Hwègbèèlì 6:4 - Mokpwe: Bakwery (New Testament)

⁴ O eŋge hvònda irzɔ ja aŋgbɛ irzɔ hwiti hwa arzɛ ò lì kanɛ̀ na ò lì òhwa ŋmɛ̀ndì mò gbamù.”

Hwègbèèlì 6:4 Referans Kwoze

Hwègbèèlì 1:14

Wɔ̀ hwa arzɛ, nà hwàalanà nà Màlìyɛ̀ è nyàŋgò yà ama Yerzù, nà Yerzù wònyanyàŋgò hwa eni hwa mà hwɛ lì arzàŋgànɛ̀ hvònda tɛ ò màkanɛ̀.

Hwègbèèlì 2:42

Hwàlòkèlì hwà mà ika mèèmà me awu ò lì òkòwa hweyà ema i àpɔ̀rzìtòlò i ma hwɛ lì hwa òkòlɛ, ndèŋgànɛ̀lɛ̀ hwà mà hwɛ mòndeŋgè na hwatò ema hwa lòkɛ̀ Krirztò. Mɔ̀ na wɔ̀ hwà mà hwɛ lì kànɛ, na lì lalɛnɛ̀ èki yɔ̀kɔ.

2 Tìmotì 4:2

O lì ohwa ŋmɛ̀ndì mò gbamù mò ama Lohwɛ̀, tɔ̀ hwatò hwa lìŋgàna o lì mo hweyà tɔ̀ hwa rzi lìŋgàne. O hwa gbeye o lì hwiya nanù ema tɔ̀ mamɛ ema o hwa òhwèyà e hwèlì ndi è jɔ̀kɛ̀, o hwa gbeye hwa hwɛmɛ lì gbeyà wòhwe o hwa kɔ̀mɛ̀lɛ̀, ndèŋgàna o òkolɛ hwatò hwene hweyà hwe arzɛ na lì àjùlɛ̀.

Ròmànì 1:9

Lohwɛ̀ ema nà gbèeyà nà ŋmèma mɔ̀kɔ ò lì òhwa Ŋmɛ̀ndì mò Gbamù mò ama è Ŋmanà wà eni, mɔ̀ ndi à hwèlì è mbòŋgi yà ami nanù ema nà è ɔ̀ŋgɛ̀lɛ,

Kòlòrzìyà 4:17

Ndeŋgànɛ̀lɛ̀ e ohweyà Achipurzi nanù ema, “A hwiye kɔ̀yi-kɔ̀yi nanù ema a hwɛni o lì kulɛ èwòlò ema Rzàŋgo a mo ŋgbelì o lì gbeyà.”

Kòlòrzìyà 2:1

Nà lìŋgàni nanù ema e hwiye nɛ imba nà mà ahvahvɛ o lì e gbèeyà na o hwaŋga hwatò hwa e mbowà ndɛnɛ ya Làwòdèrzìyà. Ndeŋgànɛlɛ e hwiye hvɛ nɛ imba nà mà ahvahvɛ o lì gbèeyà hwanɛyi hwatò ema hwa rzi no ɛni na mìirzɔ ma awu.

Hvìlipìyà 1:4

Nà oka mɔ̀nyɛ̀ŋgì tɔ̀ ima hvonda ema nà è kanɛ̀lɛ̀lɛ̀ inyɔ hwa arzɛ.

1 Kɔ̀rintìyà 9:16

Ndi tɔ̀ nanù, o lì ohwa Ŋmɛ̀ndì mò Gbamù mo òma Lohwɛ̀, mo rza enje ndi eyà ema na hwɛnì lì ayèkìrzɛ̀lɛ̀lɛ̀. Nà kɔ̀mɛ̀lɛ̀hwɛyi ndi na Lohwɛ̀ o lì ohwa Ŋmɛ̀ndì mò Gbamù mo ama Lohwɛ̀. È hwèlì ndi èwoma na imba e hwèlì tɛ ema imba na rza ohwi mono Ŋmɛ̀ndì mò Gbamù mo ama Lohwɛ̀!

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

Lukàrzɛ̀ 1:23

È hvònda ema Rzàkàriyà a mà kulɛ èwòlò ya eni ò Ndawò yà Lohwà à mà tìmba ò ndawò yà èni.