Hwègbèèlì 11:12 - Mokpwe: Bakwery (New Testament)

¹² Èlìŋgɛ̀ yà wòtani è mà nò òhweyà ò lì ɛ̀ndɛ nà wɔ̀ è rzi hwɛ lì à kìkìyɛ̀. Mònò mòtòhwa mò hwàlòkèlì ema mò mà uwɛ̀lɛ̀lɛ̀yi ò mbòwà yà Jopà mò mà nò nɔŋgɔ ò lì ɛndɛ ò mbòwa yà Kàyìrzèrìyà ndèŋgànɛ̀lɛ̀ irzɔ hwa arzɛ, i mà kpèeyà ò tenì yà è ndawò yà ama Kɔ̀nɛ̀lìyùrzì.

Hwègbèèlì 11:12 Referans Kwoze

Hwègbèèlì 8:29

Èlìŋgɛ̀ yà Wòtani rzi e òhweyà Hvìlìpì nanù ema, “Ɛndɛ ò tòŋgòŋgò ya eŋge ehwàmbanì, ò e kòmbɛnɛ.”

Ròmànì 3:22

Èŋge ŋgàna e hwèlì ndi nanù ema, tɔ̀ ima mòtò ema a lòkɛ̀ Yerzù Krirztò mɔ̀ ndi à tɛmi ehve-ehve. O rza enje tɔ̀ tìŋgɛ̀ ema mòtò a hwèlì ndi wònyà Yudà tɔ̀ a rza enje wònyà Yudà.

2 Tɛ̀rzàlonìyà 2:2

e rzi keka lì ahwèŋgɛ̀ o lì tameya màlùtèyà ma anyu, tɔ̀ e rzi keka lì emeyà nanù ema na oma hwatò hwa ohwa nanù ema wùùnya wo ama Rzàŋgo wo ma uka. Aŋgàmɛnɛ hwatò hwa hwèlì hwa lùteyà nanù ema, irzɔ i ma ohwa ene eyà na oma èlìŋgɛ̀ e ma jo lìyɛlɛ o lì ohwa hweyà ema i ma ohwe, tɔ̀ na oma i ma hwɛ lì e ohweyà ŋmɛ̀ndì mò gbamù, tɔ̀ na oma i ma e tìleya e yɔ o kààti. Ndi irzɔ i rzi gbeye nanù.

Hwègbèèlì 10:23

Pètrò à mà kpɛlɛ hwaŋga hwatò ò ndawò. A hwa talɛlɛ mànɔ̀ŋgɔ̀ ema hwà mà akɛlɛlɛ wuu. O wònɛyi wùnyà, mɔ̀ à mà wòŋgirzɛnɛ rzìi a ɛndɛ na wɔ̀. Lòŋgò la hwàlòkèlì hwa e mbòwa ya Jopà hwà mà ɛndɛ na mɔ̀.

Hwègbèèlì 15:9

Lohwɛ̀ a rzi gbèye tɔ̀ ndandò ò wɔ̀ tɔ̀ irzɔ, èhwanja mɔ̀ à mà hwa làkirzɛ wòhwe wò awu lì akeyà na lìlòkɛ̀ la awu.

Hwègbèèlì 10:45

Hwàtò hwa Yudà ema hwa mà lòkɛ̀ Yerzù ema hwa mà uwɛ̀lɛ̀lɛ̀yi ò Jopà nà Pètrò, hwa mà tàmà rzayi-rzayi ò lì ɛnɛ nanù ema Lohwɛ̀ à ŋgbelì hvɛ hwatò ema hwa rza enje wònyà Yudà jàhwèyà jà eni jà Èlìŋgɛ̀ yà Wòtani.

Yòwanìrzɛ̀ 16:13

Ndi e Èlìŋgɛ̀ ya jɔ̀kɛ̀ e jelì tɛ, ye e tìmba ò lì hwiya e jɔ̀kɛ̀ ya arzɛ. Mɔ̀ a rza ò òhwa lì hvòmɛ̀nɛ̀ lìkànèyà la eni. Eyà ema hwa mò òhweyà yɔ ndi à ò òhwa, ndèŋgàna a ò e òhweyà hvɛ hweyà ema hwe ò gbèyɛ̀nɛ.

