Hwègbèèlì 17:2 - Mokpwe: Bakwery (New Testament)

² Pàwolò à mà nyàmɛ̀lɛ̀ lì kpèeyà ò tenì ya ndawò ya màkànɛ̀ ya wònyà Yudà ò eŋgànɛ̀lɛ à mà kpèeyà aŋga. A ma lìya aŋga wiki iyàwò. O tenì ya tɔ̀ ima Wùnyà wò lì Arziyòlɛ mɔ̀ à mà òhweyà hwatò ŋmɛ̀ndì ema mò ma uwɛ̀lɛ̀lɛ̀yi ò tenì ya e kààtì ya ama Lohwɛ̀.

Hwègbèèlì 17:2 Referans Kwoze

Hwègbèèlì 9:20

O lìwòkimɛnɛ a wòteyà lì òhwa eyà ya Lohwà ò tenì ya i ndawò ja màkanɛ̀ nanù ema, Yerzù ndi à hwèlì è Ŋmanà wà ama Lohwɛ̀.

Hwègbèèlì 18:4

Tɔ̀ ima Wùnya wò lì Arzìyòlɛ Pàwolò à mà hwɛ lì ɛndɛ ò ndawò ya màkanɛ̀ ya wònyà Yudà, ò lì òhwirzɛnɛ hwatò hwa wònyà Yudà na e hwa Grìki, aŋga nanù wɔ hwa lòkɛ̀ hweyà ema à mà hwɛ lì hwa òhweyà.

Hwègbèèlì 17:17

O eŋgànɛ̀lɛ̀ rzɔ à mà ɛndɛ ò tenì ya e ndawò ya màkànɛ ya wònyà Yudà rzìi a akòhwana hwatò hwa wònyà Yudà, na e wɔ ema hwa rza enje wònyà Yudà ema hwà mà hwɛ lì kànɛ Lohwɛ̀ mendeŋga. A ma hwɛ hvɛ ò lì ɛndɛ ò ewòka ya màlòkò wùnyà tɛ ò lì kòòwàna hwatò ema hwà mà hwɛ lì jà aŋga mendeŋga.

Hwègbèèlì 17:10

Nà òma wùnyà wò ma kɔ, hwàlòkèlì hwa ama Yerzù hwà mà òma Pàwolò na Rzàyìlàrzì ò lì ɛndɛ ò mbòwa ndɛnɛ ya Bèrìyà. Nà òma wɔ hwà mà uke aŋga, rzìi hwa ɛndɛ lì kpèeyà ò tenì ya e ndawò ya màkànɛ ya wònyà Yudà.

Hwègbèèlì 14:1

Nàa ɛ̀ɛ̀mɛ̀ ya awu Pàwolò na Bànàbàrzì hwà mà kpèeyà ò e ndawò ya màkanɛ̀ ya wònyà Yudà ò mbòwà ya Ikɔ̀nìyùmì. Hwà mà òhwa ŋmɛ̀ndì mò gbamù lì hvòmɛ̀nɛ̀ Yerzù aŋga nyayi ema rzayi-rzayi ja hwatò hwa wònyà Yudà na hwaŋga hwatò ema hwa rza enje wònyà Yudà hwà mà lòkɛ̀ Yerzù.

Hwègbèèlì 13:5

Nà òma hwà mà ùke ò mbòwa ya Rzàlàmìrzì, hwà mà òhwa eyà ya Lohwà ò mandawò ma màkanɛ̀ ma wònyà Yudà. Hwà mà lɛmbɛ Yòwanìrzɛ̀ Màkòrzì ò lì hwa òŋgòwànà.

Hwègbèèlì 28:23

O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

Hwègbèèlì 8:35

Hvìlìpì rzìi a wòteyà lì mò òhweyà Ŋmɛ̀ndì mò Gbamù mò ama Yerzù, rzìi a mò telɛlɛ hweyà hwe arzɛ ò lì wòteyà na ene èhvàrzù.

