Hwègbèèlì 13:2 - Mokpwe: Bakwery (New Testament)

² Nà òma hwà mà hwɛ lì gbèeyà Rzàŋgò na lì hwɛ hvɛ ò mòkìyà njàwò, Èlìŋgɛ̀ yà Wòtani rzìi e hwa òhweyà nanù ema, “È nò tindeya Bànàbàrzì na Rzàwòlò ò lì nò gbèeyà èwòlò ema imba nà mà hwa hwɛlɛnɛ.”

Hwègbèèlì 13:2 Referans Kwoze

Gàletìyà 1:15

Ndi tɔ̀ nɛ è mà hwɛ nanù, Lohwɛ̀ à mà lòma lì nò hvɔ̀rzɔ̀ ndèŋgàna nà è ŋyàahwà. À mà nò hwɛlɛ nà è ndèli yà eni ò lì mò gbèeyà.

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

2 Tìmotì 1:11

Lohwɛ̀ à mà nò hvɔ̀rzɔ̀ ò lì hwɛ è àpɔ̀rzìtòlò nà è Mòòkòlèlì ò lì ohwa Ŋmɛ̀ndì mò Gbamù.

1 Kɔ̀rintìyà 12:11

Èlìŋgɛ̀ yɔ̀kɔ mɛnɛ ndi e gbeyà hwenè hwèwòlò hwe arzɛ, o màlùtèyà ma eni a lìŋgàna lì ŋgbàà tɔ̀ njɛnɛ è la eni lì ahweyà.

Ròmànì 1:1

Imba, Pàwolò, e mògbèèlì wa ama Yerzù Krirztò, imba ndi na tìlì ene kààti. Lohwɛ̀ à mà nò hvɔ̀rzɔ̀ ò lì hwɛ e àpɔ̀rzìtòlò ya eni ndèŋgànɛlɛ à mà nò ŋgbàà èwòlò ò lì òhwa Ŋmɛ̀ndì mò eni mò Gbamù.

1 Tìmotì 2:7

Ène eyà ndi e ma gbèeyà Krirztò o lì no òma nàa àpɔ̀rzìtòlò o lì ɛndɛ lì ohwa ŋmɛ̀ndì mò gbamù lì hvomɛ̀nɛ̀ o lì lòkɛ̀ Krirztò na e jɔ̀kɛ̀ o hwatò ema hwa rza enje wònyà Yudà. Mamɛ ema na ohwa e hwèlì ndi e jɔ̀kɛ̀ na rza kɔ tɔ̀ eyà.

Hwègbèèlì 22:21

Rzàŋgò Yerzù rzìi à nò òhweyà nanù ema, ‘Ɛ̀ndɛ, ehwànja nà hwɛni lì ò òma hvòò ò hwaŋga hwatò ema hwa rza enje wònyà Yudà.’”

Hwègbèèlì 14:26

Nà òma hwà mà uwɛ̀lɛ̀lɛ̀yi ò Atalìya hwà mà aka yulu, rzìi hwa tìmba ò Antìyɔ̀kì, èki ema hwà mà hwa kànɛlɛlɛ nanù ema e ndèli ya ama Lohwɛ̀ e hwa lìyɛlɛ ò èwòlò ema hwà mà kulɛ nàŋgɛ.

Kòlòrzìyà 4:17

Ndeŋgànɛ̀lɛ̀ e ohweyà Achipurzi nanù ema, “A hwiye kɔ̀yi-kɔ̀yi nanù ema a hwɛni o lì kulɛ èwòlò ema Rzàŋgo a mo ŋgbelì o lì gbeyà.”

Lukàrzɛ̀ 2:37

À mà lìya mòkurze natɛ̀ɛ à mà uka mènì wàmbì me meya nà menì. A rzi hwɛ̀mɛ̀ è Ndawò yà Lohwà, nà màkanɛ̀, nà lì lìya njàwò ò màkanɛ̀ nà lì gbèeyà Lohwɛ̀ ŋmerze nà wu.

2 Tìmotì 2:2

Hweya ema o ma hweye ema nà mà okolɛ rzayi-rzayi ja hwatò lì hvomɛ̀nɛ̀ Krirztò, o wa hvɛ o hwe okolɛ o hwahvɛhvɛ hwatò ema wɔ̀ hvɛ hwa tànɛyi lì okolɛ hwahvɛhvɛ hwatò.

Ɛ̀hvìrzìyà 3:7

Ŋmɛ̀ndì mò Gbamù mono ema nà ohwa nanù. Lohwɛ̀ à mà gbeyàna è ndèli yà eni ò lì nò ŋgba ene èwòlò. Ndeŋga nà gbèeyà ene èwòlò lì akeyà nà è ŋginyà yà eni.