Matiyò 1:20

Ò maŋga màlùtèyà mà eni rzi è aŋgèlì yà ama Lohwɛ̀ è mò jèeya ò ndɔ̀tɔ̀. Rzi eŋge aŋgèlì è mò òhwèyà nanù ema, “Jòrzɛ̀hvù è ŋmanà wà mòtende mò ama Dàhwitì, ò rza òka wɔ̀ŋgɔ̀, ò lì wòwà Màlìyɛ̀ nàa jòjìyɛ̀ wà aŋgɔ̀, èhwanja Èlìŋgɛ̀ yà Wòtani è mà mò rzihwèya rzi à lìta.

Hwèwulùwèlì 22:17

Èlìŋgɛ̀ ya ama Lohwɛ̀ nà Mɔ̀ɔmbì hwa ohwa nanù ema, “Jà.” Tɔ̀ njɛnɛ ema a hweyi ene eyà mɔ̀ hvɛ a ohwa nanù ema, “Jà.” Tɔ̀ njɛnɛ ema a hwɛni nyìrzɛ ya malìhwa inyɛ a jèe a nyɔ malìhwa emà mà gbeyà hwatò hwa hwɛ o lòŋgɛ natɛ̀ɛ na o gbìndèyà. Tɔ̀ njɛnɛ ema a arzi manù malìhwa à mà luwa ŋgundu.

Hwègbèèlì 15:7

O mburzà lì chakumɛlɛ ema lì ma wawa, Pètrò rzìi a tɛ̀mɛ̀ ò ŋmanyu rzìi a hwa òhweyà nanù ema, “Ìi wònyànyàŋgò ami kòkò, e hwi nanù ema Lohwɛ̀ à mà nò hvɔ̀rzɔ̀ ò ìtììtènì ja anyu, ò lì òhweyà hwatò ema hwa rza enje wònyà Yudà Ŋmɛ̀ndì mò Gbamù aŋga nanù wɔ̀ hwa mò hweyà rzìi hwa mò lòkɛ̀.

Hwègbèèlì 13:4

Nà òma Èlìŋgɛ̀ ya wòtani ema hwa òme wɔ̀ hwahwàkɛ, hwà mà ɔ̀ndɔ̀ ò mbòwa ya Rzɛ̀lùrzìyà. Aŋga ndi hwa a anjiyana wɔ̀ɔlɔ̀ ò lì ɛndɛ ò yòndi ya Rzàyìprɔ̀rzì.

Hwègbèèlì 13:2

Nà òma hwà mà hwɛ lì gbèeyà Rzàŋgò na lì hwɛ hvɛ ò mòkìyà njàwò, Èlìŋgɛ̀ yà Wòtani rzìi e hwa òhweyà nanù ema, “È nò tindeya Bànàbàrzì na Rzàwòlò ò lì nò gbèeyà èwòlò ema imba nà mà hwa hwɛlɛnɛ.”

Hwègbèèlì 1:15

Ò eŋge hvònda, hwatò ema hwa mà lòkɛ̀ Yerzù hwa mà arzaŋganɛ ekì yɔ̀kɔ. Hwa mà hwɛ eyà ya hwègbe hwehwakɛ. Pètrò rzìi à tɛ̀mɛ̀ ò ŋmanyu ò ìtììtènì jà awu rzìi à òhwà nanù ema,

Hwègbèèlì 11:13

Kɔ̀nɛ̀lìyùrzì à mà jò òhweyà nɛ è aŋgèlì è mà mò wùrzeyà ò ndawò yà eni, rzìi è mò òhweyà nanù ema, ‘Oma mòtò mɔ̀kɔ ò mbòwà yà Jopà, ò mà mòtò mɔ̀kɔ ema lìinà là eni lì hwèlì ndi Rzìmɔ̀nì Pètrò.

Hwègbèèlì 28:15

Wònyamòwè hwa Krirztò hwà mà hweyà nanù ema i hwèlì i jà, ò eŋgànɛlɛ hwà mà uka natɛ̀ɛ na ò èki ema e hwɛ̀lɛ̀hwɛ̀ èlùwà ya ama Apìyùrzì hwahvɛhvɛ hwà mà jò ambɛlɛlɛ ò èki ema e hwɛ̀lɛ̀hwɛ̀ e Ndawò ya Hwàyɛ̀ni Hwàyàwò. Nà òma Pàwolò à mà hwa ɛnɛ, à mà eka Lohwɛ̀ rzìi a ètìrzɛ̀ mèèmà mò eni.