̀rzì.