Hwègbèèlì 21:3 - Mokpwe: Bakwery (New Testament)

³ I ma uka èki ema i ma hwɛ lì ɛnɛ èkòmè ya Rzàyìprɔ̀rzì ema e ma hwɛ ò tenì ya ŋmànja. Rzìi i wòwa ehvàrzu ya mbɛŋgɛ ò lì ɛndɛ lì uka ò erzòòkà ya Rzìrìyà. I ma uka ò mbòwa ya Tàyi rzìi i rzihwa ò melì me ŋmànja ehwànja aŋga ndi hwà mà hwɛnɛ lì rzihwirzɛ miiyuna ema me ma hwɛ ò tenì ya melì me ŋmànja.

Hwègbèèlì 21:3 Referans Kwoze

Hwègbèèlì 27:4

Irzɔ i ma anjiya aŋga rzi i wòteyà lì ɛndɛ ndi kànatɛ̀ e mbɛ̀hvɛ̀nì ya ŋginyà e ma hwɛ lì uŋgɛlɛ ò wòrzò wò arzu, ò eŋgànɛlɛ i ma akeyà ndi ò tòŋgòŋgò, ya erzòòkà ya Rzàyìprɔ̀rzì ò èhvàrzù ema e mbɛ̀hvɛ̀nì e rzi imbamɛ. Rzàyìprɔ̀rzì à mà hwɛ ndi yòndi.

Hwègbèèlì 21:16

Lòŋgò la hwà-òkòwèlì ema hwà mà uwɛ̀lɛ̀lɛ̀yi ò e mbòwa ya Kàyìrzèrìyà wɔ hvɛ hwà mà ɛndɛ na irzɔ. Rzìi hwa jò ɛ̀ndɛ̀nɛ̀ ò e ndawò ya ama Nàrzɔ̀nì ema aŋga ndi i ma hwɛnɛ lì lìya. Nàrzɔ̀nì à mà uwɛ̀lɛ̀lɛ̀yi ndi ò èkòmè ya Rzàyiprɔ̀rzì ndèŋgànɛlɛ a hwèlì ndi mɔ̀kɔ ema à mà lòma lì lòkɛ̀ Krirztò.

Hwègbèèlì 12:20

O nàŋgɛ̀ rzɔ Kìŋgɛ̀ Hɛ̀rɔ̀dì à mà hwɛnɛ hwetàtò rzayì-rzayì na hwatò hwa imbowà ja Tàyi na Rzidònì. O èŋgànɛ̀lɛ̀ hwatò hwà mà hwɛmɛ iŋgi mbòwa ja ahwakɛ ò lì ɛndɛ lì mò ɛnɛ. È mòtò wa wòrzò ema hwà mà ɛndɛ ò lì ùŋmànɛ̀lɛ̀ aŋga nanù à mà hwɛ ò ɛ̀yɔ̀lɛ̀ na e kiŋgɛ à mà hwɛ ndi Blàrzìtùrzì. Blàrzìtùrzì à mà hwɛ ndi mòkutu ò e ndawò ya ama kiŋgɛ. Hwà mà gbeyà ndi nanù èhwanja mòlelì mò awu mò ma uwɛ̀lɛ̀lɛ̀yi ndi ò èkòmè ya ama Hɛ̀rɔ̀dì.

Hwègbèèlì 4:36

Nànù ndi Jòrzɛ̀hvù mòtò wa lìtumba la ama Lɛ̀hvì, ema à mà uwɛ̀lɛ̀lɛ̀yi ò èkòmè ya Rzàyìprɔ̀rzì à mà gbeye. I àpɔ̀rzìtòlò i ma mò hwɛlɛ ndi Bànàbàrzì (jànda ja lìni lìna lì hwèlì ndi “Mòtò ema, a Kɔ̀mɛlɛ”).

Matiyò 4:24

O èŋgànɛ̀lɛ̀ hwèyà ema Yerzù à mà hwɛ lì gbèya hwe mà hwèyàhwà ò erzòòkà yà arzɛ yà Rzìlèyà. Ene eyà è mà gbèya ema hwatò hwa mà hwɛ lì mò jànèyà hwà-òkèlì hwa arzɛ. Hwa mà hwɛ lì mò jàneyà hwatò ema hwa mà ɔ̀kìrzɛ̀ inyayi na nyayi ja nyàmbɛ na merziyò mè nyò. Hwatò ema hwa ma òhva hwèlìŋgɛ̀ hwe wòhwe, hwatò ema hwa ma hwɛ lì hvòkòwa, nà hwatò hwa è nyàmbɛ yà njɛmbu Yerzù à mà hwa wɔ̀wìrzɛ̀ wɔ̀ hwa arzɛ.

Hwègbèèlì 18:18

Pàwolò ama lìya na hwàlòkèlì ò mbòwa ndɛnɛ ya Kɔ̀rintò rzayì-rzayì ja mèenyà, rzìi a hwɛmɛ hwàlòkèlì a kpèeyà ò melì me ŋmànja, rzìi a aka ŋmànja ò lì uka ò erzòòkà ya Rzìrìyà. O yɔ̀ndɔ ya eni, à mà ɛ̀ndɛ̀nɛ̀ Prìrzìlà na Akwìlà. Ndèŋgànà a e anjiya ò mbòwa ndɛnɛ ya Rzɛ̀nkreyà, à mà rzòòwa lìhvumbu la eni la mòhvò èhwanja ò ma hwɛ hweyi ema à mà aàtɛ.

