Hwègbèèlì 8:5 - Mokpwe: Bakwery (New Testament)

⁵ Hvìlìpì mɔ̀ à mà ɛndɛ ò mbòwa ndɛnɛ hvɔ̀kɔ yà erzòòkà yà Rzàmàrìyà, rzìi a à hwa òhweyà Ŋmɛ̀ndì mò Gbamù mò è Mɔ̀ ema à Ɔ̀kirzɛ̀hwɛ̀yi.

Hwègbèèlì 8:5 Referans Kwoze

Hwègbèèlì 6:5

Ène eyà ema I àpɔ̀rzìtòlò i ma òhwe e ma lìŋgìrzɛ e ŋgìndì ya arzɛ. Aŋga ndi hwa a hvɔ̀rzɔ̀ Rzìtehvànɛ mɔ̀kɔ ema à mà òhva lìlòkɛ̀ la ŋginyà à mà ònda hvɛ na Èlìŋgɛ̀ yà Wòtani, hwà mà hvɔ̀rzɔ̀ hvɛ Hvìlìpì, Pròkòrùrzì, Nìkanò, Tìmɔ̀nɛ̀, Pàmɛ̀nàrzì na Nìkòlàrzì. Nìkòlàrzì à mà uwɛ̀lɛ̀lɛ̀yi ndi ò mbòwa ya Antìyɔ̀kì a rzi hwɛ ndi mòtò wà Yudà, ndi à mà òŋgama lìlòkɛ̀ la wònyà Yudà.

Hwègbèèlì 21:8

O wònɛyi wùnyà irzɔ i ma anjiya ò mbòwa ya Tòlɛmàyìrzì rzi jò uka ò mbòwa ya Kàyìrzèrìyà. Nà òma i ma uke aŋga, i ma kpèeyà ò e ndawò ya ama Hvìlìpì e mòòhwèlì wà ŋmɛ̀ndì mò gbamù, rzi i lìya na mɔ̀. Mɔ̀ à mà hwɛ ndi mɔ̀kɔ wà lìrzàmba la wunyanà ema hwà mà hvɔ̀rzɔ̀wɔ̀ nàa hwà-òŋgòwànèlì ò ŋmèmba mò Jèrurzalɛ̀mù.

Hwègbèèlì 8:40

Hvìlìpì à mà ayèmbɛ mɔ̀ ŋmìti ò mbòwa ya Arzɔ̀tùrzì, tɔ̀ ima mbòwa ema à mà uke à mà hwɛ lì òhwa Ŋmɛ̀ndì mò Gbamù natɛ̀ɛ à mà uka ò mbòwa ya Kàyìrzèrìyà.

1 Kɔ̀rintìyà 3:11

Èhwanja o rza enje tɔ̀ mòtò tɔ̀ mɔ̀kɔ ema a tànɛyi lì kɔ̀kɔ̀ mohvɛhvɛ mɔ̀nɔ̀ŋgɔ̀, lì aka tɛ mɔ̀nɔ̀ŋgɔ̀ ema nà mà lomɛ lì kɔ̀kɔ̀. Mòŋgo mɔ̀nɔ̀ŋgɔ̀ mo hwèlì ndi hwèyòkòwèlì ema nà mà màa lì e okolɛ̀ lì hvomɛ̀nɛ̀ Yerzù Krirztò, ema Lohwɛ̀ ama jo rzuŋga moŋgɛ ma arzu lì akeyà na Yerzù Krirztò.

1 Kɔ̀rintìyà 1:23

Ndi irzɔ ì ohwa ndi nanù ema Yerzù à mà wòmàhwɛlɛ ò mbarza. Wonyà Yudà hwa rza arza lì hweyà monò ŋmɛ̀ndì, hwaŋga hvɛ ema hwa rza enje wònyà Yudà, monò ŋmɛ̀ndì mò hwèlì ndi èèti nà wɔ̀.

Hwègbèèlì 5:42

Wùnyà na wùnyà tɛ hwà mà hwɛ lì ɛndɛ ò Ndawò yà Lohwà na ò indawò ja hwatò, hwà mà hwɛ lì òkòlɛ̀ hwatò na lì hwa òhwèyà ŋmɛ̀ndì mò gbamù mò ama Yerzù, è Mɔ̀ ema à Ɔ̀kirzɛ̀hwɛ̀yi.

1 Kɔ̀rintìyà 2:2

Nà omà nà mà hwɛ na inyɔ, nà mà àwòhwànɛ̀lɛ̀ na imba mbiti nanù ema na rza gbeyà hvɛ tɔ̀ eyà lì aka tɛ o lì ohwa lì hvomɛ̀nɛ̀ Yerzù Krirztò na e kpelì ema à mà ŋwèeyà o mbarza.

Hwègbèèlì 9:20

O lìwòkimɛnɛ a wòteyà lì òhwa eyà ya Lohwà ò tenì ya i ndawò ja màkanɛ̀ nanù ema, Yerzù ndi à hwèlì è Ŋmanà wà ama Lohwɛ̀.

Hwègbèèlì 8:1

Rzàwòlò à mà ukeya ndèŋgànɛ̀lɛ̀ mɔ̀ à mà emeyà nanù ema hwa òŋwe Rzìtehvànɛ. O wòŋgò wùnyà mɛnɛ ŋmèmba mò Jèrurzalɛ̀mù me ma tàkìrzɛ̀hwɛ ŋginyà ò màà mà wònyà Yudà. Hwàlòkèlì hwa arzɛ hwà mà kuwa lì wuhweyà ò hwèrzòòkà hwe arzɛ hwe Jùdeyà na Rzàmàrìyà. Ndi I àpɔ̀rzìtòlò mɛnɛ ndi i ma lìiya.

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 8:6

È ŋgindi è mà òkànèyà nɔ̀ke-nɔ̀ke mamɛ yà arzɛ ema Hvìlìpì à mà hwa òhweyà. Wɔ̀ hwa mà mò òkànèyà nà lì ɛnɛ hvɛ hwèmbànèlì hwe mànyakà ema mɔ̀ à mà gbèye.

Hwègbèèlì 8:26

È aŋgèlì ya ama Rzàŋgò, rzi e òhweyà Hvìlìpì nanù ema, “Wòŋgirzɛnɛ, ò ɔ̀ndɔ̀ mbɛŋgɛ, ò ekì ema e njiya ema e uwɛ̀lɛ̀lɛ̀yi ò Jèrurzalɛ̀mù, e akeyà lì ɛndɛ ò Gàrza.” O naŋgɛ eŋge njiya e rza gbeyànɛhwɛ hvɛ.

Hwègbèèlì 8:30

Hvìlìpì à mà hwaŋga lì ɛndɛ lì e kòmbɛnɛ, rzìi a hweyà na òma eŋge yumɛ e làŋga, ò e kààtì ya ama e mòòhwèlì wà èlìŋgɛ̀ Àyìrzayà. Hvìlìpì rzi a mò ijòwa nanù ema, “O wa ò rzɔ̀ŋgìtɛ̀nɛ̀ mamɛ ema ò làŋga nanù e?”