Hwègbèèlì 13:3

Nà òma hwà mà kulɛ mòkìyà njàwò na màkanɛ̀, hwà mà hwàkɛ maà ma awu ò ma Bànàbàrzì na Rzàwòlò rzìi hwa hwà òhweyà nanù ema hwa ɛ̀ndɛ.

Hwègbèèlì 10:30

Kɔ̀nɛ̀lìyùrzì rzìi à tìmbìrzɛ̀lɛ̀lɛ̀ nanù ema, “Mèènyà mè iyàwò ema mè mà aka, nà mà hwɛ lì kanɛ̀ ò ndawò yà ami, ò lìni lìrzàkò là ŋgɛ̀ŋgi iyàwò jà ŋmèrze, lìwòkimɛnɛ mòtò ema à mà wɔtɔ̀ lìwɔtì là kɛ̀ŋgɛ̀ŋgɛ̀ rzìi à nò tɛ̀meyà ò wòrzò,

Hwègbèèlì 10:19

Pètrò mɔ̀ à mà hwɛ ò lì kèka ò lì rzɔ̀ŋgìtɛ̀nɛ̀ mamɛ iŋgi jɛ̀nɛ̀nì ì hwèlì, ɔ̀ndi Èlìŋgɛ̀ yà wòtani è à mò òhweyà nanù ema, “Rzimɔ̀ni, ò hwèlì hwatò hwàyàwò anu ema hwa ò arza.

Hwègbèèlì 8:29

Èlìŋgɛ̀ yà Wòtani rzi e òhweyà Hvìlìpì nanù ema, “Ɛndɛ ò tòŋgòŋgò ya eŋge ehwàmbanì, ò e kòmbɛnɛ.”

Matiyò 9:38

È kanɛ̀ nanù ema è mòhwɛ̀nɛ wà hvaya, à òme hwàrzàŋgèlì hwa mbòtà ò hvaya.”

Matiyò 6:16

“È hwèlì tɛ ò mòkìyà njàwò, è rzìi emeyà ema màrzò mà anyu mà ɛneya rzɔ̀luu, nà òma hwatò hwa mèhvìlì hwa gbeyà. Hwatò hwa mèhvìlì wɔ̀ hwa nyùkɛ̀ marzò mà awu aŋga nanù òma hwatò hwa mà ayèmbɛ ema hwa hwèlì ò mòkìyà njàwò. Nà è òhweyà nà è jɔ̀kɛ̀ ema, wɔ̀ hwa mà màa lì lùwa mòrzawèlì mò awu mò arzɛ.

Hibrù 5:4

Tɔ̀ mòtò a rza tanɛ a aŋgbɛ mɔ̀ ŋmìti èluhwe ya e Pìlìrzì e Kàrzàmi. Lohwɛ̀ ndi à hvɔ̀rzɔ̀ mòtò o lì hwɛ e Pìlìrzì e Kàrzàmi, ŋgàna hvɔ̀kɔ hvɛ na oma à mà hvɔ̀rzè Arɔ̀nì.

2 Tìmotì 4:11

Lukàrzɛ̀ mɛnɛ ndi à hwèlì na imba. O jà tɛ o jàne Màkòrzì, èhwanja à ò nò oŋgòwànà o èwòlò ema na hwɛni.

2 Tìmotì 4:5

Ndi o wa Tìmòtì, o hwɛni lì hwiya lì àwòhvɛ̀lɛ̀ la aŋgɔ̀ ihvonda ja arzɛ. O ajùlɛ̀nɛ̀ mòtàkà, o gbèyè èwòlò ya e mòtò ema a ohweyà hwatò Ŋmɛ̀ndì mò Gbamù mò ama Lohwɛ̀, ndèŋgàna o gbeye hvɛ èwòlò ya arzɛ ema Lohwɛ̀ à mà o òhweyà à mà o gbeye.

2 Kɔ̀rintìyà 11:27

Nà ma gbeyà rzayi-rzayi ja hwèwòlò hwe ŋginyà, rzayi-rzayi ja ŋgèlì hvɛ nà mà lìya na hwehvɛnyɛ. Marzako hvɛ na rzi luwe tɔ̀ yoma ya lì laa tɔ̀ e yɔ la lì nyɔ, na rzi hwɛnɛ hvɛ tɔ̀ e hvolo ya lì laa mòlelì. Manɛyi marzako hvɛ yùululì ya ŋginyà e ma no kpeya o nyo ema na rza ohvɛ tɔ̀ yoma ya lì wɔtɔ̀.