Hwègbèèlì 15:41

Pàwolò à mà akànèyà Rzàyilarzì ò erzòòkà ya Rzìrìyà na Rzìlirzìyà, hwà mà hwɛ lì ɛndɛ na lì ètìrzɛ̀ ŋmèmba.

Hwègbèèlì 15:39

Ène ŋgàna e ma hwa jàneyà mbùnakɛ̀ ya ŋginyà ema e ma hwa kakòhwà. Bànàbàrzì rzi a wòwa Yòwanìrzɛ̀ Màkòrzì na mɔ̀, rzìi hwa ɛ̀ndɛ yɔ̀ndɔ̀ ya malìhwa ò lì aka yùulu rzìi hwa uka ò èkòmè ya Rzàyiprɔ̀rzì.

Hwègbèèlì 15:23

È kààtì ema hwà mà hwa òmane ò Antìyɔ̀kì e ma òhwa nanù ema, “Irzɔ I àpɔ̀rzìtòlò, na hwàtimbèlì hwa ŋmèmba, ema i hwèlì wònyànyàŋgò hwa anyu jò e òmelì inyɔ wònyànyàŋgò hwa arzu hwa arzɛ ema e rza enje wònyà Yudà iikɔ̀mi. Inyɔ ema e lìya ò mbòwà ndɛnɛ ya Antìyɔ̀kì ò erzòòkà ya Rzìrìyà na Rzìlirzìyà.

Hwègbèèlì 13:4

Nà òma Èlìŋgɛ̀ ya wòtani ema hwa òme wɔ̀ hwahwàkɛ, hwà mà ɔ̀ndɔ̀ ò mbòwa ya Rzɛ̀lùrzìyà. Aŋga ndi hwa a anjiyana wɔ̀ɔlɔ̀ ò lì ɛndɛ ò yòndi ya Rzàyìprɔ̀rzì.

Hwègbèèlì 11:19

O èŋgànɛ̀lɛ̀ rzɔ ò naŋgɛ, hwaŋga hwàlòkèlì ema hwà mà bùweyà ò lìŋgi lìrzakò la e kanjɛ̀-kanjɛ̀ lìrzakò ema Rztèhvànì à mà òŋwahwe, hwà mà ɛ̀ndɛ yɔ̀ndɔ̀ ya hvòò natɛ̀ɛ na ò hwèkòmè hwe, Hvɔ̀yènìrzìyà, Rzàyìprɔ̀rzì, na ò mbòwà ya Antìyɔ̀kì. Wɔ̀ hwà mà hwɛ lì ɛndɛ nanù, hwà mà òhweyà ndi hwatò hwa Yudà mɛnɛ ŋmɛ̀ndì mò gbamù.

Lukàrzɛ̀ 10:13

“Lìkunde lì ndɛnɛ̀ lì hwèlì lì e àmbɛ̀lɛ̀, inyɔ hwatò wa Kòràrzinì! Lìkunde lì ndɛnɛ̀ hvɛ nà hwatò hwa Bɛ̀trzàyìdà! Mànyakà ema Lohwɛ̀ a mà gbèye ò mbòwà yà anyu, ma mà gbèyɛnɛ tɛ ndì ò mbòwà yà Tàyi nà Rzidònì, hwaŋga hwatò ema hwà mà liya ò rze rzìi hwa wɔtɔ̀ màatù ma màyɛ̀ɛhwɛ̀, hwa akòmɛ hvɛ lìwù ò nyò ja awù ò lì uŋmɛ̀lɛ̀ nanù ema hwa mà ayèŋgòwɛ̀ ò wòhwe wò awu.

Lukàrzɛ̀ 2:2

Iŋgi jaŋgì ndi ì ma hwɛ è jà wòrzò. Èŋge hvònda ɔ̀ndi Kpìlìnurzì a mà hwɛ è mòkànèlì hwà èkòmè ya Rzilìyà.

Matiyò 11:21

ò lì òhwa nanù ema, “Lìkunde lì ndɛnɛ̀ lì hwèlì lì e àmbɛ̀lɛ̀, inyɔ hwatò wa Kòràrzinì! Lìkunde lì ndɛnɛ̀ hvɛ nà hwatò hwa Bɛ̀trzàyìdà! Mànyakà ema Lohwɛ̀ a mà gbèye ò mbòwà yà anyu, ma mà gbèyɛnɛ tɛ ndì ò mbòwà yà Tàyi nà Rzidònì, hwaŋga hwatò ema hwa ma wɔtɔ̀ màatù ma màyɛ̀ɛhwɛ̀, rzìi hwa akòmɛ hvɛ lìwù ò inyò ja awù ò lì uŋmɛ̀lɛ̀ nanù ema hwa mà ayèŋgòwɛ̀ ò wòhwe wò awu.

Hwègbèèlì 21:2

Aŋga ndi i ma ùŋmànɛ̀lɛ̀ melì me ŋmànja ema me ma hwɛ lì ɛndɛ ò erzòòkà ya Hvɔ̀nìrzìyà. Irzɔ i ma kpèeyà ò tenì ya meŋge melì me ŋmànja rzìi i wòteyà lì ɛndɛ yɔ̀ndɔ ya arzu ya ŋmànja.

Hwègbèèlì 21:7

Irzɔ i ma ɛ̀ndɛ̀nɛ̀ yɔ̀ndɔ̀ ya arzu ya malìhwa ò wòrzò, ò lì anjiya ò mbòwa ya Tàyi rzi jò uka ò mbòwa ya Tòlɛmàyìrzì. Nà òma i ma uke aŋga, i ma kɔ̀mɔ hwàlòkèlì hwa ama Krirztò, i ma lìya na wɔ eyù yɔ̀kɔ.