Hwègbèèlì 10:1 - Mokpwe: Bakwery (New Testament)

¹ O ma hwɛ munyanà mɔ̀kɔ wa Ròmànì ò mbòwa ya Kàyìrzèrìyà à mà hwɛ̀lɛ̀hwɛ̀ Kɔ̀nɛlìyurzi. A ma hwɛ ndi mòkànèlì ema à mà hwɛ lìkànèyà lìtuta lɔ̀kɔ la egbe yɔ̀kɔ ya hwàanà njuma ema lì ma hwɛ̀lɛ̀hwɛ̀ nanù ema, “Lìtuta lɔ̀kɔ la egbe yɔ̀kɔ ya hwàanà njuma ò èkòmè ya Itàlì.”

Hwègbèèlì 10:1 Referans Kwoze

Hwègbèèlì 27:1

È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”

Matiyò 27:27

Hwaànelì hwa njùma hwà mà Pìlatò rzìi hwa wòwa Yerzù hwa mò ɛ̀ndɛnɛ ò ewòka ya e mòkànèlì. Rzìi e ŋgindi ya arzɛ ya hwaànèlì hwa njùma e tòŋga Yerzù.

Hwègbèèlì 8:40

Hvìlìpì à mà ayèmbɛ mɔ̀ ŋmìti ò mbòwa ya Arzɔ̀tùrzì, tɔ̀ ima mbòwa ema à mà uke à mà hwɛ lì òhwa Ŋmɛ̀ndì mò Gbamù natɛ̀ɛ à mà uka ò mbòwa ya Kàyìrzèrìyà.

Hwègbèèlì 27:43

Ndi òŋgò mòkànèlì wa rzònja, à mà arza ò lì kàrzòlɛ Pàwolò, ò eŋgànɛ̀lɛ̀ à mà aya irzònja ema hwa rzi gbeyà nanù. Mɔ̀ à mà kànèyà nanù ema hwaŋga hwatò ema hwa tànɛyi lì nyɔ̀keyà hwa hvànje ò malìhwa hvɔ̀ni hwa nyɔ̀keyà ò lì uka ò rzàawà.

Hwègbèèlì 25:1

Hvɛ̀rzìtùrzì à mà uka ò erzòòkà ya Kàyìrzèrìyà rzi a lìya ò mbòkò ya lìkànèyà, ò mburza mèenyà meyawò à mà anjiya ò erzòòkà ya Kàyìrzèrìyà rzìi a ɛ̀ndɛ ò Jèrurzalɛ̀mù.

Matiyò 27:54

Ndì è mòkànèlì hwa hwàànà njùma na hwanɛ̀yi hwàànà njuma ema hwà mà hwɛ lì ɔŋgeya Yerzù, hwà mà ɛnɛ mònyìŋgìrzɛ̀nɛ̀ na mamɛ ya arzɛ ema e ma gbèyɛ̀nɛ hwa mà lɛ̀mbeya mòkambiya rzìi hwa òhwa nanù ema, “Nà e jɔ̀kɛ̀ ònò mòtò à mà hwɛ ndi è Ŋmanà wà munyanà wà ama Lohwɛ̀.”

Hwègbèèlì 27:31

Ndi Pàwolò à mà òhweyà òŋgò mòkànèlì wa rzònja na irzònja nanù ema, “Hwanu hwàgbèelì hwa melì me ŋmànja hwa rza enje tɛ anu tenì inyɔ e rza tànɛyi lì kàrzòwà.”

Hwègbèèlì 25:13

O mburzà ŋgurzu ja mèenyà, Kìŋgɛ̀ Agrìpa na Bɛ̀nìrzì hwà mà jà ò erzòòkà ya Kàyìrzèrìyà ò lì kàrzɛ Hvɛ̀rzìtùrzì ema à mà hwɛ e mòkànèlì.

Hwègbèèlì 23:33

Wɔ hwà mà ɛ̀ndɛ̀nɛ̀ Pàwolò ò mbòwa ndɛnɛ ya Kàyìrzèrìyà. Nà òma hwà mà uke aŋga hwà mà tɛtirzɛ e mòkànèlì itita rzìi hwa mò akɛlɛlɛ Pàwolò.