Yòwanìrzɛ̀ 18:20

Yerzù à mà mò alàhwɛ̀ nanù ema, “Imba nà mà màa lì òhweyà hwatò hwa arzɛ hwene hweyà hwe arzɛ ò mòte. Nà mà hwɛ ndi lì òkòlɛ̀ ò ndawò jà màkanɛ̀, nà ò Ndawò yà Lohwà. Hwèki ema hwatò hwa Yudà hwa arzɛ hwà mà hwɛ lì arzàŋganɛ. Nà rzi òhwe tɔ̀ eyà ò jùtùtà.

Lukàrzɛ̀ 4:16

Yerzù à mà ɛ̀ndɛ ò mbòwà yà èni yà Nàrzàrɛ̀tì e ma a mà kòkeya, rzìi a kpèeyà ò ndawò yà màkanɛ̀ ò Wùnyà wò lì Arzìyòlɛ̀ nà òma a ma nyàmɛ̀lɛ ò lì gbeyà. Rzìi à tɛ̀mɛ̀, ò lì laŋgà e mbɔrzi.

Hwègbèèlì 24:25

Ndi na òma Pàwolò à mà hwɛ lì òhwa lì hvòmɛ̀nɛ̀ lì tɛ̀mɛ̀ la ehve-ehve ò wòrzò wò ama Lohwɛ̀, lì alɛ̀mbɛ, na Wùùnyà wò hwèkàyìrzèlì ema wò hwɛnì lì jà. Hvɛlìkrzi à mà òka wɔ̀ŋgɔ̀. Hvɛlìkrzi rzìi a òhwa nanù ema, “Inyɛ̀ i hwɛmɛ ene mbɔrzi nanù. O tanɛyi ò ɛndɛ. Nà lu tɛ ehvòlò na ò hwɛlɛ hvɛ.”

Hwègbèèlì 19:8

Pàwolò à mà lìya aŋga ŋgbɛndɛ iyàwò. Hvònda tɛ à mà hwɛ lì kpèeyà ò ndawò ya màkànɛ ya wònyà Yudà rzìi hwa a kòòwà e rzi hwɛ mɔ̀ lì òka tɔ wɔ̀ŋgɔ̀. Wɔ̀ na mɔ̀ hwà mà hwɛ ò hvenda ndèŋgànɛ̀lɛ̀ mɔ̀ à mà hwɛ lì keka ò lì hwa telɛlɛ aŋga nanù hwa lòkɛ̀ nanù ema màmɛ ema a hwa òhweyà lì hvòmɛ̀nɛ̀ lìkànèyà la ama Lohwɛ̀ e hwèlì ndi e jɔ̀kɛ̀.

Hwègbèèlì 13:14

Wɔ̀ hwà mà hwɛmɛ Pɛ̀ga rzìi hwa uka ò mbòwa ya Antìyɔ̀kì ò èkòmè ya Pìrzìdìyà. O Wùnyà wò lì arziyòlɛ, hwà mà kpèeyà ò ndawò ya màkànɛ̀, rzìi hwa lìya ò rze.

Matiyò 26:24

È Ŋmanà wà è Mòtò wà Hwènàmà à hwɛnì lì ŋwa nà òma è kààtì yà Lohwà è òhwi, è ò hwɛ màwɔ̀ŋgɔ̀ nà òŋgò mòtò ema à ò nò ahwìrzɛ. È mà lɔ̀wu ema òŋgò mòtò à rzìi ŋyahwe hvɛ tɔ̀.”

1 Kɔ̀rintìyà 15:3

Nà ma e ohweyà Ŋmɛ̀ndì mò Gbamù ema nà mà luwe ndèŋgàna mo hwèlì wòlìtò. Mòŋgo ŋmɛ̀ndì mò hwèlì ndi ema, Krirztò à mà jo ŋwèeyà o wòhwe wò arzu, na oma e tìlahwì o kààtì ya ama Lohwà.