2 Kɔ̀rintìyà 6:5

Ima ananahwa, ima ikahwa o hwèwòwà, ŋgindi e ma jo urzuweyà. I ma gbeyà èwòlò ema ye eti, i ma lìya ehvɛ̀nyɛ̀ na njàwò.

1 Kɔ̀rintìyà 7:5

Inyɔ ema e hwàahwì, e rzìi a imànɛ̀yi mɔ̀kɔ na ɔ̀nɛyi, o lìnɔ̀ŋgɔ, e hwɛ ndi nanù ema inyɔ ya ahweyànɛlɛ nanù ema, e gbeyà ndi nanù o ŋmàna hvòkà wà hvondà, aŋga nanù ya aŋgbɛ̀ɛ inyɔ hwiti o Màkànɛ. O mburzà ya nanù, e timbe e hwɛ ndi na oma e ma lome lì hwɛ, aŋga nanù Mòkarzɛ̀ à rza e kèkirzɛ, o lì ɛ̀ndɛ o mòrzònje.

Ròmànì 15:16

Lohwɛ̀ à mà nò ŋgba e ndèli ya eni ò lì hwɛ e mògbèèlì wa ama Yerzù Krirztò, ò lì òhweyà hwatò ema hwa rza enje wònyà Yudà, ŋmɛ̀ndì mò gbamù. Nà gbèeyà ndi ene èwòlò nàa pìlìrzì ò lì òhwa Ŋmɛ̀ndì mò Gbamù ema mò uwɛ̀lɛ̀lɛ̀yi ò ma Lohwɛ̀, aŋga nanù hwatò ema hwa rza enje wònyà Yudà hwa ò hwɛ ndi nàa jàhwèyà ema nà mà ŋgbɛ ema je imayɛnɛhwɛ na Lohwɛ̀. Lohwɛ̀ a ò hwe emeyà èhwanja Èlìŋgɛ̀ yà Wòtani e ma hwa gbeyà ema hwa emàyɛ̀lɛ̀hwɛ̀ ò wòrzò wò ama Lohwɛ̀.

Ròmànì 10:15

Nɛ rzɔ mònò ŋmɛ̀ndì mò tànɛyi lì òhwahwa e hwèlì tɛ ema irzuhwɛlɛ i rza òmahwi e? È tìlahwì ò e kààtì ya Lohwà nanù ema, “Mòtò a jàni tɛ ŋmɛ̀ndì mò gbamù, mò jànà màlìŋgò.”

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Hwègbèèlì 6:4

O eŋge hvònda irzɔ ja aŋgbɛ irzɔ hwiti hwa arzɛ ò lì kanɛ̀ na ò lì òhwa ŋmɛ̀ndì mò gbamù.”

Lukàrzɛ̀ 10:1

O mburzà nanù Rzàŋgò à mà hvɔ̀rzɔ̀ hvɛ mènì lìrzàmbà me hwà-òkòwèlì nà hwàhwàkɛ̀. À mà hwa òma hwàhwàkɛ̀, hwàhwàkɛ̀, ò lì ɛ̀ndɛ ò wòrzò, ò màmbòwà nà hwèki e ma mɔ̀ à mà hwiye ema à hwɛnì lì ɛ̀ndɛ.

Hwègbèèlì 4:36

Nànù ndi Jòrzɛ̀hvù mòtò wa lìtumba la ama Lɛ̀hvì, ema à mà uwɛ̀lɛ̀lɛ̀yi ò èkòmè ya Rzàyìprɔ̀rzì à mà gbeye. I àpɔ̀rzìtòlò i ma mò hwɛlɛ ndi Bànàbàrzì (jànda ja lìni lìna lì hwèlì ndi “Mòtò ema, a Kɔ̀mɛlɛ”).

Hwègbèèlì 13:4

Nà òma Èlìŋgɛ̀ ya wòtani ema hwa òme wɔ̀ hwahwàkɛ, hwà mà ɔ̀ndɔ̀ ò mbòwa ya Rzɛ̀lùrzìyà. Aŋga ndi hwa a anjiyana wɔ̀ɔlɔ̀ ò lì ɛndɛ ò yòndi ya Rzàyìprɔ̀rzì.

Matiyò 17:21

O rza enje tɔ̀ eyà ema e tànɛyi lì hvaya ini nyayi ja hwèlìŋgɛ lì aka tɛ màkanɛ̀ na mòkìyà njàwò.