Hvìlipìyà 4:10 - Mokpwe: Bakwery (New Testament)

¹⁰ Nà ohvi màlìŋgo rzayi-rzayi na oma imba na hwèlì e mòtò wa ama e Rzàŋgo. Èhwànja o lìrzùkù inyɔ e ma uŋmɛ̀lɛ̀ nanù ema e no ɔŋgeya. Nà hwi nanù ema e ohvi màlùtèyà ma lì no ɔŋgeya o ihvonda ja arzɛ, ndi e rzi hwɛnɛ tɔ̀ ehvolo ò lì gbeyà nanù.

Hvìlipìyà 4:10 Referans Kwoze

2 Kɔ̀rintìyà 11:9

È hvonda ema nà mà hwɛ na inyɔ, marzako na rzi ohve tɔ̀ yoma, ndèŋgàna rzi e tàkìrzɛ̀ Èhwanja tɔ̀ mamɛ ema nà mà arze wònyanyàŋgo hwa ami hwa Krirztò ema hwà mà uwɛ̀lɛ̀lɛ̀yi o Màrzèdonìyà hwà mà hwɛ lì no ŋgba e yɔ. Nà oma na rze tàkìrzɛ̀ o hvonda ya worzo, na rza tanɛ lì e tàkìrzɛ̀ hvɛ tɔ̀ ŋgèlì tɔ̀ hvɔ̀kɔ.

Gàletìyà 6:6

Tɔ̀ ima mòtò ema a okolɛhwɛ Eyà ya Lohwà, a àŋgàmɛ̀nɛ̀ lì ŋgbàà tɔ̀ mamɛ ya gbamù ema o òhvi o lì oŋgòwànà e mòòkòlèlì wa eni.

Hvìlipìyà 1:3

Nà èki Lohwɛ̀ ema imba nà gbèeyà, tɔ̀ ima hvonda nà è ɔ̀ŋgɛ̀lɛ̀ tɛ.

Gàletìyà 6:10

O èŋgànɛ̀lɛ̀ rzɔ, tɔ̀ ima hvonda ema i lu o lì gbeyà gbamù, inyɛ i wo gbèeyà tɔ̀ ima mòtò, rzɛ̀hvɔ̀nì wònyàmòwe hwa Krirztò.

2 Kɔ̀rintìyà 6:7

Ŋmɛ̀ndì ema jo òhwa, mo hwèlì ndi ŋmɛ̀ndì mo jɔ̀kɛ̀, ndèŋgànɛlɛ e ŋginyà ya ama Lohwɛ̀ yɔ ndi i gbeyàna o lì mo òhwa. Nà oma i gbeyà hweyà hwe gbamù, e ma gbeyà hwatò hwa rza ohvi tɔ̀ eyà ya wòhwe o lì jo rzambana.

Hvìlipìyà 2:30

È mo ŋgbe èluhwe ehwànja mɔ̀ à mà arza lì ŋwa, ndèŋgànɛ̀lɛ̀ a hvànji e kpelì, ehwànja a gbèeyà Krirztò. A ma gbeyà ndi nanù aŋga nanù a o no oŋgòhwànà o lì gbeyà èwòlò ema inyɔ hwiti e rzi tanɛ lì gbeyà.

Hvìlipìyà 1:1

Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.