Hwègbèèlì 23:23

Òŋgò mòkànèlì wa hwàanà njuma rzìi a hwɛlɛ hwaànelì hwa njuma hwa eni hwa hwàkɛ rzìi a hwa òhweyà nanù ema, “È wòwe hwègbe hwehwakɛ hwe hwàànèlì hwa njuma, e hwa wòŋgirzɛnɛ ò lì ɛndɛ ò Kàyìrzèrìyà, e late hvɛ menì lìrzamba me hwàànèlì hwa njuma ema hwa ɛ̀ndɛnɛ iwɔ̀rzi, na ègbe ya hwàànèlì hwa njuma ema hwa anana na màwɔ̀ŋgɔ̀. O wa na wɔ̀ e wòŋgirzɛnɛ e anjiye eyà ya lùuwa la ŋgɛ̀ŋgì la wùu.

Hwègbèèlì 22:25

Ndi è hvònda ema wɔ̀ hwa mà hwɛ ò lì kàka Pàwolò ò lì mò gbiyɛ è hvònji, Pàwolò rzìi à ijòwa è ŋmànèlì wà njuma ema à mà mò kòmbɛ̀nɛ̀ nanù ema, “È hvòmɛ̀nɛ̀ nanù ema inyɔ è gbiyɛ wònja yà Ròmànì, ema è rzìi è kàyìrzɛ̀ e?”

Hwègbèèlì 21:8

O wònɛyi wùnyà irzɔ i ma anjiya ò mbòwa ya Tòlɛmàyìrzì rzi jò uka ò mbòwa ya Kàyìrzèrìyà. Nà òma i ma uke aŋga, i ma kpèeyà ò e ndawò ya ama Hvìlìpì e mòòhwèlì wà ŋmɛ̀ndì mò gbamù, rzi i lìya na mɔ̀. Mɔ̀ à mà hwɛ ndi mɔ̀kɔ wà lìrzàmba la wunyanà ema hwà mà hvɔ̀rzɔ̀wɔ̀ nàa hwà-òŋgòwànèlì ò ŋmèmba mò Jèrurzalɛ̀mù.

Yòwanìrzɛ̀ 18:12

Rzìi hwaŋga hwanelì hwa njùma nà è mòtimbèlì wa awu, nà hwàgbèèlì hwa hwatò hwa Yudà, hwa mà lɛmbɛ Yerzù rzìi hwa mò kanya.

Yòwanìrzɛ̀ 18:3

Jùdàrzì rzìi à ɛndɛ ò eŋge hvaya ò tenì yà mùùtù mò Njàhwɛ̀, à tìmba è ŋgìndì yà hwanelì hwa njùma nà lòŋgò là hwàgbèèlì hwa è Ndawò yà Lohwà ema Ipilìrzi ndɛnɛ nà Ihvàlìrzàyì hwa mà òme wɔ̀ hwa mà hwanɛ̀ mèkakò, hwètùlù nà hwɛ̀ɛ̀kɛ̀ hwe njùma.

Lukàrzɛ̀ 7:2

Ò èŋge mbòwà ò mà hwɛ mòkànèlì mɔ̀kɔ wà hwàànèlì hwa njùma wà Ròmànì ema à mà kànèyà egbe yɔ̀kɔ yà rzònja. À mà òhva mògbèèlì wà èni ema, à mà lìŋgàne rzìi, òŋgò mògbèèlì à mà ɔ̀kirzɛ̀ natɛ̀ɛ à mà hvɛ lì ŋwa.

Makòrzì 15:16

Hwaànelì hwa njùma rzìi hwa tìmba Yerzù lì mò ɛ̀ndɛnɛ ò èwòka yà ama è mòkanelì rzìi hwa rzaŋga hwahvɛhvɛ hwaànèlì hwa njùma aŋga.

Hwègbèèlì 10:24

O wònɛyi wùnyà wɔ̀ hwà mà uka ò mbòwa ya Kàyìrzèrìyà. Kɔ̀nɛlìyurzi à mà hwɛ lì hwa ambɛ̀lɛ̀, ndèŋgànɛ̀lɛ̀ mɔ̀ à mà yòhwɛ hwatò hwa eni hwa lìtumba na imbunda ja eni ema à mà lìŋgane.

Hwègbèèlì 21:31

Nà òma hwà mà hwɛ lì keka ò lì òŋwa Pàwolò, rzìi lòŋgò la hwatò hwa ɛndɛ lì òhweyà e mòkànèlì wa hwàanà njuma wa Ròmànì nanù ema kànjɛ-kanjɛ e hwèlì ò tenì ya Jèrurzalɛ̀mù hwa arzɛ.